ଅସାଧାରଣ ପ୍ରତିଭାର ଅଧିକାରୀ ସିକିମର ହେମନ ଥାପ୍ପା ! ନାକରେ ବଜାଇ ପାରନ୍ତି ବଂଶୀ
ଭଗବାନ ସମସ୍ତଙ୍କୁ କିଛି ନା କିଛି ପ୍ରତିଭା ଦେଇଥାଆନ୍ତି, ଯାହା ଜଣକୁ ଅନ୍ୟ ଠାରୁ ଭିନ୍ନ ପରିଚିତ କରାଏ । କାହା ଦ୍ୱାରା ଭଲ ଗୀତ ହୁଏ ତ କିଏ ଭଲ ପାଠ ପଢ଼େ ଆଉ କିଏ ଭଲ ନାଚ କରିପାରେ, କିଏ ଭଲ ବଂଶୀ ବଜାଏ । ତେବେ ଭଲ ବଂଶୀ ବାଜଇବା ସହ ନାକରେ ବଂଶୀ ବଜାଇବା ନିହାତି ଏକ ଅସାଧାରଣ ପ୍ରତିଭା । ଆପଣ ଭାବୁଥିବେ ନାକରେ ବଂଶୀ ବଜାଇବା କ’ଣ ସମ୍ଭବ । ସିକିମର ୪୫ ବର୍ଷ ବୟସ୍କ ହେମନ ଥାପ୍ପା ଏମିତି ଅସାଧାରଣ ପ୍ରତିଭାର ଅଧିକାରୀ । ନାକରେ ବଜାଉଛନ୍ତି ବଂଶୀ ।
Kanak News is now on WhatsApp
Join and get latest news updates delivered to you via WhatsApp
ସମସ୍ତେ ନିଜ ପାଟି ଦ୍ୱାରା ବଂଶୀ ବଜାଉଥିବା ବେଳେ ହେମନ ଥାପ୍ପା ନାକରେ ବଂଶୀ ବଜାଇବା ଆଶ୍ଚର୍ଯ୍ୟ କରିଛି ସମସ୍ତଙ୍କୁ । ତାଙ୍କର ନିଆରା ଶୈଳୀରେ ବଂଶୀ ବଜାଇବା ଏବେ ଇଂଟରନେଟରେ କୌତୁହଳ ସୃଷ୍ଟି କରିଛି । ତେବେ ସେ ଯେ କେବଳ ନାକରେ ସୁନ୍ଦର ଭାବେ ବଂଶୀ ବଜାଇପାରନ୍ତି ତାହା ନୁହଁ ବଂଶୀ ବଜାଇବା ସହ ଏକକାଳୀନ ଭାବେ ଗିଟାର ଓ ପିଆନୋ ମଧ୍ୟ ବଜାଇପାରନ୍ତି । ଯାହା ଶ୍ରୋତାଙ୍କୁ ସବୁବେଳେ ଚମତ୍କୃତ କରିଥାଏ । ସିକିମର ହେମାନ ଥାପ୍ପା ଜଣେ ପେଶାଦାର ବଂଶୀ ବାଦକ । ବଂଶୀ ବଜାଇବା ଦ୍ୱାରା ତାଙ୍କୁ ବେଶ ଆନନ୍ଦ ମିଳିଥାଏ ବୋଲି କୁହନ୍ତି ହେମାନ । ହେମାନଙ୍କ ନାକରେ ବଂଶୀ ବଜାଇବାକୁ ଏବେ ମିଳିଛି ପ୍ରଶଂସା । ସୋସିଆଲ୍ ମିଡ଼ିଆରେ ଭାଇରାଲ୍ ହୋଇଛି ହେମାନଙ୍କ ଫ୍ଲୁଟ୍ ଭିଡ଼ିଓ ।