ବିଜେପି ପାଇଁ ନିର୍ବାଚନ ପ୍ରଚାର କରି ଫସିଲେ ଗ୍ରେଟ୍ ଖଲି ! ରେସଲରଙ୍କ ବିରୁଦ୍ଧରେ ନିର୍ବାଚନ କମିସନଙ୍କ ଦ୍ୱାରସ୍ଥ ହେଲା ଟିଏମସି

କନକ ବ୍ୟୁରୋ : ଲୋକସଭା ନିର୍ବାଚନ ୨୦୧୯ରେ ବିଜେପି ପାଇଁ ପ୍ରଚାର କରି ଫସିଲେ ଗ୍ରେଟ୍ ଖଲି । ପଶ୍ଚିମବଙ୍ଗରେ ଭାରତୀୟ ଜନତା ପାର୍ଟି ପାଇଁ ରେସଲର ଦ ଗ୍ରେଟ୍ ଖଲିଙ୍କୁ ପ୍ରଚାର ପାଇଁ ଟିଏମସି ପ୍ରଶ୍ନ କରିଛି । ଗ୍ରେଟ୍ ଖଲିଙ୍କ ବିରୋଧରେ ଚିଠି ଲେଖି ଅଭିଯୋଗ କରିଛି ଟିଏମସି । ଭୋଟରଙ୍କୁ ପ୍ରଭାବିତ କରିବା ପାଇଁ ଖଲି ପ୍ରୟାସ କରିଛନ୍ତି ବୋଲି ଅଭିଯୋଗ ହୋଇଛି ।

ସୂଚନା ଅନୁସାରେ ୨୬ ଏପ୍ରିଲରେ ଜାଘବପୁରରେ ବିଜେପି ପ୍ରାର୍ଥୀ ଅନୁପମ ହାଜରାଙ୍କ ପାଇଁ ପ୍ରଚାର କରିଥିଲେ । ଟିଏମସି ଚିଠିରେ ଲେଖିଛି ଖଲିଙ୍କ ପାଖରେ ଆମେରିକାର ନାଗରିକତା ରହିଛି । ଜଣେ ବିଦେଶୀ ଭାରତୀୟ ଭୋଟରଙ୍କୁ ପ୍ରଭାବିତ କରିବା ଉଚିତ ନୁହେଁ । ଭୋଟରଙ୍କୁ ପ୍ରଭାବିତ କରିବା ପାଇଁ ତାଙ୍କୁ ଅନୁମତି ନାହିଁ ।

ପଶ୍ଚିମବଙ୍ଗରେ ୭ ପର୍ଯ୍ୟାୟରେ ମତଦାନ
୧୧ ଏପ୍ରିଲ – କୁଚ ବିହାର, ଅଲିପୁରଦଚଆର

୧୮ ଏପ୍ରିିଲ- ଜଲପାଇଗୁଡ଼ି, ଦାର୍ଜିଲିଂ, ରାୟଗଂଜ,

୨୩ ଏପ୍ରିଲ –ବାଲୁରଘାଟ, ମାଲଦା ଉତ୍ତର, ମାଲଦା ଦକ୍ଷିଣ, ଜଙ୍ଗିପୁର, ମୁର୍ସିଦାବାଦ

୨୯ ଏପ୍ରିଲ-ବେହରାମପୁର, କୃଷ୍ଣାନଗର, ରାଣାଘାଟ, ବର୍ଦ୍ଧମାନ ପୂର୍ବ, ବର୍ଦ୍ଧମାନ-ଦୁର୍ଗାପୁର, ଆସାନସଲ, ବୋଲଫୁର, ବୀରଭୂମ

୬ ମେ –ବଙ୍ଗାଓ, ବୈରକପୁର, ହାୱଡ଼ା, ଉଲୁବେରିଆ, ଶ୍ରୀରାମପୁର, ହୁଗୁଳି, ଆରମବାଗ

୧୨ ମଇ – ତାମଲୁକ, କାନ୍ତୀ, ଘାଟଲ, ଘାରଗ୍ରାମ, ମେଦିନିପୁର, ପୁର୍ଣ୍ଣିୟା, ବାଙ୍କୁରା, ବିଷ୍ଣୁପୁର

୧୯ ମେ – ମଥୁରାପୁର, ଡାଇମଣ୍ଡ ହାର୍ବର, ଜାଘବପୁର, କୋଲକୋତା ଦକ୍ଷିଣ, କୋଲକାତା ଉତ୍ତର, ଦମଦମ, ବାରାସାତ, ବସିରହାଟ, ଜୟନଗର