ରହସ୍ୟ ବଢାଇଲା କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂଙ୍କ ବୟାନ : ପଡୋଶୀ ପାକିସ୍ତାନ ଉପରେ ପ୍ରତିଶୋଧ ନେଇ କଲେ ଇସାରା
କନକ ବ୍ୟୂରୋ : କିଛି ହୋଇଛି କହି ଅନେକ କିଛି ହୋଇଥିବା ସଙ୍କେତ ଦେଇଛନ୍ତି କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂହ । ଗୋଟିଏ ପଟେ ପାକିସ୍ତାନ ମାଟିରେ ସର୍ଜିକାଲଷ୍ଟ୍ରାଇକର ୨ ବର୍ଷ ପୂର୍ତ୍ତିରେ ପରାକ୍ରମ ପର୍ବ ପାଳନ କରୁଛି ଭାରତ । ଆଉ ସେପଟେ ସୀମା ଆରପଟୁ ଭାରତୀୟ ଯବାନଙ୍କ ଉପରେ ବର୍ବରତା ଚଲାଇଛି ପଡୋଶୀ । ଯାହାର ଉଚିତ ଜବାବ ଦିଆଯାଉଥିବା ନେଇ କଥା ଛଳରେ ଇଙ୍ଗିତ କରିଛନ୍ତି ରାଜନାଥ ସିଂହ । ମୁଜଫରପୁରରେ ଏକ ଜନସଭାକୁ ସମ୍ବୋଧିତ କଲାବେଳେ ରାଜନାଥ ସିଂ କିଛି ଏମିତି କଥା କହିଛନ୍ତି, ଯାହା ପାକିସ୍ତାନ ଉପରେ ବଡ ପ୍ରତିଶୋଧ ଆଡକୁ ଇସାରା କରୁଛି ।
Kanak News is now on WhatsApp
Join and get latest news updates delivered to you via WhatsApp
ହେଲେ ବୟାନକୁ ଅତି ରହସ୍ୟ ଜନକ ଭାବେ ରଖିଛନ୍ତି ରାଜନାଥ । ସୀମାରେ ଅଶାନ୍ତି ଓ ପାକିସ୍ତାନ ସହ ଚାଲିଥିବା ତିକ୍ତତାକୁ ନେଇ ତାଙ୍କର ବୟାନ ବେଶ ଗୁରୁତ୍ୱ ରଖୁଛି । ସର୍ଜିକାଲ ଷ୍ଟ୍ରାଇକର ବର୍ଷ ପୂର୍ତ୍ତି ଅବସରରେ ରାଜନାଥ ସିଂ ଇସାରା କରିଛନ୍ତି ଯେ ଭାରତୀୟ ଯବାନ ପାକିସ୍ତାନ ସୀମାରେ ପଶି ହମଲା କରିଛନ୍ତି । ବିଏସଏଫ ଯବାନ ନରେନ୍ଦ୍ର ସିଂ ସହିଦ ହେବା ଓ ସାମ୍ବା ସେକ୍ଟରରେ ପାକ ରେଞ୍ଜର୍ସଙ୍କ ଗୁଳିମାଡ ଘଟଣାକୁ ନେଇ ଏହି ବିସ୍ଫୋରକ ବୟାନ ଦେଇଛନ୍ତି ରାଜନାଥ । ଏପରିକି ପାକ ଗୁଳିର ଜବାବ ଦେବାଲାଗି ଭାରତୀୟ ସେନାର ହାତ ଖୋଲି ଦିଆଯାଇଥିବା କହିଛନ୍ତି ।