କିପରି ଥିଲା ବିଜୟ ମହାପାତ୍ର ଓ ଦିଲ୍ଲୀପ ରାୟଙ୍କ ରାଜନୈତିକ କ୍ୟାରିଅର ?
ବିଜୟ ମହାପାତ୍ରଙ୍କ ରାଜନୈତିକ କ୍ୟାରିଅର . . .
ବିଜୟ ମହାପାତ୍ର କେନ୍ଦ୍ରାପଡା ପାଟକୁରାରୁ ଲଗାତାର ୪ ଥର ରାଜ୍ୟ ବିଧାନସଭାକୁ ନିର୍ବାଚିତ ହୋଇଥିଲେ । ୧୯୮୦, ୧୯୮୫, ୧୯୯୦ ଓ ୧୯୯୫ ମସିହାରେ ସେ ବିଧାୟକ ହୋଇଥିଲେ । ଏପରିକି ୧୯୯୦ରେ ବିଜୁ ପଟ୍ଟନାୟକ ମନ୍ତ୍ରିମଣ୍ଡଳରେ ସେ କ୍ୟାବିନେଟ ମନ୍ତ୍ରୀ ଥିଲେ । ତାଙ୍କୁ ଜଳସେଚନ, ଶକ୍ତି ଓ ସଂସଦୀୟ ବ୍ୟାପର ମିଳିଥିଲା । ବିଜୁ ପଟ୍ଟନାୟକଙ୍କ ଦେହାନ୍ତ ପରେ ଗଠନ କରାଯାଇଥିଲା ବିଜୁ ଜନତା ଦଳ । ବିଜେଡି ଗଠନର ସଂସ୍ଥାପକ ସଦସ୍ୟ ମଧ୍ୟରେ ବିଜୟ ମହାପାତ୍ର ଅନ୍ୟତମ ଥିଲେ ।
Kanak News is now on WhatsApp
Join and get latest news updates delivered to you via WhatsApp
୨୦୦୦ ମସିହା ବିଧାନସଭା ନିର୍ବାଚନ ପୂର୍ବରୁ ହଠାତ୍ ବିଜୟ ମହାପାତ୍ରଙ୍କୁ ବିଜେଡିରୁ ବହିଷ୍କୃତ କରାଯାଇ ପାଟକୁରାରୁ ଟିକେଟ ମଧ୍ୟ ଦିଆଯାଇନଥିଲା । ଏହା ସେ ସମୟରେ ରାଜନୀତିରେ ସୃଷ୍ଟି କରିଥିଲା ବେଶ ଚର୍ଚ୍ଚା । ୨୦୦୧ ମସିହାରେ ବିଜୟ ମହାପାତ୍ର ଓଡିଶା ଗଣ ପରିଷଦ ଗଠନ କରି ୨୦୦୪ରେ କଂଗ୍ରେସ ସହ ମେଂଟ କରିଥିଲେ ।
ନିର୍ବାଚନରେ ଓଜିପି ୨ଟି ଆସନ ପାଇଥିଲା । ବିଜୟ ମହାପାତ୍ର ଅତି କମ ବ୍ୟବଧାନରେ ହାରିଯାଇଥିଲେ । ତେବେ ପରେ ଓଜିପିର ଏନସିପି ସହ ମିଶ୍ରଣ ହୋଇଥିଲା । ୨୦୦୯ରେ ଏନସିପି ବିଜେଡି ସହ ମେଂଟ କରିବାକୁ ଘୋଷଣା କରିବା ପରେ ଏହାର ବିରୋଧ କରି ବିଜୟ ଦଳ ଛାଡିଥିଲେ ବିଜେପିରେ ସାମିଲ ହୋଇଥିଲେ ବିଜୟ ମହାପାତ୍ର ।
ଦିଲ୍ଲୀପ ରାୟଙ୍କ ରାଜନୈତିକ କ୍ୟାରିଅର . . .
ଦିଲ୍ଲୀପ ପାୟ ୧୯୮୨ ମସିହାରେ ରାଉରକେଲା ପୌର ପରିଷଦର ଅଧ୍ୟକ୍ଷ ଥିଲେ । ୧୯୮୫, ୧୯୯୦ ଓ ୨୦୧୪ରେ ସେ ରାଉରକେଲାରୁ ବିଧାସଭାକୁ ନିର୍ବାଚିତ ହୋଇଥିଲେ । ବିଜୁ ପଟ୍ଟନାୟକ ମନ୍ତ୍ରିମଣ୍ଡଳରେ ଦିଲ୍ଲୀପ ରାୟ ଥିଲେ ଶିଳ୍ପ ମନ୍ତ୍ରୀ । ୧୯୯୬ ଓ ୨୦୦୨ରେ ଦିଲ୍ଲୀପ ରାୟ ରାଜ୍ୟସଭାକୁ ନିର୍ବାଚିତ ହୋଇଥିଲେ । ଏହି ସମୟରେ ସେ ଅନେକ ଥର କେନ୍ଦ୍ର ମନ୍ତ୍ରିମଣ୍ଡଳରେ ମନ୍ତ୍ରୀ ମଧ୍ୟ ହୋଇଛନ୍ତି । ବିଜୁ ପଟ୍ଟନାୟକଙ୍କ ଖାସ ଲୋକଙ୍କ ମଧ୍ୟରେ ଦିଲ୍ଲୀପ ରାୟ ଅନ୍ୟତମ ଥିଲେ । ବିଜୁ ଜନତା ଦଳ ଗଠନରେ ମଧ୍ୟ ଦିଲ୍ଲୀପ ରାୟଙ୍କ ପ୍ରମୁଖ ଭୂମିକା ଥିଲା ।