୧ଟଙ୍କାରେ ବାହାଘର, ଉଦାହରଣ ସାଜିଲେ ଜଜ୍ ଦମ୍ପତ୍ତି

କନକ ବ୍ୟୁରୋ: ସମସ୍ତେ ଚାହାନ୍ତି ଧୁମଧାମରେ ବିବାହ କରିବା ପାଇଁ । ଆଉ ଏଥିପାଇଁ ଲକ୍ଷ ଲକ୍ଷ ଟଙ୍କା ଖର୍ଚ୍ଚ ମଧ୍ୟ କରିଥାନ୍ତି । ବିବାହ ପୂର୍ବରୁ ପ୍ରି-ୱେଡିଂ ସୁଟିଂଠୁ ନେଇ ବିବାହ ଏବଂ ଭୋଜିଭାତରେ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରିଦେଇଥାନ୍ତି । କନିଆ ଘର ବି ଯୌତୁକ ପାଇଁ ଅନେକ ଟଙ୍କା ଖର୍ଚ୍ଚ କରିଥାନ୍ତି । କିନ୍ତୁ ବର୍ତ୍ତମାନ ଏମିତି ଏକ ବିବାହର ଖବର ସାମ୍ନାକୁ ଆସିଛି । ଯାହା ସମସ୍ତଙ୍କ ପାଇଁ ଉଦାହରଣ ପାଲଟିବ ନିଶ୍ଚୟ । ପାଖରେ ଟଙ୍କାର ଅଭାବ ନଥାଇ ବି ମାତ୍ର ୧ଟଙ୍କା ଖର୍ଚ୍ଚରେ ବିବାହ କରିଛନ୍ତି ଜୁଇଜଣ ଜଜ୍ । 

ରାଜସ୍ଥାନର କୋଟପୁଟଲି ବେହରୋଡ ଜିଲ୍ଲା କଲେକ୍ଟରଙ୍କ କାର୍ଯ୍ୟାଳୟରେ ଏକ ନିଆରା ବିବାହ ଦେଖିବାକୁ ମିଳିଛି । ବାଂସୁରର ଗୁଣ୍ଟା ଶାହପୁରର ବାସିନ୍ଦା ହେମନ୍ତ ମେହରା ଏବଂ ହନୁମାନଗଡ଼ର ବାସିନ୍ଦା କରୀନା କାଲା ଯୌତୁକ ଏବଂ ଅଜଥା ଖର୍ଚ୍ଚରୁ ବଞ୍ଚିବା ପାଇଁ ନିଆରା ଢଙ୍ଗରେ ବିବାହ କରିଛନ୍ତି । ଉଭୟ ନ୍ୟାୟିକ ଅଧିକାରୀ ଏବଂ ସମ୍ବିଧାନକୁ ସାକ୍ଷୀ ରଖି ସେମାନଙ୍କର ବିବାହ ସମ୍ପନ୍ନ କରିଛନ୍ତି ।

ବରଗଡ଼ ଓ ସମ୍ବଲପୁର ଜିଲ୍ଲାରେ ଆଜି ଖୋଲିବ ଧାନ ମଣ୍ଡି : ହେଲେ ଚାଷୀଙ୍କୁ ମିଳିନି ଏ ଯାଏଁ ଟୋକନ୍

ସମ୍ବିଧାନ ଦିବସରେ ବିବାହ ହୋଇଥିଲା
ହେମନ୍ତ ମେହରା ଜଣେ ସିଭିଲ୍ ଜଜ୍, ସୱାଇ ମାଧୋପୁରର ଚୌଥ୍ କା ବାରୱାଡ଼ାରେ ନିଯୁକ୍ତ । କରୀନା କାଲା ଜଣେ ତାଲିମପ୍ରାପ୍ତ ନ୍ୟାୟିକ ଅଧିକାରୀ । ଉଭୟ କହିଛନ୍ତି ଯେ ସେମାନେ ନ୍ୟାୟିକ ସେବାରେ ଅଛନ୍ତି ଏବଂ ସମ୍ବିଧାନକୁ ସର୍ବୋଚ୍ଚ ଭାବରେ ବିଶ୍ୱାସ କରନ୍ତି । ଏହି ବିଶ୍ୱାସ ସେମାନଙ୍କୁ ସେମାନଙ୍କ ବିବାହ ପାଇଁ ସମ୍ବିଧାନ ଦିବସ ବାଛିବାକୁ ପ୍ରେରଣା ଦେଇଥିଲା । ଜିଲ୍ଲା କଲେକ୍ଟର ପ୍ରିୟଙ୍କା ଗୋସ୍ୱାମୀ ଏବଂ ଏଡିଏମ୍ ଓମପ୍ରକାଶ ସହାରନ୍ ଉଭୟ ପରିବାର ସହିତ ବିବାହରେ ଉପସ୍ଥିତ ଥିଲେ । ଅଧିକାରୀମାନେ ନବବିବାହିତ ଦମ୍ପତିଙ୍କୁ ଆଶୀର୍ବାଦ ଦେଇଥିଲେ। ଦୁଇ ଯୁବ ବିଚାରପତିଙ୍କ ଏହି ପଦକ୍ଷେପ ଯୌତୁକ ବିରୋଧୀ ଏବଂ ସାମାଜିକ ସମନ୍ୱୟର ଏକ ଦୃଢ଼ ବାର୍ତ୍ତା ବୋଲି ଚର୍ଚ୍ଚା ହେଉଛି ।

ହେମନ୍ତଙ୍କ ଜନ୍ମ ବାଂସୁରର ଗୁଣ୍ଟା ଶାହପୁରରେ ହୋଇଥିଲା । ସେ କୋଭିଡ-୧୯ ମହାମାରୀ ପରେ ତାଙ୍କର ପୋଷ୍ଟିଂ ପାଇଥିଲେ । ୨୦୨୧ ମସିହାରେ କୋଭିଡ-୧୯ ମହାମାରୀ ସମୟରେ ସେ ବାଂସୁରରେ ତାଲିମ ନେଇଥିଲେ । ତା'ପରେ ତାଙ୍କୁ ଯୋଧପୁର ଏବଂ ଏକ ଅସ୍ଥାୟୀ ସମୟ ପରେ ଜୟପୁର ଜିଲ୍ଲା ସେସନ୍ସ କୋର୍ଟରେ ପୋଷ୍ଟିଂ କରାଯାଇଥିଲା । ତାଙ୍କ ବାପା ଜଣେ ଅବସରପ୍ରାପ୍ତ ଶିକ୍ଷକ, ତାଙ୍କ ମାଆ ଜଣେ ଗୃହିଣୀ ଏବଂ ତାଙ୍କ ବଡ଼ ଭାଇ ଜଣେ ଚାଷୀ । ଜଣେ ସିଭିଲ୍ ଜଜ୍ ହେବା ପୂର୍ବରୁ, ହେମନ୍ତ ବାଂସୁରରେ ମଧ୍ୟ ଓକିଲାତି ଅଭ୍ୟାସ କରୁଥିଲେ । ଏହା ଥିଲା ତାଙ୍କ କ୍ୟାରିୟରର କଥା । ତାଙ୍କ କ୍ୟାରିୟରକୁ ନେଇ ସେ ଯେତେ ପ୍ରଶଂସା ସାଉଣ୍ଟିନଥିଲେ ଆଜି ତାଙ୍କର ଛୋଟିଆ ନିଷ୍ପତ୍ତି ସମସ୍ତଙ୍କ ପାଇଁ ଉଦାହରଣ ସୃଷ୍ଟି କରିଛି । ଯେଉଁଠି ଯୌତୁକ ପାଇଁ ନବ ନଧୂଙ୍କୁ ନିର୍ଯାତନା ଦିଆଯାଉଛି । ସେଠାରେ ହେମନ୍ତ ୧ଟଙ୍କା ବି ଯୌତୁକ ନଆଣି, ବିବାହରେ ଖର୍ଚ୍ଚ ହେଉଥିଲା ଅଜଥା ଖର୍ଚ୍ଚକୁ ରୋକି ସମାଜକୁ ଏକ ନିଆରା ବାର୍ତ୍ତା ପ୍ରଦାନ କରିଛନ୍ତି ।