ଆଡ଼ମିନ୍ ଅନୁମତି ବିନା ହ୍ୱାଟସଆପ୍ ଗ୍ରୁପରେ ହୋଇପାରିବେ ସାମିଲ ! ଜାଣନ୍ତୁ କିପରି ଏହା ସମ୍ଭବ ?
ଆଡ଼ମିନର ବିନା ଅନୁମତିରେ ହ୍ୱାଟସଆପ ଗ୍ରୁପରେ ହୋଇପାରିବେ ସାମିଲ୍ । ଜର୍ମାନର କ୍ରେଫ୍ଟୋଗ୍ରାଫରର ଏକ ଟିମ୍ ସ୍ୱିଜରଲାଣ୍ଡରେ ଅନୁଷ୍ଠିତ ହୋଇଥିବା ସିକ୍ୟରିଟି କନଫରେନ୍ସରେ ଏହାର ସୂଚନା ଦେଇଛନ୍ତି । ଟିମ ଅନୁସାରେ ହ୍ୱାଟସଆପର ସର୍ଭରକୁ ନିୟନ୍ତ୍ରଣ କରୁଥିିବା କୌଣସି ବି ସଦସ୍ୟ ଆଡ଼ମିନର ଅନୁମତି ବିନା ହ୍ୱାଟସଆପ୍ ଗ୍ରୁପରେ ଯୋଡ଼ିହୋଇପାରିବେ । ଆଉ ଏହାପରେ ସେ ଗ୍ରୁପର ସମସ୍ତ ମେସେଜ ମଧ୍ୟ ଦେଖିପାରିବେ । ହ୍ୱାଟସଆପରେ ମହଜୁଦ ଥିବା ବଗ୍ ଯୋଗୁଁ ଏପରି ସମ୍ଭବ ହୋଇପାରୁଛି ବୋଲି ସୂଚନା ମିଳିଛି । ରିପୋର୍ଟରେ କୁହାଯାଇଛି ଗ୍ରୁପର ଆଡ଼ମିନରେ ପାଖରେ ଅଧିକାର ଥାଏ ସେ ଗ୍ରୁପର କୌଣସି ବି ନୂଆ ସଦ୍ୟଙ୍କୁ ଗ୍ରୁପ୍ ସହ ଯୋଡ଼ିପାରିବ । କିନ୍ତୁ ସଦ୍ୟ ସୂଚନା ଅନୁସାରେ ଏଥିପାଇଁ ହ୍ୱାଟସଆପ୍ କୌଣସି ପ୍ରମାଣର ବ୍ୟବହାର କରେନାହିଁ ଯାହାଦ୍ୱାରା ସର୍ଭର ନିୟନ୍ତ୍ରଣ କରି ଗ୍ରୁପ ସହ ଯୋଡ଼ି ହୋଇପାରିବେ କୌଣସି ବି ବ୍ୟକ୍ତି ।
Kanak News is now on WhatsApp
Join and get latest news updates delivered to you via WhatsApp
ଅଧ୍ୟୟନକର୍ତ୍ତାଙ୍କ ଅନୁସାରେ ଦାବି କରାଯାଇଛି, ଯଦି ହ୍ୟାକର୍ସ କୌଣସି ବି ପ୍ରକାରେ ସର୍ଭର ନିୟନ୍ତ୍ରଣ କରିପାରିବ, ତେବେ ସେ ଗ୍ରୁପର ମେସଜକୁ ବ୍ଲକ୍ ମଧ୍ୟ କରିପାରିବ । ଏହାସହ ହ୍ୟାକର୍ସ ଗ୍ରୁପରେ କିଏ ମେସଜ କରିବ କିଏ କରିବ ନାହିଁ ସେକଥା ବି ନିଷ୍ପତ୍ତି ନେଇପାରିବ । ଅନ୍ୟପଟେ ହ୍ୱାଟସଆପର ଜଣେ ପ୍ରବକ୍ତା କହିଛନ୍ତି ଏହା ବିଲକୁଲ ସମ୍ଭବ ନୁହେଁ । କେହି ଚାହିଁଲେ ମଧ୍ୟ କୌଣସି ଗ୍ରୁପରେ ଯୋଡ଼ିହେବା କଥା ବିଲକୁଲ ଅସମ୍ଭବ । ତେବେ କୌଣସି ବଗ୍ କାରଣରୁ ଯଦି ଗ୍ରୁପରେ ଏପରି ହୋଇପାରେ । କମ୍ପାନୀର ଏହାର ଯାଂଚ ଆରମ୍ଭ କରିଦେଇଛି ।