କପିଲ ଶର୍ମା ଅଉ ସୁନୀଲ ଗ୍ରୋଭରଙ୍କ ମଧ୍ୟରେ ଚାଲିଥିବା ଲଢେଇ ପୁଣି ଏକ ବିବାଦୀୟ ମୋଡ ନେଇଛି । ଗତକାଲି କପିଲ, ସୋସିଆଲ ମିଡିଆରେ ପୋଷ୍ଟ କରି ଭୁଲ ମାଗିଥିବା ବେଳେ ଏହାର କଡା ଜବାବ ଦେଇଛନ୍ତି ସୁନୀଲ । କପିଲଙ୍କ ହସ ହସ ଚେହେରା ପଛରେ ଥିବା ଭିନ୍ନ ଏକ ମୁଖାକୁ ସେ ସାମ୍ନାକୁ ଆଣିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୁନୀଲ ଲେଖିଛନ୍ତି, ଆପଣଙ୍କ ଠାରୁ ଯଦିଓ ବହୁତ କିଛି ଶିଖିବାକୁ ମିଳିଛି ତେବେ ଆପଣଙ୍କ ବ୍ୟବହାର ବହୁତ ଦୁଃଖ ଦେଇଛି । ଗୋଟିଏ ପରାମର୍ଶ ଦେବି, ମଣିଷଙ୍କୁ ମଣିଷର ଦୃଷ୍ଟିକୋଣରେ ଦେଖ । ସମସ୍ତେ କପିଲ ଶର୍ମାଙ୍କ ଭଳି ସଫଳତା ପାଇ ପାରିବେ ନାହିଁ କି ସେଭଳି ଟାଲେଣ୍ଟ ବି ସମସ୍ତଙ୍କ ପାଖରେ ନାହିଁ ।
ଯଦି ଆପଣଙ୍କ ଭଳି ଅନେକ ଲୋକ ଥାନ୍ତେ ତେବେ କପିଲ ଶର୍ମାଙ୍କୁ ଗୁରୁତ୍ୱ କିଏ ଦିଅନ୍ତା ? ତେଣୁ ଅନ୍ୟର ଉପସ୍ଥିତିକୁ ସମ୍ମାନ ଦେବା ଶିଖନ୍ତୁ । ଯଦି କପିଲ ଶର୍ମାଙ୍କର ଭୁଲକୁ କିଏ ସାମ୍ନାକୁ ଆଣୁଛି, ତେବେ ତାକୁ ଗାଳି ଦିଅନ୍ତୁନି । ଆଉ ମହିଳାଙ୍କ ସାମ୍ନାରେ ଅଶ୍ରାବ୍ୟ ଭାଷାରେ ଗାଳି କରନ୍ତୁନି ।
ମୁଁ ଏଥିପାଇଁ ଧନ୍ୟବାଦ ଦେଉଛି, ଯେ ଆପଣ ମୋତେ ଚେତାଇ ଦେଲେ କି କପିଲ ଶର୍ମା ଶୋ କେବଳ ଆପଣଙ୍କର, ଯେତେବେଳେ ଯାହାକୁ ଚାହିଁବେ ବାହାର କରିପାରିବେ । ଆପଣ କମେଡି ଦୁନିଆର ବାଦଶାହ ଆଉ ନିଜ ଦୁନିଆରେ ସର୍ବଶ୍ରେଷ୍ଠ । ହେଲେ ମନ ରଖ, ତମେ ଭଗବାନ ନୁହେଁ ।
ନିଜର ଧ୍ୟାନ ରଖ, ଆଉ ଇଶ୍ୱରଙ୍କ ନିକଟରେ ପ୍ରାର୍ଥନା ଆପଣ ଆହୁରି ସଫଳତା ପାଆନ୍ତୁ । କିଛି ଦିନ ତଳେ ବିମାନ ଭିତରେ କପିଲ ଶର୍ମା ଆଉ ସୁନୀଲ ଗ୍ରୋଭରଙ୍କ ମଧ୍ୟରେ ଝଗଡା ହୋଇଥିବା ନେଇ ରିପୋର୍ଟ ଆସିଥିଲା । ଏପରିକି ଉଭୟେ ପରସ୍ପରକୁ ଟ୍ୱିଟରରେ ଅନଫଲୋ ମଧ୍ୟ କରିଥିଲେ ।
ସ୍ଥିତି ଏମିତି ଥିଲା ଯେ, ମସହୁର ଗୁଲାଟି କ୍ୟାରେକ୍ଟର ଛାଡିବାକୁ ସୁନୀଲ ନିଷ୍ପତ୍ତି ନେଇ ସାରିଥିଲେ, ତେବେ ଏହାପରେ କପିଲ ସୋସିଆଲ ମିଡିଆରେ ପୋଷ୍ଟ କରିଥିଲେ । ମାତ୍ର ଏ ବିବାଦ ଏବେ ଥମିବାର ନାଁ ନେଉନି ।