ଶସ୍ତା ହେବ ଇଏମଆଇ । ରେପୋ ରେଟ ୪୦ ବେସିସ ପଏଣ୍ଟ ହ୍ରାସ କଲେ ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ । ଆଉ ୩ ମାସ ପାଇଁ କୋହଳ ହେଲା ଋଣ କିସ୍ତି
କନକ ବ୍ୟୁରୋ : ଶସ୍ତା ହେବ ଆପଣଙ୍କ ଇଏମଆଇ । ରେପୋ ରେଟ ୪୦ ବେସିସ ପଂଏଟ ହ୍ରାସ କଲା ଆରବିଆଇ । ଏନେଇ ସୂଚନା ଦେଇଛନ୍ତି ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ । କରୋନାରେ ଅର୍ଥନୀତି ହୋଇଛି ପ୍ରଭାବିତ । କମିଛି ଉତ୍ପାଦନ ଓ ଆବଶ୍ୟକତା, ଡାଲି ଦର ବୃଦ୍ଧି ଚିନ୍ତାଜନକ ବୋଲି ସେ କହିଛନ୍ତି । ଏସବୁ ଭିତରେ ଲୋକଙ୍କୁ ଆଶ୍ୱସ୍ତି ଦେବାକୁ ରେପୋ ରେଟ୍ ରେ କଇଁଚି ଚଲାଇ ଏହାକୁ ହ୍ରାସ କରିଛନ୍ତି ରିଜର୍ଭ ବ୍ୟାଙ୍କ୍ ଅଫ୍ ଇଣ୍ଡିଆ ଗଭର୍ଣ୍ଣର । ଏହି ହ୍ରାସ ପରେ ରେପୋ ରେଟ୍ ୪.୪୦ ବେସିସ୍ ପଏଂଟରୁ ଖସି ୪ ପଏଂଟକୁ ଆସିଛି । ତାଲାବନ୍ଦ ସମୟରେ ଏହା ଦ୍ୱିତୀୟ ଥର ପାଇଁ ହ୍ରାସ ।
Kanak News is now on WhatsApp
Join and get latest news updates delivered to you via WhatsApp
ଗତ ୨୭ ମାର୍ଚରେ ଆରବିଆଇ ପ୍ରଥମ ଥର ୦.୭୫ ପ୍ରତିଶତ ବେସିସ୍ ପଏଂଟ ରେପୋ ରେଟ୍ ହ୍ରାସ କରିଥିଲା । ସେହିଥର ବ୍ୟାଙ୍କ ଗୁଡିକର ସୁଧ ହାର ମଧ୍ୟ ହ୍ରାସ କରାଯାଇଥିଲା । ଏହା ସହିତ ଋଣ କିସ୍ତି ଦେବାରେ ଗ୍ରାହକଙ୍କୁ ୩ ମାସର ରିହାତି ଦିଆଯାଇଛି । ଅର୍ଥାତ୍ ଯଦି ଏବେ ୩ ମାସ ପାଇଁ ଆପଣ ଋଣ କିସ୍ତି ଦେଉନାହାନ୍ତି ତେବେ ଆପଣଙ୍କ ଉପରେ କୌଣସି ଆର୍ଥିକ ବୋଝ ବଢିବ ନାହିଁ । ପୂର୍ବରୁ ଆରବିଆଇ ତାଲାବନ୍ଦ ଆରମ୍ଭ ସମୟରେ ୩ ମାସ ପାଇଁ ଗ୍ରାହକଙ୍କୁ ଋଣ କିସ୍ତି କୋହଳ ପାଇଁ ସମସ୍ତ ବ୍ୟାଙ୍କକୁ ନିବେଦନ କରିଥିଲେ । ଏବେ ଆଉ ୩ ମାସ ପାଇଁ ପୁଣି ଅପିଲ୍ କରିଛନ୍ତି । ଫଳରେ ଗ୍ରାହକଙ୍କ ପାଇଁ ଏବେ ବ୍ୟାଙ୍କରୁ ୬ ମାସ ପାଇଁ କିସ୍ତି ପୈଠ ନକଲେ କୌଣସି ଚାପ ସୃଷ୍ଟି ହେବନାହିଁ । ଏହା ସହିତ ସାଂବାଦିକ ସମ୍ମିଳନୀରେ ଆରବିଆଇ ଗଭର୍ଣ୍ଣର ଅନେକ ପ୍ରସଙ୍ଗରେ କହିଛନ୍ତି ।
୨୦୨୦-୨୧ର ପ୍ରଥମ ୬ ମାସରେ ଭାରତର ଜିଡିପି ବୃଦ୍ଧି ହାର ନକରାତ୍ମକ ରହିବ । ରିଭର୍ସ ରେପୋ ରେଟରେ କୌଣସି ପରିବର୍ତନ ହୋଇନାହିଁ । ତାଲାବନ୍ଦ ସମୟରେ ଦେଶରେ ଆର୍ଥିକ ପରିଚାଳନାରେ ହ୍ରାସ ଦେଖିବାକୁ ମିଳିଛି ।