ନିର୍ବାଚନ ଲଢିବା ନେଇ ସାମ୍ବାଦିକଙ୍କ ପ୍ରଶ୍ନର ଉତ୍ତର ରଖିଲେ ସୌମ୍ୟରଂଜନ ! କହିଲେ, ମୋର ଆବଶ୍ୟକତା ଅନୁଭବ କଲେ ମୁଖ୍ୟମନ୍ତ୍ରୀ ନିଷ୍ପତ୍ତି ନେବେ
କନକ ବ୍ୟୁରୋ : ଆଗାମୀ ନିର୍ବାଚନରେ ସାଂସଦ ସୌମ୍ୟରଂଜନ ପଟ୍ଟନାୟକ ନିର୍ବାଚନ ଲଢିବେ କି ? ଗଣମାଧ୍ୟମ ପ୍ରତିନିଧିଙ୍କ ଏହି ପ୍ରଶ୍ନର ଉତ୍ତର ଦେଇ ସାଂସଦ କହିଛନ୍ତି ସେ ଏବେ ରାଜ୍ୟସଭାରେ ପ୍ରତିନିଧିତ୍ୱ କରୁଛନ୍ତି । ଯଦି ରାଜ୍ୟରେ ତାଙ୍କ ଆବଶ୍ୟକତା ଦଳର ସୁପ୍ରିମୋ ଅନୁଭବ କରି ଦାୟତ୍ୱ ଦିଅନ୍ତି ତେବେ ତୁଲାଇବି ବୋଲି କହିଛନ୍ତି ସୌମ୍ୟରଂଜନ ପଟ୍ଟନାୟକ । ନିର୍ବାଚନରେ ବିଭିନ୍ନ ଲୋକ ବିଭିନ୍ନ ଭୂମିକାରେ ରହିବେ । କିଛି ଲୋକ ଲଢ଼ିବେ କିଛି ଲୋକେ ନିର୍ବାଚନ ପ୍ରଚାର କରିବେ ଆଉ କିଛି ଲୋକ ପରଦା ପଛରେ ରହି ଦାୟିତ୍ୱ ତୁଲାଇବେ । ଆଉ ଦିନେ ଦୁଇ ଦିନ ଭିତରେ ଚିତ୍ର ସ୍ପଷ୍ଟ ହୋଇଯିବ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଇସ୍ତାହାର କମିଟି ବୈଠକ ସଂପର୍କରେ ପ୍ରତିକ୍ରିୟା ଦେଇ କହିଛନ୍ତି ଆନୁଷ୍ଠାନିକ ଭାବେ ଇସ୍ତାହାର କମିଟି ବୈଠକ ବସିବ । ହେଲେ ଇସ୍ତାହାର ସଂପର୍କରେ ମିଡିଆକୁ ଆଗୁଆ ସୂଚନା ଦେଇ ଇସ୍ତାହାରର ଚମକ କମେଇବାକୁ ଚାହିଁବୁ ନାହିଁ ବୋଲି କହିଛନ୍ତି ସାଂସଦ ସୌମ୍ୟ ରଂଜନ ପଟ୍ଟନାୟକ ।