କନକ ବ୍ୟୁରୋ: କନକ ନ୍ୟୁଜ ପ୍ରଭାବରେ ଅସହାୟ ପରିବାରକୁ ମିଳିଛି ସହାୟତା । ଘରର ରୋଜଗାରିଆ ପୁଅ ଅଧାବାଟରେ ଛାଡି ଆରପାରିକୁ ଚାଲିଯିବା ପରେ ତାର ଶୁଦ୍ଧିକର୍ମ ପାଇଁ ଜିଲ୍ଲା ପ୍ରଶାସନ ଓ ସ୍ବେଛାସେବୀ ସଙ୍ଗଠନ ଓ ସମାଜସେବୀ ମାନଙ୍କୁ ସହାୟତା ମାଗିଥିଲେ  ବୁଢ଼ୀ ମା ଓ ପତ୍ନୀ । ଏହି  ଖବର କନକ ନିୟୁଜରେ ପ୍ରସାରଣ ପରେ ଏବେ ଅସହାୟ ପରିବାର ନିକଟରେ ପହଁଚିଛି ସହାୟତା ।

କେନ୍ଦ୍ରାପଡ଼ା ମାର୍ଶାଘାଇ ବ୍ଲକ ମାଣିକପୁର ଗାଁର ବ୍ରଜବନ୍ଧୁ ଯକ୍ଷ୍ମା ରୋଗରେ ଆକ୍ରାନ୍ତ ହୋଇ ଆଖି ବୁଜିଥିଲେ । ଆଉ ତାଙ୍କ ପରିବାରକୁ ସହାୟତାର ହାତ ବଢାଇଛନ୍ତି ସମାଜସେବୀ ରମାକାନ୍ତ ନାୟକ । ଶୁଦ୍ଧିକର୍ମ ପାଇଁ ହାତରେ ଅର୍ଥ ନଥିବାରୁ ମୃତ ଦିନବନ୍ଧୁଙ୍କର ପରିବାର  ସହାୟତା ପାଇଁ ଜିଲ୍ଲା ପ୍ରଶାସନ ଓ ସ୍ବେଛାସେବୀ ସଙ୍ଗଠନ ମାନଙ୍କୁ ଅନୁରୋଧ କରିଥିଲେ ।

ସେହିପରି ମାର୍ଶାଘାଇ ବ୍ଲକ ବିଡିଓ ପଞ୍ଚାନନ ମଲ୍ଲିକ ଓ ତାଳସଙ୍ଗା ଗ୍ରାମ ପଂଚାୟତର ସରପଂଚଙ୍କ ପ୍ରତିନିଧୀ ସଂଜୟ କୁମାର ବେହେରା ମୃତ ବ୍ରଜବନ୍ଧୁଙ୍କ ଘରେ ପହଁଚି ହରିଶ୍ଚନ୍ଦ୍ର ଯୋଜନାରେ ଆର୍ଥିକ ସହାୟତା ପ୍ରଦାନ କରିବା ସହିତ ରାସନ ସାମଗ୍ରୀ ମଧ୍ୟ ଯୋଗାଇଦେଇଛନ୍ତି । ବଡ଼କଥା ହେଉଛି, ଖବର ଦେଖାଇବା ପରେ ଜଣେ ଗରିବଙ୍କ ଘରେ ପ୍ରଶାସନ ହେଉ କି ସ୍ବେଚ୍ଛାସେବୀ ପହଞ୍ଚୁଥିବାବେଳେ ଆଜି ବି ଏମିତି ଅନେକ ପରିବାର ଅଛନ୍ତି ଯେଉଁମାନେ ଆର୍ଥିକ ଅନଟନରେ ଜୀବନ ଯାପନ କରୁଛନ୍ତି ।