ମତ ବଦଳାଇଲା ଟାଇମ ପତ୍ରିକା : ଲେଖିଲା, ଦେଶକୁ ଏକାଠି ରଖିଛନ୍ତି ନରେନ୍ଦ୍ର ମୋଦି, ପୂର୍ବରୁ ମୋଦିଙ୍କୁ ଡିଭାଇଡର ଇନ୍ ଚିଫ୍ ବୋଲି କହିଥିଲା ଟାଇମ ମ୍ୟାଗାଜିନ
କନକ ବ୍ୟୁରୋ : ମତ ବଦଳାଇଲା ଟାଇମ୍ ପତ୍ରିକା । ଦିନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ‘ଡ଼ିଭାଇଡ଼ର ଇନ୍ ଚିଫ’ କହିଥିବା ଅନ୍ତରାଷ୍ଟ୍ରୀୟ ଟାଇମ୍ ପତ୍ରିକା ଏବେ ନିଜର ଆଭିମୁଖ୍ୟ ବଦଳାଇଛି । ଲୋକସଭା ନିର୍ବାଚନ ଫଳାଫଳ ଆସିବା ପରେ ଟାଇମ୍ ନିଜର ୱେବସାଇଟରେ ମୋଦିଙ୍କୁ ପ୍ରଶଂସା କରିଛି । ମୋଦି ଭାରତକୁ ଏମିତି ଭାବରେ ଏକଜୁଟ କରି ରଖିଛନ୍ତି ବିଗତ ଦଶନ୍ଧିରେ କୌଣସି ପ୍ରଧାନମନ୍ତ୍ରୀ ଏମିତି କରି ନାହାନ୍ତି ବୋଲି ମାଗାଜିନରେ ପ୍ରକାଶ ପାଇଛି ।
Kanak News is now on WhatsApp
Join and get latest news updates delivered to you via WhatsApp
ନିର୍ବାଚନ ଫଳାଫଳ ଆସିବା ପୂର୍ବରୁ ମେ ୧୦ ରେ ଟାଇମ୍ ମାଗାଜିନ୍ ନିଜର କଭରପେଜରେ ମୋଦିଙ୍କୁ ପ୍ରମୁଖ ବିଭାଜନକାରୀ ଭାବେ ଚିତ୍ରଣ କରିଥିଲା ଟାଇମ । କିନ୍ତୁ ନିର୍ବାଚନ ଫଳାଫଳ ଆସିବା ପରେ ମାଗାଜିନ୍ ଲେଖା ସମ୍ପୁର୍ଣ୍ଣ ଭାବେ ବଦଳି ଯାଇଛି । ମେ ୨୮ରେ ପ୍ରକାଶ ପାଇଥିବା ଆର୍ଟିକିଲରେ ମୋଦୀ ଭାରତକୁ ଏମିତି ଭାବରେ ଏକଜୁଟ କରି ରଖିଛନ୍ତି ବିଗତ ଦଶନ୍ଧିରେ କୌଣସି ପ୍ରଧାନମନ୍ତ୍ରୀ ଏମିତି କରି ନାହାନ୍ତି ବୋଲି ସ୍ତମ୍ଭ ପ୍ରକାଶ ପାଇଛି । ଏହି ସ୍ତମ୍ଭକୁ ମନୋଜ ଲଡ଼ୱା ଲେଖିଛନ୍ତି ।