ବାଲେଶ୍ୱରରେ ବସରୁ ଜବତ ହେଲା ଶହ ଶହ ବସ୍ତା ଗେଣ୍ଡା : କୋଲକାତା ଚାଲାଣ ହେଉଥିବା ସନ୍ଦେହ, ସେରଗଡ ଟୋଲଗେଟ ନିକଟରେ ଧରିଲା ପୋଲିସ

575

କନକ ବ୍ୟୁରୋ : ବାଲେଶ୍ୱରରେ ବସରୁ ଜବତ ହେଲା ଶହ ଶହ ବସ୍ତା ଗେଣ୍ଡା । ୨ଟି ବସରେ ବସ୍ତା ବସ୍ତା ଗେଣ୍ଡା ଯାଉଥିବା ବେଳେ ଖନ୍ତାପଡା ପୋଲିସ ଏହାକୁ ଜବତ କରିଛି । ଏହି ଘଟଣାରେ ୬ଜଣଙ୍କୁ ଅଟକ ରଖି ପଚରା ଉଚରା କରୁଛି ପୋଲିସ । ବାବାମଣି ବସ ଏବଂ ନିଗମ ବସରେ ଏସବୁ ଗେଣ୍ଡା ଯାଉଥିଲା । ପୋଲିସର ସୂଚନା ଅନୁସାରେ ଏସବୁ ଗେଣ୍ଡା ଧାମରାରୁ କୋଲକାତା ଅଭିମୁଖେ ଯାଉଥିଲା ।

ବାଲେଶ୍ୱର ଜିଲ୍ଲା ୧୬ ନମ୍ବର ଜାତୀୟ ରାଜପଥର ଶେରଗଡ ଟୋଲଗେଟ ନିକଟରେ ଏସବୁ ଗେଣ୍ଡାକୁ ଧରିଛି ପୋଲିସ । ତେବେ ଏତେ ପରିମାଣର ଗେଣ୍ଡା କୁଆଡେ ଯାଉଥିଲା, କେଉଁ ଉଦ୍ଦେଶ୍ୟରେ ଯାଉଥିଲା ସେନେଇ କିଛି ସୂଚନା ମିଳିପାରିନାହିଁ । ଗେଣ୍ଡା ଚାଲାଣ ପଛରେ କିଛି ରାକେଟ କାମ କରୁଥିବା ନେଇ ମଧ୍ୟ ପ୍ରଶ୍ନବାଚୀ ସୃଷ୍ଟି ହୋଇଛି । ପୋଲିସ ଏନେଇ ଅଧିକ ତଦନ୍ତ ଜାରି ରଖିଛି ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.