କନକ ବ୍ୟୁରୋ : କରୋନାକୁ କିଭଳି ମୁକାବିଲା କରାଯାଇପାରିବ ସେ ନେଇ ତତ୍ପର ହୋଇଉଠିଛନ୍ତି ରାଜ୍ୟର ସମସ୍ତ ଜିଲ୍ଲାପ୍ରଶାସନ । କରୋନାର କୌଣସି ଔଷଧ ବାହାରି ନଥିବାରୁ ସ୍ୱାସ୍ଥ୍ୟମନ୍ତ୍ରାଳୟର ନିର୍ଦ୍ଦେଶାବଳୀ ଅନୁଯାୟୀ କିଭଳି ଆୟତରେ ରଖାଯାଇପାରିବ ସେଥିପାଇଁ ବିଶେଷ ପଦକ୍ଷେପ ନେଇଛନ୍ତି । ବିଶେଷକରି ଭିଡକୁ ଏଡାଇବାକୁ ଗୁରୁତ୍ୱ ଦେଇଛନ୍ତି ସ୍ଥାନୀୟ ପ୍ରଶାସନ ।
Kanak News is now on WhatsApp
Join and get latest news updates delivered to you via WhatsApp
ରାୟଗଡାରେ ଜିଲ୍ଲା ପ୍ରଶାସନ ୧୪୪ ଧାରା ଲାଗୁ କରିଥିବା ବେଳେ ଗଂଜାମ ଜିଲ୍ଲାରେ ମଧ୍ୟ ୧୪୪ ଧାରା ଲାଗୁ କରିଛନ୍ତି ଜିଲ୍ଲାପାଳ । ସମସ୍ତ ସରକାରୀ କର୍ମଚାରୀଙ୍କ ଛୁଟି ବାତିଲ କରାଯାଇଛି । କରୋନା ମୁକାବିଲା ପାଇଁ ସତର୍କତା ପାଇଁ ଏହି ପଦକ୍ଷେପ ନେଇଛି ଜିଲ୍ଲା ପ୍ରଶାସନ । ସେପଟେ ରାଉରକେଲାର ତିନୋଟି ପ୍ରମୁଖ ପାର୍କରେ ପ୍ରବେଶ କରିବା ନେଇ ଲାଗୁ ହୋଇଛି କଟକଣା ।
ଲୋକଙ୍କ ଭିଡ ଏଡାଇବା ପାଇଁ ଏହି ପଦକ୍ଷେପ ନେଇଛି ରାଉରକେଲା ଷ୍ଟିଲ ପ୍ଲାଂଟ କର୍ତ୍ତୃପକ୍ଷ । ଆସନ୍ତାକାଲିଠାରୁ ଇନ୍ଦିରା ଗାନ୍ଧି ପାର୍କ, ନେହରୁ ପାର୍କ ଓ ଜୁବୁଲି ପାର୍କରେ ପ୍ରବେଶକୁ ପରବର୍ତ୍ତୀ ନିର୍ଦ୍ଦେଶ ଯାଏଁ ନିଷେଧ କରାଯାଇଛି ।