‘ଚୌକିଦାର ଚୋର ହେ ମନ୍ତବ୍ୟ’ ଦେଇ ଫସିଲେ ରାହୁଲ ! କଂଗ୍ରେସ ଅଧ୍ୟକ୍ଷକଙ୍କ ବିରୋଧରେ ନୋଟିସ ଜାରି କଲେ ସୁପ୍ରିମକୋର୍ଟ, ୨୨ ସୁଦ୍ଧା ଜବାବ ଦେବାକୁ ନିର୍ଦ୍ଦେଶ
କନକ ବ୍ୟୁରୋ : କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧିଙ୍କ ମୁସ୍କିଲ ବଢିଲା । ‘ଚୌକିଦାର ଚୋର ହେ ମନ୍ତବ୍ୟ’ ବୟାନ ନେଇ ସୁପ୍ରିମକୋର୍ଟ କଂଗ୍ରେସ ଅଧ୍ୟକ୍ଷଙ୍କ ବିରୋଧରେ ନୋଟିସ୍ ଜାରି କରିଛନ୍ତି ।ରାହୁଲ ଗାନ୍ଧୀ ରାଫେଲ ଡିଲ ଶୁଣାଣି ପରେ ଏପରି ଟିପ୍ପଣୀ ଦେଇଥିଲେ । କଂଗ୍ରେସ ଅଧ୍ୟକ୍ଷଙ୍କ ବିରୋଧରେ କୋର୍ଟର ଅବମାନନା କରିବା ନେଇ ନୋଟିସ୍ ଜାରି କରାଯାଇଛି । ଏହି ମାମଲାରେ ୨୩ ତାରିଖରେ ଶୁଣାଣି ହେବ । ଆଉ ୨୨ ସୁଦ୍ଧା ରାହୁଲଙ୍କୁ ଜବାବ ଦେବାକୁ ପଡ଼ିବ । ଭାରତୀୟଜନତା ପାର୍ଟିର ନେତ୍ରୀ ମୀନାକ୍ଷୀ ଲେଖି ସୁପ୍ରିମକୋର୍ଟରେ ରାହୁଲ ଗାନ୍ଧୀଙ୍କ ବିରୋଧରେ ଅଭିଯୋଗ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଶୁଣାଣିବେଳେ ସୁପ୍ରିମକୋର୍ଟର ପ୍ରଧାନବିଚାରପତି ରଞ୍ଜନ ଗୋଗଇ କହିିଥିଲେ, ଚୌକିଦାର ଚୋର ହେ ବୋଲି କୋର୍ଟ କେବେ ବି କହିନାହାନ୍ତି । ମିଡିଆରେ ଯାହା କୁହାଯାଇଛି ତାହା ସତ ନୁହେଁ । ରାହୁଲ ଗାନ୍ଧୀ ଏଭଳି କହିବା ସମ୍ପୂର୍ଣ୍ଣ ଭାବରେ ଭୁଲ । ଗତ ସପ୍ତାହରେ ରାଫେଲ ପ୍ରସଙ୍ଗରେ ପୁନଃବିଚାର କରିବାକୁ ସୁପ୍ରିମକୋର୍ଟ ରାଜି ହୋଇଥିଲେ । ଏହା ପରେ ରାହୁଲ ଗାନ୍ଧି କହିଥିଲେ ଯେ, ଏବେ ସୁପ୍ରିମକୋର୍ଟ ବି ମାନିସାରିଛନ୍ତି ‘ଚୌକିଦାର ଚୋର ହେ ମନ୍ତବ୍ୟ’ ।
ଏହାକୁ ଅଦାଲତ ଅବମାନନା ଦର୍ଶାଇ ମୀନାକ୍ଷୀ ଲେଖି ସୁପ୍ରିମକୋର୍ଟ ଯାଇଥିଲେ । କଂଗ୍ରେସ ସଭାପତି ନିଜର ରାଲିରେ ମୋଦି ଚୌକିଦାର ଚୌର ହେ ବୋଲି ବାରମ୍ବାର କହୁଛନ୍ତି । ତାଙ୍କ ଅଭିଯୋଗ ଅନୁସାରେ, ରାଫେଲ କିଣାରେ ବଡ ଦୁର୍ନୀତି ହୋଇଛି । ଆଉ ଏଥିରେ ମୋଦି ସାମିଲ ଅଛନ୍ତି । ଅନୀଲ ଅମ୍ବାନୀଙ୍କୁ ପ୍ରାୟ ୩୦ ହଜାର କୋଟି ଟଙ୍କାର ଫାଇଦା ପହଂଚାଇଥିବା ଅଭିଯୋଗ ଆଣିଛନ୍ତି ରାହୁଲ ଗାନ୍ଧି ।