ବାତ୍ୟା ପରେ ଗାଁକୁ ବିଜୁଳି ଆଣିବା ସ୍ୱପ୍ନ ହେଲା କାଳ : ତେଲେଙ୍ଗାଫେଣ୍ଠରେ ବିଦ୍ୟୁତ୍ ଖୁଣ୍ଟ ପୋତିବା ସମୟରେ ବାଳକ ଉପରେ ପଡି ଚାଲିଗଲା ଜୀବନ
କନକ ବ୍ୟୁରୋ : ବାତ୍ୟା ପରେ ଗାଁକୁ ବିଜୁଳି ଆଣିବା ସ୍ୱପ୍ନ ହେଲା କାଳ । ତେଲେଙ୍ଗାଫେଣ୍ଠରେ ବିଦ୍ୟୁତ୍ ଖୁଂଟ ପୋତିବାବେଳେ ନାବାଳକ ଉପରେ ପଡି ଚାଲିଗଲା ଜୀବନ । ସୂଚନା ଅନୁଯାୟୀ ବାତ୍ୟା ଯୋଗୁଁ ତେଲେଙ୍ଗାପେଂଠରେ ବିଭିନ୍ନ ସ୍ଥାନରେ ବିଦ୍ୟୁତ୍ ଖୁଂଟ ଭାଙ୍ଗିବା ସହ ତାର ଛିଡିଯାଇଥିଲା । ଫଳରେ ବାତ୍ୟାକୁ ଦୀର୍ଘ ୧୦ଦିନ ବିତିଯାଇଥିଲେ ବି ଆଜି ପର୍ଯ୍ୟନ୍ତ ଗାଁକୁ ବିଦ୍ୟୁତ୍ ସଂଯୋଗ ହୋଇପାରିନାହିଁ । ଏଭଳି ସ୍ଥିତିରେ କିଭଳି ଗାଁକୁ ଶୀଘ୍ର ବିଜୁଳି ଆସିବ ଯୁବକମାନେ ବିଦ୍ୟୁତ୍ ବିଭାଗର କର୍ମଚାରୀଙ୍କୁ ସହଯୋଗ କରିବା ସହ ନିଜେ ଖୁଂଟ ପୋତିଥିଲେ ।
Kanak News is now on WhatsApp
Join and get latest news updates delivered to you via WhatsApp
କିନ୍ତୁ ବିଡମ୍ବନାର ବିଷୟ ଏକ ଭଲ କାର୍ଯ୍ୟ କରିବାକୁ ଯାଇଥିବା ସେହି ଗ୍ରାମର ୧୨ବର୍ଷର ବାଳକ ବଂଟି ଉପରେ ବିଦ୍ୟୁତ୍ ଖୁଂଟ ପଡିଯାଇଥିଲା । ଯାହା ଫଳରେ ଗୁରୁତର ଭାବେ ଆହତ ହୋଇଥିଲା । ସେଠାରେ ଥିବା ଲୋକମାନେ କଟକ ବଡ ମେଡିକାଲକୁ ନେବାକୁ ଉଦ୍ୟମ କରିବାବେଳେ ପିଲାଟିର ମୃତ୍ୟୁ ହୋଇଛି । ଅନ୍ୟପଟେ ନିକଟରେ ଥିବା ପଣ୍ଡା କ୍ୟାନସର ହସ୍ପିଟାଲ ଆମ୍ବୁଲାନ୍ସ ନଦେବାକୁ ନେଇ ଗେଟ ସମ୍ମୁଖରେ ପ୍ରତିବାଦ କରିଥିଲେ ଗାଁ ଲୋକେ ।