ସମଝୌତା ବିସ୍ଫୋରଣ ମାମଲା ! ଅସୀମାନନ୍ଦଙ୍କ ସମେତ ୪ ଅଭିଯୁକ୍ତ ଖଲାସ,୨୦୦୭ରେ ପାନିପଥ ନିକଟରେ ହୋଇଥିଲା ବିସ୍ଫୋରଣ
କନକ ବ୍ୟୁରୋ : ସମଝୌତା ବିସ୍ଫୋରଣ ମାମଲାରେ ସ୍ୱାମୀ ଅସୀମାନନ୍ଦଙ୍କ ସହ ଅନ୍ୟ ୩ ଅଭିଯୁକ୍ତଙ୍କୁ ନିର୍ଦୋଷରେ ମୁକ୍ତ କରିଛନ୍ତି କୋର୍ଟ । ପଂଚକୁଲାର ଏନଆଇଏ ସ୍ପେଶାଲ କୋର୍ଟ ଏନେଇ ବୁଧବାର ଶୁଣାଣି କରି ରାୟ ଦେଇଛନ୍ତି । ସ୍ୱାମୀ ଅସୀମାନନ୍ଦ, ଲୋକେଶ ଶର୍ମା, କମଲ ଚୌହ୍ୱାନ ଏବଂ ରାଜେନ୍ଦ୍ର ଚୌଧରୀଙ୍କୁ କୋର୍ଟ ଦୋଷ ମୁକ୍ତ କରିଛନ୍ତି । ଏହା ସହିତ ପାକିସ୍ତାନ ନାଗରିକ ରାହିଲା ଭକିଲଙ୍କ ଆବେଦନକୁ ମଧ୍ୟ ଏନଆଇଏ ସ୍ପେଶାଲ କୋର୍ଟ ଖାରଜ କରିଦେଇଛନ୍ତି । ରାହିଲା ଭାକିଲ ହେଉଛନ୍ତି ସମଝୋତା ବିସ୍ଫୋରଣରେ ମୃତ ମହମ୍ମଦ ଭକିଲଙ୍କ ଝିଅ । ଓକିଲ ମୋମିମ୍ ମଲିକଙ୍କ ଜରିଆରେ କୋର୍ଟରେ ତାଙ୍କ ବୟାନ ରେକର୍ଡ ପାଇଁ ସେ ଆବେଦନ କରିଥିଲେ । କୋର୍ଟ ଏହାକୁ ଖାରଜ କରିଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏନଆଇଏ ପକ୍ଷରୁ କୋର୍ଟରେ ପକ୍ଷ ରଖୁଥିବା ଓକିଲ ରଂଜନ ମାଲହୋତ୍ରା କୋର୍ଟଙ୍କୁ ଗତ ମାର୍ଚ ୧୮ ତାରିଖରେ ଜଣାଇଥିଲେ , କୁଟନୈତିକ ସ୍ତରରେ ମାମଲାରେ ୧୩ ଜଣ ପାକ୍ ନାଗରିକଙ୍କ ବୟାନ୍ ରେକର୍ଡ ପାଇଁ ଉଦ୍ୟମ କରାଯାଇଥିଲା । ତେବେ ପାକିସ୍ତାନ ଏନେଇ କିଛି ବି ଉତର ରଖିନଥିଲା । ତେବେ ରାହିଲା ଏହି ୧୩ ଜଣଙ୍କ ମଧ୍ୟରେ ନଥିଲେ ବୋଲି ଏନଆଇଏ ପକ୍ଷରୁ କୁହାଯାଇଛି । ୨୦୦୭ ମସିହାର ଘଟଣା ହେଉଛି ସମଝୋତା ଟ୍ରେନ୍ ବିସ୍ଫୋରଣ ମାମଲା । ଏଥିରେ ୬୮ ଜଣଙ୍କ ମୃତ୍ୟୁ ହୋଇଥିଲା । ଏହି ମାମଲାରେ ମୋଟ୍ ୮ ଜଣ ଅଭିଯୁକ୍ତ ଅଛନ୍ତି । ଏଥିରୁ ମୁଖ୍ୟ ଅଭିଯୁକ୍ତ ସୁନୀଲ ଯୋଶୀକୁ ୨୦୦୭ ଡିସେମ୍ୱର ୨୯ ରେ ଗୁଳି କରି ଦୁର୍ବୃତ ହତ୍ୟା କରିଥିଲେ । ଏବେ ବି ୩ ଅଭିଯୁକ୍ତ ସନ୍ଦୀପ ଦଂଗେ, ରାମଚନ୍ଦ୍ର କଲସାଂଗ୍ରା ଓ ଅମିତ୍ ଚୈ÷ାହ୍ୱାନ ଆଜି ବି ନିଖୋଜ ଅଛନ୍ତି । ବାକି ୪ ଜଣଙ୍କୁ ଏନଆଇଏ ସ୍ପେଶାଲ କୋର୍ଟ ଆବଶ୍ୟକ ପ୍ରମାଣ ଅଭାବରୁ ଦୋଷ ମୁକ୍ତ କରିଛନ୍ତି ।