ସହିଦଙ୍କୁ ଅସମ୍ମାନ କରି ଭୁଲ ମାଗିଲେ ସାଧ୍ୱୀ ! କହିଲେ, ବୟାନକୁ ନେଇ ଶତ୍ରୁ ଫାଇଦା ଉଠାଉଥିବାରୁ ଫେରାଇ ନେଉଛି ମନ୍ତବ୍ୟ
କନକ ବ୍ୟୁରୋ : ସହିଦଙ୍କୁ ଅସମ୍ମନ ପ୍ରସଙ୍ଗରେ ଭୁଲ ମାଗିଲେ ସାଧ୍ୱୀ ପ୍ରଜ୍ଞା । ହେମନ୍ତ କରକରେଙ୍କୁ ନେଇ ଦେଇଥିବା ବିବାଦୀୟ ବୟାନ ପାଇଁ କ୍ଷମା ମାଗିଛନ୍ତି ଭୋପାଲ ବିଜେପି ସାଂସଦ ପ୍ରାର୍ଥୀ । ବିଭିନ୍ନ ଆଡୁ ତୀବ୍ର ସମାଲୋଚନା ପରେ ସେ ଦେଇଥିବା ବୟାନ ତାଙ୍କର ବ୍ୟକ୍ତିଗତ ବୟାନ ବୋଲି କହିଛନ୍ତି ସାଧ୍ୱୀ ପ୍ରଜ୍ଞା ସିଂ ଠାକୁର । ଦୀର୍ଘ ଦିନର ଶାରିରୀକ ଓ ମାନସିକ ନିର୍ଯାତନା କରାଣରୁ ସେ ଏଭଳି ବୟାନ ଦେଇଥିଲେ ବୋଲି କହିଛନ୍ତି । ଶତ୍ରୁମାନେ ତାଙ୍କ ବୟାନକୁ ନେଇ ଫାଇଦା ଉଠାଉଥିବାରୁ ସେ ଦେଇଥିବା ମନ୍ତବ୍ୟକୁ ପ୍ରତ୍ୟାହର କରୁଥିବା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏଥିସହ ଶତ୍ରୁ ଦେଶର ଆତଙ୍କବାଦୀଙ୍କ ଗୁଳିରେ ପ୍ରାଣ ହରାଇଥିବାରୁ ସେ ଜଣେ ସହିଦ ବୋଲି ସ୍ୱୀକାର କରିଛନ୍ତି ସାଧ୍ୱୀ । ତେବେ ଏହା ପୂର୍ବରୁ ମହାରାଷ୍ଟ୍ର ଏଟିଏସ ମୁଖ୍ୟ ହେମନ୍ତ କରକରେଙ୍କୁ ନେଇ ଅତି ସମ୍ବେଦନହୀନ ମନ୍ତବ୍ୟ ରଖିଥିଲେ ସାଧ୍ୱୀ । ମାଲେଗାଓଁ ବୋମା ବିସ୍ଫୋରଣ ମାମଲାର ତଦନ୍ତ ବେଳେ ସାଧ୍ୱୀଙ୍କୁ ବହୁ ହଇରାଣ କରିଥିଲେ ହେମନ୍ତ । ଯେଉଁଥିପାଇଁ ସେ ତାଙ୍କୁ ସର୍ବନାଶ ହେବ ବୋଲି ଅଭିଶାପ ଦେଇଥିଲେ ଏବଂ ଏହାର ଦେଢମାସ ପରେ ତାଙ୍କର ଦେହାନ୍ତ ହେଲା ବୋଲି ଏକ ସଭାରେ କହିଥିଲେ ସାଧ୍ୱୀ ।
ହେଲେ ଦେଶର ସୁରକ୍ଷା ପାଇଁ ଆତଙ୍କବାଦୀଙ୍କ ସହ ଲଢି ପ୍ରାଣ ହରାଇଥିବା ଜଣେ ସହିଦଙ୍କ ପ୍ରତି ଏଭଳି ଅପମାନଜନକ ମନ୍ତବ୍ୟଠାରୁ ଦୂରେଇ ଯାଇଥିଲା ବିଜେପି । ଏହାକୁ ତାଙ୍କର ବ୍ୟକ୍ତିଗତ ମନ୍ତବ୍ୟ ବୋଲି କହିଥିଲା ଦଳ । ତେଣୁ ଶେଷରେ ନିଜ ବୟାନକୁ ପ୍ରତ୍ୟାହାର କରିବା ସହ ହେମନ୍ତ କରକରେଙ୍କୁ ସହିଦ ବୋଲି କହିଛନ୍ତି ସାଧ୍ୱୀ । ୨୦୦୮ ନଭେମ୍ବର ୨୬ ତାରଖରେ ମୁମ୍ବାଇରେ ହୋଇଥିବା ସବୁଠାରୁ ବଡ ଆତଙ୍କବାଦୀ ହମଲାରେ ସହିଦ ହୋଇଥିଲେ ହେମନ୍ତ କରକରେ । ଭାରତ ସରକାର ତାଙ୍କୁ ମରଣୋତର ଅଶୋକ ଚକ୍ର ସମ୍ମାନ ପ୍ରଦାନ କରିଥିଲେ ।