ଗାଁ ଲୋକଙ୍କୁ ସହର ମନା । ଗ୍ରାମାଞ୍ଚଳ ଲୋକଙ୍କୁ ସହରକୁ ନଆସିବା ପାଇଁ ଅନୁରୋଧ କଲେ ଗଞ୍ଜାମ ଜିଲ୍ଲାପାଳ । ଆବଶ୍ୟକତା ନଥିଲେ ୧୫ଦିନ ପାଇଁ ନଆସିବାକୁ ନିବେଦନ ।
କନକ ବ୍ୟୁରୋ : ଗାଁ ଲୋକଙ୍କୁ ସହର ମନା । ଗଂଜାମ ଜିଲ୍ଲାରେ ପ୍ରତିଦିନ କରୋନା ଆକ୍ରାନ୍ତଙ୍କ ସଂଖ୍ୟା ବଢି ଚାଲିଛି । ତେଣୁ ବ୍ରହ୍ମପୁର ସହରକୁ ୪ ଦିନିଆ ସଟ ଡାଉନ ଘୋଷଣା କରାଯାଇଛି । ଆଜି ଠାରୁ ଆସନ୍ତା ମଙ୍ଗଳବାର ଯାଏଁ ଏହି ସଟ ଡାଉନ୍ ରହିବ । ସଟ ଡାଉନ୍ ନିୟମ ମାନିବା ସହ ଗ୍ରାମାଂଚଳର ଲୋକଙ୍କୁ ସହରକୁ ନଆସିବା ପାଇଁ ନିବେଦନ କରିଛି ଜିଲ୍ଲା ପ୍ରଶାସନ ।
Kanak News is now on WhatsApp
Join and get latest news updates delivered to you via WhatsApp
ଅତି ଆବଶ୍ୟକ ନପଡିଲେ ଗାଁରୁ ବାହାରି ସହରକୁ ଆସନ୍ତୁ ନାହିଁ ଗଂଜାମବାସୀଙ୍କୁ ନିବେଦନ କରିଛନ୍ତି ଗଂଜାମ ଜିଲ୍ଲାପାଳ ବିଜୟ ଅମୃକ କୁଲାଙ୍ଗେ । କେବଳ ଏତିକି ନୁହେଁ ମାସ୍କ ପିନ୍ଧିବାକୁ, ବାରମ୍ବାର ହାତ ଧୋଇବାକୁ, ଜନଗହଳିଠାରୁ ଦୂରେଇ ରହିବାକୁ ଓ ଦୁଇ ମିଟର ଦୂରତ୍ୱ ବଜାୟ ରଖିବାକୁ ବି ପରାମର୍ଶ ଦେଇଛନ୍ତି ଗଞ୍ଜାମ ଜିଲ୍ଲାପାଳ।
ସେପଟେ ଆଜିଠୁ ୩୦ ତାରିଖ ଯାଏ ୪ ଦିନ ପାଇଁ ବ୍ରହ୍ମପୁର ସଟ୍ଡାଉନ ଘୋଷଣା କରାଯାଇଛି। କେବଳ କ୍ଷୀର ଓ ଜରୁରୀ ସ୍ବାସ୍ଥ୍ୟସେବା ପାଇଁ କୋହଳ ହେବ ନିୟମ । ସଟ୍ଡାଉନରେ ଘରଘର ବୁଲି ସ୍ବାସ୍ଥ୍ୟ ଯାଞ୍ଚ କରିବେ ଡାକ୍ତରୀ ଟିମ୍ । ଏଥିପାଇଁ ୭୦ଟି ଟିମ୍ ଗଠନ କରାଯାଇଥିବା ଜିଲ୍ଲାପାଳ ସୂଚନା ଦେଇଛନ୍ତି।