ଆତଙ୍କବାଦୀଙ୍କୁ ପାଣ୍ଠି ଯୋଗାଉଥିବା ଅଭିଯୋଗରେ କାଶ୍ମୀରରେ ଏନଆଇଏର ପ୍ରହାର : ବାରମୂଳାର ୪ଟି ସ୍ଥାନରେ ଚଢାଉ
କନକ ବ୍ୟୁରୋ : ଟେରର ଫଣ୍ଡିଂ ମାମଲାରେ ଏଏନଆଇ ରେଡ଼ । ଆତଙ୍କବାଦୀଙ୍କୁ ପାଣ୍ଠି ଯୋଗାଣ ମାମଲାର ତଦନ୍ତ କରୁଥିବା ଏଏନଆଇଏ ଆଜି ଉତ୍ତର କଶ୍ମୀରର ବାରମୂଳାର ଚାରିଟି ସ୍ଥାନରେ ଚଢ଼ାଉ କରିଛି । ଏବେ ମଧ୍ୟ ସମ୍ପୃକ୍ତ ସ୍ଥାନଗୁଡ଼ିକରେ ଚଢ଼ାଉ ଜାରି ରହିଛି । ପୁଲିସ ଏବଂ ସିଆରପିଏଫ୍ ଯବାନଙ୍କ ସହ ବିଛିନ୍ନତାବାଦୀ ନେତା ସଜ୍ଜାଦ ଲୋନଙ୍କ ସହଯୋଗୀ ଆସିଫ୍ ଲୋନ, ତନବୀର ଅହମଦ, ତାରିକ୍ ଅହମଦ ଏବଂ ବିଲାଲ ଭଟ୍ଟଙ୍କ ଘରେ ଏନଆଇଏ ଚଢଉ କରିଛି । ଆତଙ୍କବାଦୀଙ୍କ ପାଣ୍ଠି ଯୋଗାଉଥିବା ସନ୍ଦେହରେ ଏମାନଙ୍କ ଘରେ ଚଢଉ କରିଛି ଏନଆଇଏ । ଏନଆଇଏ ଆଧିକାରୀ ମାନେ ମଙ୍ଗଳବାର ନିୟନ୍ତ୍ରଣ ରେଖା ସେପଟେ ବେପାରିଙ୍କ ଉପରେ ଚଢଉ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ଗତ ଶୁକ୍ରବାର ଦିନ ମଧ୍ୟ ଏନଆଇଏ ଆତଙ୍କବାଦୀଙ୍କୁ ପାଣ୍ଠି ଯୋଗାଣ ଅଭିଯୋଗରେ ଉତ୍ତର କଶ୍ମୀରର ବାରମୂଳା ଜିଲ୍ଲାର ସାପୋର ଅନ୍ତର୍ଗତ କ୍ରାଙ୍କଶିବନ ଅଞ୍ଚଳର ବ୍ୟବସାୟୀ ସାନାଉଲ୍ଲା ଭଟଙ୍କ ଘରେ ଚଢ଼ାଉ କରିଥିଲା । ସେହିପରି ଚଳିତ ସପ୍ତାହର ପ୍ରାରମ୍ଭରେ ମଧ୍ୟ ପୁଲ୍ଓ୍ଵାମା ଏବଂ ଶ୍ରୀନଗରର ସାତଟି ସ୍ଥାନରେ କେତେକ ବ୍ୟବସାୟୀଙ୍କ ଘରେ ଚଢ଼ାଉ କରିଥିଲା ଏନଆଇଏକ । ସେମାନେ ନିୟନ୍ତ୍ରଣରେଖା ସେପାରି ବାଣିଜ୍ୟରେ ସମ୍ପୃକ୍ତ ଏବଂ ଜମ୍ମୁ ଓ କଶ୍ମୀରରେ ଅସ୍ଥିରତା ସୃଷ୍ଟି କରାଇବା ପାଇଁ ଆତଙ୍କବାଦୀ ସଙ୍ଗଠନଗୁଡ଼ିକୁ ଅର୍ଥ ଯୋଗାଉଥିଲେ। ଯେଉଁମାନଙ୍କ ଘରେ ଚଢାଉ ହୋଇଥିଲା ସେମାନେ ସ୍ଥାନୀୟ ଯୁବକଙ୍କୁ ଲଶ୍କର-ଏ-ତୋଏବାରେ ସାମିଲ ହେବା ପାଇଁ ଉସକାଉ ଥିଲେ ବୋଲି ଅଭିଯୋଗ ହୋଇଥିଲା ।