ମରୁଡ଼ି ଗ୍ରସ୍ତ ଅଞ୍ଚଳ ପାଇଁ ପ୍ୟାକେଜ ଘୋଷଣା କଲେ ମୁଖ୍ୟମନ୍ତ୍ରୀ ! ସ୍କୁଲ, କଲେଜ ପିଲାଙ୍କ ଟ୍ୟୁସନ ଓ ପରୀକ୍ଷା ଫି ସଂପୂର୍ଣ୍ଣ ଛାଡ଼
କନକ ବ୍ୟୁରୋ : ମରୁଡ଼ି ଗ୍ରସ୍ତ ଅଞ୍ଚଳ ପାଇଁ ସ୍ୱତନ୍ତ୍ର ଫ୍ୟାକେଜ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ୧୫ଟି ଜିଲ୍ଲା ପାଇଁ ଘୋଷଣା ହେଲା ମରୁଡ଼ି ପ୍ୟାକେଜ୍ । ୧୫ଟି ଜିଲ୍ଲାର ୭୦ଟି ବ୍ଲକ ପାଇଁ ମରୁଡ଼ି ପ୍ୟାକେଜ୍ ଘୋଷଣା କରେ ମୁଖ୍ୟମନ୍ତ୍ରୀ । ମରୁଡ଼ି ପ୍ରଭାବିତ ଅଞ୍ଚଳରେ ଜଳକର ଆଦାୟ ସଂପୂର୍ଣ୍ଣ ଛାଡ଼ ହେବ । ଏହି ସ୍ୱତନ୍ତ୍ର ଫ୍ୟାକେଜ ହିସାବରେ କ୍ଷୁଦ୍ର ଏବଂ ନାମମାତ୍ର ଚାଷୀଙ୍କୁ ସହାୟତା ମିଳିବ । ମରୁଡ଼ିରେ ୩୩% ତଥା ତା’ଠାରୁ ଅଧିକ ଫସଲହାନୀ ହୋଇଥିଲେ ଚାଷୀଙ୍କୁ ହେକ୍ଟର ପିଛା ଇନପୁଟ୍ ସବସିଡି ପ୍ରଦାନ କରାଯିବ । ବର୍ଷାଜଳ ଉପରେ ଓ ଅଣଜଳସେଚିତ ଜଳ ଉପରେ ନିର୍ଭଳଶୀଳ ଚାଷୀଙ୍କ ପାଇଁ ୬,୮୦୦ ଏବଂ ଯେଉଁଠି ଜଳସେଚନ ସୁବିଧା ରହିଛି ସେଠାରେ ଛାଷୀଙ୍କୁ ପ୍ରତି ହେକ୍ଟର ପିଛା ୧୩,୫୦୦ ଟଙ୍କା ଲେଖାଏଁ ସହାୟତା ଯୋଗାଇ ଦିଆଯିବ ।
Kanak News is now on WhatsApp
Join and get latest news updates delivered to you via WhatsApp
ମରୁଡ଼ି ଯୋଗୁଁ ନଷ୍ଟ ହୋଇଯାଇଥିବାରୁ ଚାଷୀମାନଙ୍କୁ ରବି ଫସଲ ପାଇଁ ଆର୍ଥିକ ସହାୟତା ଦିଆଯିବ ବୋଲି ସରକାର ଘୋଷଣା କରିଛନ୍ତି। ମରୁଡ଼ି ପ୍ରଭାବିତ ଅଂଚଳରେ ୧,୨୫ ଲକ୍ଷ ପଲସ ମିନିକିଟ୍ , ୦.୫ ଲକ୍ଷ ଅଏଲ ସିନ ଓ ୦.୨୫ ଲକ୍ଷ ଭେିଜିଟେବଲ ମିନିକିଟ୍ ଚାଷୀଙ୍କୁ ଯୋଗାଇ ଦିଆଯିବ । ସେହିପରି ଫସଲ ହାନୀ ଯୋଗୁଁ ଗ୍ରାମାଞ୍ଚଳର ଚାଷୀମାନେ ଗାଁ ସାହୁକାର ଓ ସୁଧ ବେପାରିଙ୍କ ଦ୍ୱାରା ଶୋଷଣର ଶିକାର ହେବାର ସମ୍ଭାବନା ଥିବାରୁ ଜିଲ୍ଲା ପ୍ରଶାସନ ଏମାନଙ୍କ ଉପରେ କଡ଼ା ନଜର ରଖିବା ସହିତ ପୁଲିସ ଅପରାଧିକ ମାମଲା ରୁଜୁ କରିବା ପାଇଁ ରାଜ୍ୟ ସରକାର ନିର୍ଦ୍ଦେଶ ଦେଇଛନ୍ତି । ମରୁଡ଼ି ପ୍ରଭାବିତ ଚାଷୀଙ୍କୁ ଅଂଚଳରେ ୫୦୦୦ ପମ୍ପ ଓ ୫୦ ପ୍ରତିଶତ ସବସିଡ଼ି ଉପଲବ୍ଧ କରାଯିବ । ଏହା ବ୍ୟତୀତ ଜମିହୀନ, କ୍ଷୁଦ୍ର ଚାଷୀ ଓ ନାମ ମାତ୍ରଚାଷୀଙ୍କୁ ରାଜ୍ୟ ସରକାର ଗୋ ପାଳନ କରିବା ପାଇଁ ସହାୟତା ମଧ୍ୟ ଯୋଗଇବ । ସ୍କୁଲ, କଲେଜ ପିଲାଙ୍କ ଟ୍ୟୁସନ ଓ ପରୀକ୍ଷା ଫି ସଂପୂର୍ଣ୍ଣ ଛାଡ଼ ହେବ ହେବ ବୋଲି ଘୋଷଣା କରିଛନ୍ତି ରାଜ୍ୟ ସରକାର ।