ପୁଣି ବନ୍ଦ ହେବ ୨୦୦୦ ଟଙ୍କିଆ ନୋଟ୍ ! ହେଲେ କାହିଁକି ଏପରି ନିଷ୍ପତ୍ତି ନେଉଛନ୍ତି ସରକାର, ଜାଣନ୍ତୁ ?
ଦେଶରୁ କଳାଧନକୁ ମୂଳପୋଛ କରିବା ପାଇଁ ୨୦୧୬ ନଭେମ୍ବର ୮ରେ ମୋଦି ସରକାର ବିମୁଦ୍ରାକରଣ ଘୋଷଣା କରିଥିଲେ । ଅର୍ଥ ବ୍ୟବସ୍ଥାରୁ ଉଚ୍ଚମୂଲ୍ୟର ନୋଟ୍ ଯଥା ୫୦୦ ଏବଂ ୧୦୦୦ ଟଙ୍କିଆକୁ ବାଦ୍ ଦିଆଗଲେ ଅର୍ଥନୀତିରେ କଳାଧନ କାରବାରକୁ କମାଯାଇପାରିବ ବୋଲି କୁହାଯାଇଥିଲା । ଦେଶରେ ଆତଙ୍କବାଦୀ କାର୍ଯ୍ୟକଳାପ ପାଇଁ କଳାଧନ ଏବଂ ଜାଲନୋଟ ବ୍ୟବହାର ଉପରେ ରୋକ ଲଗାଇବା ବିମୁଦ୍ରାକରଣ ଅନ୍ୟ ଲକ୍ଷ୍ୟ ଥିଲା । ତେବେ ବିମୁଦ୍ରାକରଣ ସମୟରେ ସାଧାରଣ ଜନତାଙ୍କୁ ଅନେକ ହଇରାଣ ହେବାକୁ ପଡ଼ିଥିଲା । ତେବେ କିଛିକାଂଶରେ କଳାଧନ ଉପରେ ରୋକ ଲାଗିଥିଲା କହିଲେ ଅତ୍ୟୁକ୍ତି ହେବ ନାହିଁ । କାର୍ଯ୍ୟାନଷ୍ଠାନ ଭୟରେ ସେହି ସମୟରେ ବ୍ୟାଙ୍କରେ ଟଙ୍କା ଜମାନକରି କିଛି ଲୋକ ନଦୀ ନାଳ ଠାରୁ ଆରମ୍ଭ କରି ସମୂଦ୍ର ଆଦିରେ ବସ୍ତା ବସ୍ତା କଳାଟଙ୍କା ଭସାଇଦେଲେ । ଆଉ କିଛି ସାଧାରଣ ଲୋକ ବ୍ୟାଙ୍କରେ ଟଙ୍କା ଜମା କଲେ ।
Kanak News is now on WhatsApp
Join and get latest news updates delivered to you via WhatsApp
ବିମୁଦ୍ରାକରଣ ପରେ ପୁଣି ଥରେ ବଜାରରେ କଳାଧନ ରୋକିବା ପାଇଁ ବଡ଼ ନୋଟ୍ ବନ୍ଦ କରିବା ପାଇଁ ପ୍ରସ୍ତୁତି ଚାଲିଛି । ବ୍ୟାଙ୍କିଂ ସୂତ୍ର ଅନୁସାରେ ଏବେ ୨୦୦୦ ଟଙ୍କିଆ ନୋଟ୍ ଆସିବା ବନ୍ଦ ହୋଇଗଲାଣି । କିନ୍ତୁ ଏବେ ବି ବଜାରରେ ୨୦୦୦ ଟଙ୍କିଆ ନୋଟର କାରବାର ହେଉଛି । ଏଥିିସହ ୨୦୦୦ ଟଙ୍କିଆ କେବଳ ସେହି ନୋଟ ଗୁଡ଼ିକ ଚାଲୁଛି ଯାହା ଗତ ଦେଢ଼ ବର୍ଷରୁ ଚଳୁଛି । ତେବେ ଏ ସଂକ୍ରାନ୍ତରେ କୌଣସି ବିଦ୍ଧିବଦ୍ଧ ନିର୍ଦ୍ଦେଶ ଆସିନାହଁ ବୋଲି କହିଛନ୍ତି ବ୍ୟାଙ୍କ ଅଧିକାରୀ । ଏଥିପାଇଁ କୌଣସି ପ୍ରକାର ମତପ୍ରକାଶ କରିବା ପାଇଁ ସେମାନେ ମନା କରିଦେଉଛନ୍ତି । ଏଟିଏମରେ ଏବେ ୫୦୦, ୧୦୦, ୨୦୦ ଟଙ୍କାର ଆଦି ନୋଟ୍ ଉପଲବ୍ଧ ରହୁଛି । ପ୍ରାୟ ଏଟିଏମରୁ ଏବେ ୫୦୦ ଟଙ୍କିଆ ନୋଟ୍ ବାହାରୁଛି ।
ତେବେ ଦୁର୍ନୀତି ଉପରେ ରୋକ ଲଗାଇବା ପାଇଁ ୨୦୦୦ ଟଙ୍କାକୁ ବନ୍ଦ ହେବ ବୋଲି ଏବେ ଚର୍ଚ୍ଚା ହେଉଛି । ଏଥିପାଇଁ ପ୍ରୟାସ ଆରମ୍ଭ ହୋଇସାରିଛି । ବ୍ୟାଙ୍କ ଗୁଡ଼ିକୁ ମଧ୍ୟ ବିଶ୍ୱସ୍ତ ରୂପରେ ନିର୍ଦ୍ଦେଶ ଦିଆଯାଇଛି ବୋଲି ସୂଚନା ମିଳିଛି । ବ୍ୟାଙ୍କିଂ ସୂତ୍ର ଅନୁସାରେ ୨୦୦୦ ଟଙ୍କିଆ ନୂଆ ନୋଟ୍ ବିଗତ ପ୍ରାୟ ୪ ମାସରୁ ଆସିବା ବନ୍ଦ ହୋଇଯାଇଛି । ବ୍ୟାଙ୍କ ପାଖରେ ଏବେ ୫୦୦ ଓ ୨୦୦ ଟଙ୍କିଆ ନୋଟ୍ ଅଧିକ ଉପଲବ୍ଧ ରହିଛି । ବ୍ୟାଙ୍କରେ ଏବେ ବି ୨୦୦୦ ଟଙ୍କିଆ ନୋଟ ଚାଲୁଛି । କିନ୍ତୁ ଏଟିଏମରୁ ଆଉ ୨୦୦୦ ଟଙ୍କିଆ ନୋଟ ଉବଲବ୍ଧ ନାହିଁ । ଏହା ବ୍ୟତୀତ ବର୍ତ୍ତମାନ ସମୟରେ ଲୋକଙ୍କୁ ଅନଲାଇନ୍ ଟ୍ରାନଜାକ୍ସନ ପ୍ରତି ଅଧିକ ଗୁରୁତ୍ୱ ଦେବା ପାଇଁ ମଧ୍ୟ ପ୍ରେରିତ କରାଯାଉଛି ।