ମଧ୍ୟପ୍ରାଚ୍ୟ ଆକାଶରେ ଯୁଦ୍ଧର କଳା ବାଦଲ : ଆମେରିକା ଦୂତାବାସ ଉପରେ ପୁଣି ରକେଟ ମାଡ
କନକ ବ୍ୟୁରୋ : ବାଗଦାଦର ଗ୍ରୀନ ଜୋନ୍ ଭିତରେ ଥିବା ଆମେରିକା ଦୂତାବାସ ଉପରେ ପୁଣି ହୋଇଛି ରକେଟ୍ ମାଡ । ଇରାକ ରାଜଧାନୀ ବାଗଦାଦରେ ଥିବା ଆମେରିକା ଦୂତାବାସ ଉପରେ କ୍ରମାଗତ ଦ୍ୱିତୀୟ ଦିନରେ ଇରାନ୍ କରିଛି ଆକ୍ରମଣ । ଶନିବାର ରାତିରେ ରକେଟ୍ ଆକ୍ରମଣରେ ଆମେରିକା ଦୂତାବାସ କ୍ଷତିଗ୍ରସ୍ତ ହୋଇଥିଲା । ସେହିପରି ରବିବାର ରାତିରେ ମଧ୍ୟ ଆମେରିକା ଦୂତାବାସ ଉପରେ ଇରାନ କରିଛି ରକେଟ ମାଡ । ବାଗଦାଦର ଗ୍ରୀନ ଜୋନ ଅଂଚଳର ସ୍ଥଳ ଓ ଆକାଶ ପଥ ବିଶେଷ କରି କଡା ସୁରକ୍ଷା ମଧ୍ୟରେ ରହିଥାଏ । ଏହା ଭିତରେ ଇରାନର ଏପରି ଆକ୍ରମଣ ଏବେ ଇରାନ୍ ଓ ଆମେରିକା ମଧ୍ୟରେ ଅସନ୍ତୋଷକୁ ଅଧିକ ବଢାଇ ଦେଇଛି । ଏହି ଘଟଣା ହିଁ ସ୍ପଷ୍ଟ କରିଛି ଇରାନ ଓ ଆମେରିକା ମଧ୍ୟରେ ଦେଖା ଦେଇଥିବା ଉତେଜନା ଏବେ ସହଜରେ ଥମିବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ବିଶ୍ୱର ବିଭିନ୍ନ ରାଷ୍ଟ୍ର ଦୁଇ ଦେଶକୁ ସଂ ଯମତା ଆଚରଣ କରିବାକୁ ଅନୁରୋଧ କରିଥିବା ବେଳେ ଇରାନ୍ ଏଥିପ୍ରତି ଧ୍ୟାନ ଦେଇନାହିଁ । ରବିବାର ରାତିରେ ହୋଇଥିବା ରକେଟ୍ ମାଡରେ ବର୍ତ୍ତମାନ ସୁଦ୍ଧା କ୍ଷୟକ୍ଷତି ନେଇ କୌଣସି ସୂଚନା ମିଳିପାରିନାହିଁ । ମିଳିଥିବା ସୂଚନା ଅନୁସାରେ ରବିବାର ରାତିରେ ହୋଇଥିବା ଆକ୍ରମଣରେ ଆମେରିକା ଦୂତାବାସ ନିକଟରେ ପଡିଥିଲା ଦୁଇଟି ଯାକ ରକେଟ । ଏପରି ଘଟଣା ଭିତରେ ଆମେରିକା ଏବେ ନିଜ ସପକ୍ଷରେ ସମର୍ଥନ ହାସଲ ପାଇଁ ଆରମ୍ଭ କରିଛି ଉଦ୍ୟମ । ଏହା ମଧ୍ୟରେ ଆମେରିକା ବିଦେଶ ମନ୍ତ୍ରୀ ମାଇକ ପମ୍ପିଓ, ଭାରତର ବିଦେଶ ମନ୍ତ୍ରୀ ଏସ ଜୟଶଙ୍କରଙ୍କ ସହିତ କଥା ହୋଇଛନ୍ତି । କାସୀମ ସୁଲେମାନୀକୁ ନେଇ ଆମେରିକା ନେଇଥିବା ନିଷ୍ପତି ସମ୍ପର୍କରେ ଭାରତକୁ ଜଣାଇଛି ଆମେରିକା । ଏହା ସହିତ ପଶ୍ଚିମ ଏସିଆରେ ଦେଖା ଦେଇଥିବା ଉତ୍ତେଜନା ସମ୍ପର୍କରେ ଦୁଇ ନେତା ଆଲୋଚନା କରିଛନ୍ତି ।
ଇରାନ୍ ଓ ଆମେରିକା ମଧ୍ୟରେ ଉତେଜନା ଦେଖାଦେବା ଭାରତର ଚିନ୍ତା ମଧ୍ୟ ବଢାଇ ଦେଇଛି । କାରଣ ଉଭୟ ଇରାନ୍ ଓ ଆମେରିକା ସହିତ ଭାରତ ବ୍ୟବସାୟିକ ଓ କୂଟନୈତିକ ସଂପର୍କ ରଖିଛି । ଏହି ଦୁଇ ଦେଶ ମଧ୍ୟରେ ଉତେଜନା ବଢିଲେ ଏହାର ପ୍ରଭାବ ଭାରତ ଉପରେ ମଧ୍ୟରେ ପଡିବ । ତେଣୁ ଭାରତ ଇରାନ୍ ଓ ଆମେରିକାକୁ ଉତେଜନା କମାଇବାକୁ ନିବେଦନ କରିଛି ।