କନକ ବ୍ୟୁରୋ : ଗେରୁଆ ରଙ୍ଗରେ ରଙ୍ଗେଇ ହେବ ପଶ୍ଚିମବଙ୍ଗ । ଗୃହମନ୍ତ୍ରୀ ରାଜନାଥ ସିଂ ପଶ୍ଚିମବଙ୍ଗରେ ୬ଷ୍ଠ ପର୍ଯ୍ୟାୟ ମତଦାନ ହେବା ପୂର୍ବରୁ ଏଭଳି ଦୃଢ଼ୋକ୍ତି କରିଛନ୍ତି । ଭାରତୀୟ ଜନତା ପାର୍ଟି ପଶ୍ଚିମବଙ୍ଗର ସମସ୍ତ ୪୨ ଲୋକସଭା ସିଟରେ ବିଜୟ ଲାଭ କରିବ । ସମସ୍ତ ୪୨ ସିଟରେ ବିଜେପି ଜିତିବା ସହ ଭାଜପା ଲେହେରରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଚିନ୍ତାଗ୍ରସ୍ତ ହୋଇପଡ଼ିଛନ୍ତି ବୋଲି ମଧ୍ୟ ସେ କହିଛନ୍ତି । ରାଜନାଥ ସିଂ କାଂଥୀରେ ଏକ ରାଲିରେ ସମ୍ବୋଧିତ କରିବା ସମୟରେ କହିଛନ୍ତି ମମତା ବାନାର୍ଜୀ ଓ ତାଙ୍କ ପାର୍ଟି ତୃଣମୁଳ କଂଗ୍ରେସ ଭାଜପା ଲେହେର ଯୋଗୁଁ ବିଷାଦଗ୍ରସ୍ତ ହୋଇପଡ଼ିଛିନ୍ତି । ଆଉ ଏଥିପାଇଁ ପ୍ରଧାନମନ୍ତ୍ରୀଙ୍କ ଫୋନର ଉତ୍ତର ମଧ୍ୟ ଦେଉନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ରାଜନାଥ ସିଂ ଲୋକଙ୍କ ମନେ ପକାଇ ଦେଇ କହିଛନ୍ତି, ମମତା ବାନାର୍ଜୀ ଶାସନ ଗାଦି ଅକ୍ତିଆର କରିବା ପାଇଁ ଜନତାଙ୍କୁ ବିଭିନ୍ନ ଲୋଭନୀୟ ପ୍ରତିଶ୍ରୁତି ଦେଇଥିଲେ । ମୁଖ୍ୟମନ୍ତ୍ରୀ ହେଲେ ମା, ମାଟି ଓ ଜନତାଙ୍କ ସୁରକ୍ଷା ତାଙ୍କର ଗୁରୁତ୍ୱ ରହିବ ବୋଲି କହିଥିଲେ । ହେଲେ ତାଙ୍କ ଶାସନ କାଳରେ କେହି ବି ସୁରକ୍ଷିତ ନାହାନ୍ତି । ପଶ୍ଚିମବଙ୍ଗ ସରକାର ଉପରେ ଅଭିଯୋଗ ଆଣି ରାଜନାଥ କହିଛନ୍ତି, ଦିଦିଙ୍କ ପ୍ରତିଶ୍ରୁତି କେବଳ ପ୍ରତିଶ୍ରୁତିରେ ରହିଗଲା । ହେଲେ ତାଙ୍କ ଶାସନ କାଳରେ କୌଣସି ବି ପ୍ରତିଶ୍ରୁତି ପାଳନ ହୋଇପାରିଲା ନାହିଁ । ଏହାବ୍ୟତୀତ ଭାରତୀୟ ଜନତା ପାର୍ଟିରୁ ଭୋଟ୍ ଦେବା ପାଇଁ ଲୋକଙ୍କୁ ଅନୁରୋଧ କରିଛନ୍ତି ରାଜନାଥ ସିଂ । ସୂଚନାଯୋଗ୍ୟ ୧୨ ମେରେ ଲୋକସଭା ନିର୍ବାଚନର ୬ଷ୍ଠ ପର୍ଯ୍ୟାୟରେ ପଶ୍ଚିମବଙ୍ଗ କାନ୍ଥୀରେ ମତଦାନ ହେବ ।