ସମ୍ବଲପୁର : ମଦ ବିକ୍ରି କରୁଥିବା ବ୍ୟକ୍ତିଙ୍କ ଘରେ ମହିଳାଙ୍କ ଚଢାଉ

7

କନକ ବ୍ୟୁରୋ : ମଦ ବିରୋଧରେ ତାତିଲେ ମହିଳା । ମଦ ବିକ୍ରି କରୁଥିବା ବ୍ୟକ୍ତିଙ୍କ ଘରେ ମହିଳାଙ୍କ ଚଢାଉ । ବ୍ୟାପକ ଦେଶୀମଦ ସହ ହାଣ୍ଡିଆ ଜବତ କରିଛନ୍ତି ମହିଳାମାନେ । ଏଭଳି ଘଟଣା ଘଟିଛି ସମ୍ବଲପୁର ସଦର ଥାନା ନେତାଜୀ ସୁବାଷ ଚନ୍ଦ୍ର ବୋଷ କଲେଜ ପାଖରେ ଥିବା ପିଲା କନ୍ଦେଇପଡା ଅଂଚଳରେ ।

ବେଆଇନ୍ ମଦ ବିକ୍ରି ବିରୋଧରେ ବାରମ୍ବାର ଅଭିଯୋଗ କରି ବିଫଳ ହେବା ପରେ ଏଭଳି କାଣ୍ଡ କରିଛନ୍ତି ସ୍ଥାନୀୟ ମହିଳା । ମଦ ବିକ୍ରି କରୁଥିବା ୬ଟି ପରିବାରରେ ଚଢାଉ କରିଛନ୍ତି କନ୍ଦେଇପଡା ବହୁ ମହିଳା । ମଦ ଯୋଗୁଁ ପଡାରେ ଅଶାନ୍ତି ସୃଷ୍ଟି ହେଉଥିବା ଅଭିଯୋଗ କରି ସ୍ଥାନୀୟ ମହିଳାମାନେ ୧୫ ଦିନ ତଳେ ଏକ ସଭା କରିଥିଲେ ।

ସଭାରେ ନିଷ୍ପତି ହୋଇଥିଲା ୧୫ ଦିନ ଭିତରେ କନ୍ଦେଇପଡାରୁ ମଦ ଦୋକାନ ହଟିବ । ଗତକାଲି ସେହି ଡେଡଲାଇନ ଶେଷ ହୋଇଥିବା ବେଳେ ଆଜି ମହିଳାମାନେ ମଦ ବିକ୍ରି ହେଉଥିବା ୬ଟି ସ୍ଥାନରେ ଚଢାଉ କରି ଭଙ୍ଗାରୁଜା କରିବା ସହ ଦେଶୀମଦ ଜବତ ହୋଇଛି ।

ଏହା ସହ ଦେଖନ୍ତୁ ଏହି ଭିଡିଓ –

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.