ସାବରୀମାଳା ମନ୍ଦିରରେ ମହିଳା ପ୍ରବେଶ ଅଧିକାର ନେଇ ସୁପ୍ରିମକୋର୍ଟଙ୍କ ରାୟର ନୂଆ ଦିଗ : ରାୟକୁ ବିରୋଧ କରିଥିଲେ ଖଣ୍ଡପୀଠର ଏକମାତ୍ର ମହିଳା ବିଚାରପତି ଇନ୍ଦୁ ମାଲହୋତ୍ରା
କନକ ବ୍ୟୁରୋ : ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ କେରଳର ପ୍ରସିଦ୍ଧ ସାବରୀମାଳା ମନ୍ଦିରକୁ ମହିଳାଙ୍କ ପ୍ରବେଶ ଉପରୁ ହଟିଛି ପ୍ରତିବନ୍ଧକ । ଗତକାଲି ମାମଲାର ଶୁଣାଣି କରିଥିଲେ ସୁପ୍ରିମକୋର୍ଟଙ୍କ ୫ ଜଣିଆ ଖଣ୍ଠପୀଠ । ଗୋଟିଏ ପଟେ ବର୍ଷ ବର୍ଷ ଧରି ପରମ୍ପରା ଆଳରେ ଚାଲିଆସିଥିବା ଅନ୍ଧ ବିଶ୍ୱାସକୁ କୋର୍ଟ ଉଚ୍ଚେଦ କରିଥିବା ବେଳେ କୋର୍ଟ ରୁମରୁ ମିଳିଥିଲା ଏକ ଭିନ୍ନ ସନ୍ଦେଶ । ଯେତେବେଳେ ମହିଳାଙ୍କ ପ୍ରବେଶକୁ ବିରୋଧ କରି ମନ୍ତବ୍ୟ ରଖୁଥିଲେ ଜଣେ ମହିଳା ବିଚାରପତି । ୫ ଜଣିଆ ବେଂଚର ଅନ୍ୟତମ ବିଚାରପତି ଜଷ୍ଟିସ ଇନ୍ଦୁ ମାଲହୋତ୍ରା ଟିପ୍ପଣୀ କରିଥିଲେ ଯେ, ଧର୍ମୀୟ ପରମ୍ପରାରେ କୋର୍ଟ ଅଯଥା ହସ୍ତକ୍ଷେପ କରିବା ଅନୁଚିତ୍ ।
Kanak News is now on WhatsApp
Join and get latest news updates delivered to you via WhatsApp
ଏକ ନିଦ୍ଦିଷ୍ଟ ଧର୍ମୀୟ ବିଚାରରେ ବିଶ୍ୱାସ କରୁଥିବା ଗୋଷ୍ଠିର ପରମ୍ପରାରେ କୌଣସି ପରିବର୍ତନ କରିବା ଅର୍ଥ ସେମାନଙ୍କ ଧର୍ମୀୟ ଅଧିକାରକୁ କ୍ଷୁର୍ଣ୍ଣ କରିବା । ସାରା ଦେଶରେ ଯେତେବେଳେ ମହିଳାଙ୍କ ସମାନ ଅଧିକାର ନେଇ ଦାବି ହେଉଥିଲା ଠିକ ସେତିକିବେଳେ ଜଣେ ମହିଳା ବିଚାରପତି ହୋଇ ଜଷ୍ଟିସ ଇନ୍ଦୁ ମାଲହୋତ୍ରାଙ୍କ ମନ୍ତବ୍ୟ ବେଶ ଦ୍ୱନ୍ଦ ତିଆରି କରିଥିଲା । ତଥାପି ୪-୧ ବହୁମତରେ ମହିଳାଙ୍କୁ ସାବରୀ ମାଳା ମନ୍ଦିରରେ ପ୍ରବେଶ ଅନୁମତି ମିଳିଛି ।
ପରମ୍ପରାକୁ ଭାଙ୍ଗି ମହିଳାଙ୍କ ସେମାନଙ୍କ ମୌଳିକ ଅଧିକାର ଦେଇଛନ୍ତି ସୁପ୍ରିମକୋର୍ଟ । ଆଉ ପ୍ରଶ୍ନ ଉଠୁଛି ପୁରୀ ଶ୍ରୀମନ୍ଦିରରେ ମଧ୍ୟ ବର୍ଷ ବର୍ଷର ପରମ୍ପରାରେ ହସ୍ତକ୍ଷେପ କରିବେ କି ସୁପ୍ରିମକୋର୍ଟ । କାରଣ ଶ୍ରୀମନ୍ଦିରକୁ ଅଣହିନ୍ଦୁ ପ୍ରବେଶ ନେଇ କୋର୍ଟ ପ୍ରସ୍ତାବ ଦେଇଥିଲେ । ଜଗନ୍ନାଥ ମନ୍ଦିରରେ ସଂସ୍କାର ପାଇଁ ବଂଶାନୁକ୍ରମିକ ସେବାୟତ ପ୍ରଥା, ଦାନ ଦକ୍ଷିଣା ବନ୍ଦ ସହ ଶ୍ରୀମନ୍ଦିର ଆଇନକୁ ପରିବର୍ତନ ପାଇଁ ନିର୍ଦ୍ଦେଶ ଦେଇଥିଲେ ।