ମାସ୍କ ଦୁର୍ନୀତିକୁ ନେଇ ସଫେଇ ରଖିଲା ବିଜେଡି । ପ୍ରେସମିଟ କରି ସାଂସଦ ସସ୍ମିତ ପାତ୍ର କହିଲେ, କେନ୍ଦ୍ରର ନୋଟିଫିକିସନ ଆଧାରରେ କିଣାଯାଇଛି ମାସ୍କ । ତଥ୍ୟ ଓ ପ୍ରମାଣ ଦେବାକୁ କଂଗ୍ରେସକୁ ଆହ୍ୱାନ
କନକ ବ୍ୟୁରୋ : ମାସ୍କ କିଣାରେ କୌଣସି ଅନିୟମିତତା ହୋଇନି । ସ୍ୱଚ୍ଛତାର ସହ କିଣାଯାଉଛି ମାସ୍କ । କୋଭିଡ ମୁକାବିଲା କ୍ଷେତ୍ରରେ ଦେଶରେ ଓଡିଶା ଆଗରେ । କୋଭିଡ ହସ୍ପିଟାଲ ପ୍ରତିଷ୍ଠାରେ ଓଡିଶା ଦେଶରେ ପ୍ରଥମ । ମାସ୍କ ଦୁର୍ନୀତିକୁ ନେଇ ସଫେଇ ରଖିଲା ବିଜେଡି । କୋଭିଡ ଉପକରଣ କିଣାରେ ଦୁର୍ନୀତି ଅଭିଯୋଗ ଆସିବା ପରେ ବିଜେଡି ଆଜି ଏକ ସାମ୍ବାଦିକ ସମ୍ମିଳନୀରେ କହିଛି, କେନ୍ଦ୍ରର ନୋଟିସ ଆଧାରରେ ମାସ୍କ କିଣାଯାଇଛି । ପଶ୍ଚିମ ଓ ଦକ୍ଷିଣ ଭାରତରେ ମାସ୍କ ଉତ୍ପାଦନ ହେଉଛି । ସଂକ୍ରମଣ ବୃଦ୍ଧି ପାଇଥିବାରୁ ମାସ୍କର ଡିମାଣ୍ଡ ବଢିଥିଲା ଆଉ ସେଥିପାଇଁ ଦର ମଧ୍ୟ ବଢିଲା । କେନ୍ଦ୍ର ସରକାର ୨୪ ମାର୍ଚ୍ଚରେ ଦର ବଢାଇଲେ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟ ରାଜ୍ୟ କେରଳ ୧୬, ମହାରାଷ୍ଟ୍ର ୧୬, ତାମିଲନାଡୁ ୧୬, କେରଳ ୧୬, କାର୍ଣ୍ଣାଟକା ୧୭.୮୯, ପଂଶ୍ଚିମବଙ୍ଗ ୧୭ ତାଙ୍କ, ତାମିଲନାଡୁ, ୧୬, ଗୁଜୁରାଟ ୨୦ ଟଙ୍କା । କେନ୍ଦ୍ର ସରକାର ଯେଉଁ ପ୍ରାଇସ ଫିକ୍ସ କରିଛନ୍ତି ରାଜ୍ୟସରକାର ସେଇ ପ୍ରାଇସ କିଣିଛନ୍ତି। କେନ୍ଦ୍ର ସରକାରଙ୍କ ନୋଟିସ ଆଧାରରେ ମେଡିକାଲ ଜିନିଷ କିଣା ହୋଇଛି । କେନ୍ଦ୍ର ସରକାର ଯେଉଁ ଦର ନିର୍ଧାରିତ କରିଛନ୍ତି ରାଜ୍ୟ ସରକାର ସେହି ଦରରେ ଜିନିଷ କିଣିଛନ୍ତି ।
କେବଳ ସଜ ମାଛରେ ପୋକ ପକାଉଛି କଂଗ୍ରେସ । ଲୋକଙ୍କ ମନରେ ଦୁର୍ନୀତିର ସଂଶୟ ସୃଷ୍ଟି କରୁଛି । କଂଗ୍ରସ ପ୍ରଶ୍ନ ଯେଉଁ ଲମ୍ବା ପ୍ରଶ୍ନ କରୁଛି, କରୋନା ମହାମାରୀ ସମୟରେ କରିଛି କଣ । ସତ ସାହସ ଅଛି ହାଇକୋର୍ଟ ଯାଆନ୍ତୁ । କଂଗ୍ରେସ ଘୃଣ୍ୟ ଓ ସସ୍ଥା ରାଜିନୀତି କରୁଛି ।
ସେପଟେ ପିସିସି ସଭାପତି ନିରଂଜନ ପଟ୍ଟନାୟକ କହିଛନ୍ତି, କେନ୍ଦ୍ର ସରକାର ମାସ୍କର ଯେଉଁ ଦର ନିର୍ଦ୍ଧାରଣ କରିଛନ୍ତି ତାହା ଖୁଚୁରା ଦର । ରାଜ୍ୟ ସରକାର ହୋଲସେଲରେ ସେହି ଦରରେ କାହିଁକି କିଣିଲେ ବୋଲି ପ୍ରଶ୍ନ କରିଛନ୍ତି । କରୋନା ମହାମାରୀ ବେଳେ ଓଡିଶାର ସ୍ୱାସ୍ଥ୍ୟବିଭାଗରେ ମହାଦୁର୍ନୀତି ହୋଇଛି । ମାସ୍କ ଓ ଅନ୍ୟ ସାମଗ୍ରୀ କିଣା ଦୁର୍ନୀତିରେ ନିରପେକ୍ଷ ତଦନ୍ତ କରି କାଯ୍ୟାନୁଷ୍ଠାନ ନେବାକୁ ରାଜ୍ୟପାଳଙ୍କ ନିକଟରେ ଦାବି କରିଛି କଂଗ୍ରେସ । ଏହା ସହ ମୁଖ୍ୟମନ୍ତ୍ରୀଙ୍କ ସ୍ପଷ୍ଟୀକରଣ ଦାବି କରିଛନ୍ତି ପିସିସି ସଭାପତି ।