‘ମୋ ଭବିଷ୍ୟତ ବିସିସିଆଇ ସ୍ଥିର କରିବ’

କନକ ବ୍ୟୁରୋ: ଦକ୍ଷିଣ ଆଫ୍ରିକା ବିରୋଧରେ ଟେଷ୍ଟ ସିରିଜ୍ ହାରିବା ପରେ, ଟିମ୍ ଇଣ୍ଡିଆର ହେଡ୍ କୋଚ୍ ଗୌତମ ଗମ୍ଭୀର ଦେଇଛନ୍ତି ବଡ଼ ବୟାନ । କହିଛନ୍ତି ମୋ ଭବିଷ୍ୟତର ନିଷ୍ପତ୍ତି ବିସିସିଆଇ ନିର୍ଦ୍ଧାରଣ କରିବ । ହେଲେ ମୁଁ ହେଉଛି ସେହି ଲୋକ ଯିଏ ଇଂଲଣ୍ଡରେ ଆପଣଙ୍କୁ ରେଜଲ୍ଟ ଦେଲା ଆଉ ଚାମ୍ପିୟନ୍ସ ଟ୍ରଫିରେ କୋଚ୍ ଥିଲା ।

Advertisment

ଜାଣିରଖିବା ଉଚିତ ଯେ, ଦକ୍ଷିଣ ଆଫ୍ରିକା ବିପକ୍ଷ ଦ୍ୱିତୀୟ ଟେଷ୍ଟକୁ ଟିମ୍ ଇଣ୍ଡିଆ ୪୦୮ ରନରେ ହାରିଯାଇଛି । ଯାହାପରେ ୨୫ ବର୍ଷ ପରେ କୌଣସି ଦଳ ଭାରତ ମାଟିରେ ଟେଷ୍ଟ ସିରିଜ୍ ଜିତିଛି । ତେବେ ଏହି ଲଜ୍ଜାଜନକ ସିରିଜ୍ ପରାଜୟ ପରେ ଭାରତର କୋଚ୍ ଗୌତମ ଗମ୍ଭୀର ବଡ଼ ବୟାନ ରଖିଛନ୍ତି ।

ଆହୁରି ପଢ଼ନ୍ତୁ : ଘରୋଇ ମାଟିରେ ଟିମ ଇଣ୍ଡିଆର ଲଜ୍ଜାଜନକ ପରାଜୟ : ୨୫ବର୍ଷ ପରେ ଭାରତରେ ହରାଇଲା ଦକ୍ଷିଣ ଆଫ୍ରିକା

କଣ କହିଲେ ଗମ୍ଭୀର?

ଆମକୁ ଆହୁରି ଭଲ ଖେଳିବାକୁ ପଡିବ। ୯୫ ରନ୍ ୧ ୱିକେଟ୍ ହରାଇ ୭ ୱିକେଟ୍ ହରାଇ ୧୨୨ ରନ୍ କରିବା ଗ୍ରହଣୀୟ ନୁହେଁ। ସମସ୍ତେ ଦୋଷୀ, ମୁଁ ମଧ୍ୟ
ଟେଷ୍ଟ କ୍ରିକେଟ୍ ଖେଳିବା ପାଇଁ, ଆପଣଙ୍କୁ ସବୁଠାରୁ କ୍ଷୀପ୍ର ଏବଂ ପ୍ରତିଭାଶାଳୀ କ୍ରିକେଟରଙ୍କ ଆବଶ୍ୟକତା ନାହିଁ। ଆମକୁ ଦକ୍ଷତାର ଭଣ୍ଡାର ସହିତ ଶକ୍ତିଶାଳୀ ଖେଳାଳିଙ୍କ ଆବଶ୍ୟକତା ଅଛି
ମୋର ଭବିଷ୍ୟତ ନେଇ ବିସିସିଆଇ ନିଷ୍ପତ୍ତି ନେବ, କିନ୍ତୁ ମୁଁ ସେହି ବ୍ୟକ୍ତି ଯିଏ ଇଂଲଣ୍ଡରେ ତୁମକୁ ଫଳାଫଳ ଦେଇଥିଲା ଏବଂ ଚାମ୍ପିଅନ୍ସ ଟ୍ରଫିର କୋଚ୍ ଥିଲା ।

ସୂଚନାଯୋଗ୍ୟ ଯେ, ହେଡ୍ କୋଚ୍ ଗୌତମ ଗମ୍ଭୀରଙ୍କ ନେତୃତ୍ୱରେ, ଭାରତ ଏବେ ଘରୋଇ ପରିବେଶରେ ନ୍ୟୁଜିଲ୍ୟାଣ୍ଡ ଏବଂ ଦକ୍ଷିଣ ଆଫ୍ରିକା ବିପକ୍ଷରେ ପାଞ୍ଚଟି ଟେଷ୍ଟ ହାରିଛି । ଏହା ମଧ୍ୟ ୬୬ ବର୍ଷ ମଧ୍ୟରେ ପ୍ରଥମ ଥର ଯେ ଦଳ ସାତ ମାସ ମଧ୍ୟରେ ପାଞ୍ଚଟି ଟେଷ୍ଟ ହାରିଛି ।