ଅନୁଗୁଳର ଛେଣ୍ଡିପଦା ଅଞ୍ଚଳରେ ଡକାୟତି : ଝିଅ ବାହାଘର ପାଇଁ ସୁନାଗହଣା ରଖିଥିଲେ, ବନ୍ଧୁକ ଦେଖାଇ ୯ ଭରି ସୁନାଗହଣା ସମେତ ୧ଲକ୍ଷ ୨୦ ହଜାର ଟଙ୍କା ଲୁଟିନେଲେ ଦୁର୍ବୃତ୍ତ
କନକ ବ୍ୟୁରୋ : ବନ୍ଧୁକ ଦେଖାଇ ଘରୁ ଲୁଟିନେଲେ ୯ ଭରି ସୁନାଗହଣା ସମେତ ୧ଲକ୍ଷ ୨୦ ହଜାର ଟଙ୍କା । ଏଭଳି ଘଟଣା ଦେଖିବାକୁ ମିଳିଛି ଅନୁଗୋଳ ଜିଲ୍ଲା ଛେଣ୍ଡିପଦା ଥାନା ପୁରୁଣାଗଡ ଗାଁରେ । ଗାଁ ର ପତିତପାବନ ମହାପାତ୍ରଙ୍କ ଘରେ ଘଟିଛି ଏହି ଲୁଟ୍ । ଗତକାଲି ବିଳମ୍ବିତ ରାତିରେ ୫ରୁ ୬ଜଣ ଦୁବୁର୍ତ୍ତ ପଶି ପତିତପାବନଙ୍କ ପରିବାର ଲୋକଙ୍କୁ ଛୁରୀ, ବନ୍ଧୁକ, ଖଣ୍ଡା ଦେଖାଇ ଲକ୍ଷେ ୨୦ ହଜାର ଟଙ୍କା ସହ ୯ ଭରି ଓଜନର ସୁନାଗହଣା ଲୁଟିନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମାର୍ଚ୍ଚ ୨୪ରେ ପତିତପାବନଙ୍କ ଝିଅ ବାହାଘର ଥିବା ବେଳେ, ବାହାଘର ପାଇଁ କିଣାଯାଇଥିବା ଗହଣା ସବୁକୁ ଲୁଟିନେଇଛନ୍ତି ଦୁର୍ବୁତ୍ତ । ସେପଟେ ଲୁଟ ବେଳେ ଦୁବୁର୍ତ୍ତଙ୍କୁ ଅଟକାଇବାକୁ ଯାଇ ପତିତପାବନଙ୍କ ହାତରେ ଖଣ୍ଡା ବାଜିଥିଲା, ଯାହାଫଳରେ ତାଙ୍କୁ ଛେଣ୍ଡିପଦା ମେଡିକାଲରେ ଭର୍ତ୍ତି କରାଯାଇଛି । ପରେ ସୂଚନାପାଇଁ ଘଟଣାସ୍ଥଳରେ ଛେଣ୍ଡିପଦା ପୋଲିସ ପହଞ୍ଚି ତଦନ୍ତ ଚଳାଇଛି ।
ସୂଚନାଯୋଗ୍ୟ ପତିତପାବନ ମହାପାତ୍ର ନିଜ ଝିଅର ବାହାଘର କରିବାକୁ ଘରେ ୬ ଲକ୍ଷ ଟଙ୍କା, ୩ଟି ସୁନାହାର , ୨ଟାସୁନା ଚେନ୍, ୩ ହଳ କାନଫୁଲ, ୬ଟା ମୁଦି, ୨ଟି ହାର ଆଦି ରଖିଥିଲେ । ୫ରୁ ୬ଜଣ ଜଣ ମୁଖାଧାରୀ ଡକାୟତମାନେ ହାତରେ ବନ୍ଧୁକ, ଖଣ୍ଡା ଓ ଭୁଜାଲି ଧରି ଗତକାଲି ରାତି ସମୟରେ ଘରର ଲାଇନ୍ କାଟି ଦେଇ ଛାତବାଟେ ଘର ଭିତରକୁ ପଶିଥିଲେ । ସେମାନେ ଘରର ସମସ୍ତ ସଦସ୍ୟଙ୍କୁ ବନ୍ଧୁକ, ଖଣ୍ଡା ଦେଖାଇ ଆଲମାରିରେ ଥିବା ସମସ୍ତ ସୁନାଗହଣା ଏବଂ ଟଙ୍କା ନେଇଯାଇଥିଲେ ।