ଏସସିବି ମେଡିକାଲର ସମ୍ପ୍ରସାରଣ ପାଇଁ ଉଚ୍ଛେଦ ଜାରି : ଯୋବ୍ରା ତାଳଦଣ୍ଡା କେନାଲ କଡରୁ ଦୋକାନ, କ୍ୟାବିନ ହଟାଉଛି ପ୍ରଶାସନ, ପୁଲିସ ଫୋର୍ସ ମୁତୟନ
କନକ ବ୍ୟୁରୋ : କଟକ ବଡ ମେଡିକାଲର ସଂପ୍ରସାରଣ ପାଇଁ ଆଜିଠୁ ପ୍ରଶାସନ ପକ୍ଷରୁ ଉଚ୍ଛେଦ କାମ ଆରମ୍ଭ ହୋଇଛି । ପ୍ରାଥମିକ ପର୍ଯ୍ୟାୟରେ ଯୋବ୍ରା ଅଞ୍ଚଳରୁ ଉଚ୍ଛେଦ ଆରମ୍ଭ କରିଛି ପ୍ରଶାସନ । ଯୋବ୍ରା ତାଳଦଣ୍ଡା କେନାଲ ଅଞ୍ଚଳରେ ଥିବା ମାଛ ମାର୍କେଟ, କୁକୁଡା ବଜାର, ଦୋକାନ ଓ ଏକାଧିକ କ୍ୟାବିନକୁ ଜେସିବି ମେସିନ ସହାୟତାରେ ଭଙ୍ଗା ଯାଉଛି । ଉଚ୍ଛେଦ କାମ ସୁରୁଖୁରୁରେ ଚାଲିଥିବା ଜଣାଯାଇଛି । ଏହାପରେ ପାଖରେ ଥିବା ଅନ୍ୟାନ୍ୟ କ୍ୟାବିନ୍ ଓ ଦୋକାନଗୁଡ଼ିକୁ ଉଠାଯିବାର ଯୋଜନା ରହିଛି । ଘଟଣାସ୍ଥଳରେ ସିଏମସି କମିସନର୍ ଅନନ୍ୟା ଦାସ, ଅତିରିକ୍ତ ଜିଲ୍ଲାପାଳ ରବି ନାରାୟଣ ମିଶ୍ର ଓ କଟକ ସଦର ଉପଜିଲ୍ଲାପାଳ ଶୁଭ୍ରାଂଶୁ ମିଶ୍ର ପ୍ରମୁଖ ଉପସ୍ଥିତ ଥିବାର ସୂଚନା ମିଳିଛି।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଶ୍ରୀରାମ ଚନ୍ଦ୍ର ଭଞ୍ଜ ମେଡିକାଲ କଲେଜ ଓ ହସ୍ପିଟାଲ (ଏସ୍ସିବି) ପୁର୍ନବିନ୍ୟାସ ଥଇଥାନ ଓ ସହାୟତା ପ୍ୟାକେଜକୁ ମୁଖ୍ୟମନ୍ତ୍ରୀ ଅନୁମୋଦନ କରିବା ପରେ ଜବରଦଖଲ ଉଚ୍ଛେଦ ପ୍ରକ୍ରିୟା ଆରମ୍ଭ ହେବ ବୋଲି କଟକ ଜିଲ୍ଲାପାଳ ସୂଚନା ଦେଇଥିଲେ । ଏହି ଉଚ୍ଛେଦ ପ୍ରକ୍ରିୟାରେ ୩୦୦ରୁ ଅଧିକ ପରିବାର ପ୍ରଭାବିତ ହେବେ । ପ୍ରଭାବିତ ପରିବାରଙ୍କୁ ଯୋବ୍ରା ବ୍ରିଜ୍ ଅପରପାର୍ଶ୍ୱରେ ଥଇଥାନ କରାଯିବ ବୋଲି ଜିଲ୍ଲାପାଳ କହିଥିଲେ ।