କଟକ ବଡ଼ ମେଡ଼ିକାଲ ପାଇଁ ବଡ ଘୋଷଣା : ହଜାରେ କୋଟି ଟଙ୍କାର ପ୍ୟାକେଜ୍ ଘୋଷଣା କଲେ ମୁଖ୍ୟମନ୍ତ୍ରୀ, ଏସସିବିକୁ ଏମ୍ସ ପ୍ଲସ କରି ଗଢ଼ି ତୋଳିବାକୁ ଲକ୍ଷ୍ୟ
କନକ ବ୍ୟୁରୋ : ରାଜ୍ୟର ସବୁଠୁ ବଡ ମେଡିକାଲ କଟକ ଡାକ୍ତରଖାନାକୁ ନୂଆ ରୂପରେ ଗଢିତୋଳିବା ପାଇଁ ବଡ ପ୍ୟାକେଜ୍ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଭିତ୍ତିଭୂମିର ବିକାଶ ପାଇଁ ହଜାରେ କୋଟି ଟଙ୍କାର ପ୍ୟାକେଜ୍ ଘୋଷଣା କରିଛନ୍ତି ନବୀନ । ରୋଗୀଙ୍କ ସୁବିଧାକୁ ଦୃଷ୍ଟିରେ ରଖି ବେଡ ସଂଖ୍ୟା ୩ହଜାରକୁ ବୃଦ୍ଧି କରିବା ପାଇଁ ବ୍ୟବସ୍ଥା କରାଯାଇଛି । ସେହିପରି ଡାକ୍ତରଖାନାରେ କିଭଳି ସମସ୍ତ ଅତ୍ୟାଧୁନିକ ସୁବିଧା ସୁଯୋଗ ଉପଲବ୍ଧ ହେବ ସେ ନେଇ ଯୋଜନା କରାଯାଇଛି । କଟକ ବଡ ମେଡିକାଲକୁ ଦେଶର ଶ୍ରେଷ୍ଠ ୩ଟି ମେଡିକାଲ କଲେଜ ମଧ୍ୟରେ ସ୍ଥାନ ଦେବାକୁ ଲକ୍ଷ୍ୟ ରଖିଛନ୍ତି ସରକାର ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟର ସବୁଠୁ ବଡ ମେଡିକାଲ କଟକ ଡାକ୍ତରଖାନାକୁ ନୂଆ ରୂପରେ ଗଢି ତୋଳିବା ପାଇଁ ରାଜ୍ୟ ସରକାର ନୂଆ ପ୍ୟାକେଜ ଘୋଷଣା କରିଛନ୍ତି ।
-ଭିତ୍ତିଭୂମିର ବିକାଶ ପାଇଁ ଡାକ୍ତରଖାନାରେ ଖର୍ଚ୍ଚ ହେବ ହଜାରେ କୋଟିରୁ ଅଧିକ ଟଙ୍କା
-ରୋଗୀଙ୍କ ସୁବିଧାକୁ ଦୃଷ୍ଟିରେ ରଖି ବେଡ ସଂଖ୍ୟା ୩ହଜାରକୁ ବୃଦ୍ଧି ପାଇବ
-ଡାକ୍ତରଖାନାରେ ଉପଲବ୍ଧ ହେବ ସମସ୍ତ ଅତ୍ୟାଧୁନିକ ସୁବିଧା ସୁଯୋଗ
ଏପଟେ ଭିତ୍ତିିଭୂମି ବିକାଶ ସହ କଟକ ବଡ ମେଡିକାଲକୁ ଦେଶର ଶ୍ରେଷ୍ଠ ୩ଟି ମେଡିକାଲ କଲେଜ ମଧ୍ୟରେ ସ୍ଥାନ ଦେବାକୁ ଲକ୍ଷ୍ୟ ରଖିଛନ୍ତି ରାଜ୍ୟ ସରକାର । ଯାହା ଫଳରେ ଚିକିତ୍ସା ପାଇଁ କୌଣସି ଲୋକଙ୍କୁ ଓଡିଶା ବାହାରକୁ ଯିବାକୁ ପଡିବନାହିଁ ।
ତେବେ ଏହି ଘୋଷଣା ପୂର୍ବରୁ ଅତର୍କିତ ଭାବରେ ଡାକ୍ତରଖାନାରେ ପହଂଚିଥିଲେ ଫାଇବ୍-ଟି ସଚିବ ଭି.କେ ପାଣ୍ଡିଆନ୍ । ସାଥିରେ ଥିଲେ, ଏନଏଚଏମ ନିର୍ଦ୍ଦେଶିକା, ପୁଲିସ କମିଶନର, କଟକ ଡିସିପି ଏବଂ ଜିଲ୍ଲାପାଳ । ଉର୍ଦ୍ଦେଶ୍ୟଥିଲା, ରାଜ୍ୟର ସବୁଠୁ ବଡ଼ ମେଡ଼ିକାଲରେ କେମିତି ଚାଲିଛି ସ୍ୱାସ୍ଥ୍ରସେବା ତା’ର ତଦାରଖ କରିବା । ପ୍ରଥମେ କାଜୁଆଲ୍ଟି ଯାଇ ରୋଗୀଙ୍କ ଅବସ୍ଥା ଯାଂଚ କରିଥିବା ବେଳେ ପରେ ଅଧିକ୍ଷକଙ୍କ କାର୍ଯ୍ୟାଳୟକୁ ଯାଇ ମ୍ୟାପ୍ର ଅନୁଧ୍ୟାନ କରିଥିଲେ । ଏସ୍ସିବିରେ ଖାଲି ପଡ଼ିଥିବା ଜାଗାର କିଭଳି ସୁବିନିଯୋଗ ହୋଇ ପାରିବ, ତା’ର ଅନୁଧ୍ୟାନ କରିଥିଲେ ଫାଇବ୍-ଟି ସଚିବ ।