ବାତ୍ୟା ମୁକାବିଲାରେ ରାଜ୍ୟକୁ କେନ୍ଦ୍ରୀୟ ଟିମର ପ୍ରଶଂସା : କହିଲେ, ଭିତ୍ତିଭୂମି ସଜାଡିବା ଲାଗି ରାଜ୍ୟକୁ ସହଯୋଗ କରିବ କେନ୍ଦ୍ର,ଏପଟେ ଦିଲ୍ଲୀ ଅଫିସରଙ୍କ ତ୍ୱରିତ ପଦକ୍ଷେପକୁ ପ୍ରଶଂସା କଲେ ଏସଆରସି
କନକ ବ୍ୟୁରୋ : ଏପଟେ ରାଜ୍ୟ ସରକାରଙ୍କୁ କେନ୍ଦ୍ର ସଚିବଙ୍କ ପ୍ରଶଂସା ଏବଂ କେନ୍ଦ୍ରକୁ ପ୍ରଶଂସା କରିଛନ୍ତି ରାଜ୍ୟ ସ୍ୱତନ୍ତ୍ର ରିଲିଫ୍ କମିଶନର । ବାତ୍ୟା କ୍ଷୟକ୍ଷତି ଆକଳନ ପାଇଁ ଆସିଥିବା କେନ୍ଦ୍ରୀୟ ଟିମ୍ , ରାଜ୍ୟ ସରକାରଙ୍କୁ ପ୍ରଶଂସା କରି କହିଛନ୍ତି । ବାତ୍ୟା ପ୍ରଭାବିତଙ୍କ ପାଖରେ ରାଜ୍ୟ ସରକାର ଦ୍ରୁତଗତିରେ ରିଲିଫ୍ ପହଁଚାଇପାରିଛନ୍ତି । ସେପଟେ ବାତ୍ୟା ପରେ ତୁରନ୍ତ ପ୍ରଭାବିତ ଅଂଚଳରେ ପହଁଚିଥିବାରୁ କେନ୍ଦ୍ରକୁ ପ୍ରଶଂସା କରିଛନ୍ତି ଏସଆରସି ।
Kanak News is now on WhatsApp
Join and get latest news updates delivered to you via WhatsApp
ବାତ୍ୟା ପ୍ରଭାବିତ ଅଂଚଳରେ ଘରକୁ ଘର ବୁଲି ତିନି ଦିନର ଅନୁଧ୍ୟାନ ପରେ ରାଜ୍ୟ ସରକାରଙ୍କୁ ପ୍ରଶଂସାରେ ପୋତି ପକାଇଛନ୍ତି କେନ୍ଦ୍ର ସଚିବ । କହିଛନ୍ତି, ବାତ୍ୟା ପ୍ରଭାବିତଙ୍କୁ ରନ୍ଧାଖାଦ୍ୟ ହେଉ ଅବା ରିଲିଫ୍, ଟଙ୍କା ଏବଂ ରହିବାକୁ ଜରିପାଲ, ଦ୍ରୁତ ଗତିରେ ବ୍ୟବସ୍ଥା କରିଛନ୍ତି ରାଜ୍ୟ ସରକାର । ବିଦ୍ୟୁତ୍ ଭିତିଭୂମି ସଜାଡିବା ଏବଂ ମନରେଗା ଭଳି କାମରେ କେନ୍ଦ୍ର , ରାଜ୍ୟକୁ ସହଯୋଗ କରିବ ବୋଲି ସଚିବ କହିଛନ୍ତି ।
ସେପଟେ ପ୍ରଥମଥର ପାଇଁ ପ୍ରାକୃତିକ ବିପର୍ଯ୍ୟୟ ପରେ ପରେ ଏବଂ ରାଜ୍ୟ ସରକାରଙ୍କ ଦାବି ପୂର୍ବରୁ ପ୍ରଭାବିତ ଅଂଚଳରେ ପହଁଚିଛି କେନ୍ଦ୍ରୀୟ ଟିମ୍ । ବାତ୍ୟା କ୍ଷତିଗ୍ରସ୍ତ ଅଂଚଳ ଦେଖିଛନ୍ତି ଏବଂ କ୍ଷୟକ୍ଷତି ଆକଳନ କରିଛନ୍ତି । ବାତ୍ୟା ପରେ ତୁରନ୍ତ କ୍ଷୟକ୍ଷତି ଆକଳନ କରିଥିବାରୁ କେନ୍ଦ୍ରକୁ ପ୍ରଶଂସା କରିଛନ୍ତି ସ୍ୱତନ୍ତ୍ର ରିଲିଫ୍ କମିଶନର ।
ଗତ ୬ ତାରିଖରେ ପ୍ରଧାନମନ୍ତ୍ରୀ ମୋଦି ବାତ୍ୟା ସ୍ଥିତିର ଅନୁଧ୍ୟାନ କରି ରାଜ୍ୟ ସରକାରଙ୍କ ବାତ୍ୟା ମୁକାବିଲା ନେଇ ନିଆଯାଇଥିବା ପଦକ୍ଷେପକୁ ପ୍ରଶଂସା କରିଥିଲେ । ପରେ ୫ଲକ୍ଷ ଗୃହ ନିର୍ମାଣ ପାଇଁ କେନ୍ଦ୍ରକୁ ଅନୁରୋଧ କରିବା ସହ ସହଯୋଗ ପାଇଁ କେନ୍ଦ୍ର ସରକାରକୁ ଧନ୍ୟବାଦ ଦେଇଥିଲେ ମୁଖ୍ୟମନ୍ତ୍ରୀ ।