ରଥଯାତ୍ରା ପାଇଁ ପୁରୀରେ ସୁରକ୍ଷା ବ୍ୟବସ୍ଥା କଡ଼ାକଡ଼ି ! ଚାରିଆଡ଼େ ନଜର ରଖିଛନ୍ତି ପୋଲିସ୍ ଫୋର୍ସ

କନକ ବ୍ୟୁରୋ : ଆସନ୍ତା ୧୪ ତାରିଖରେ ଅନୁଷ୍ଠିତ ହେବାକୁ ଥିବା ବିଶ୍ୱ ପ୍ରସିଦ୍ଧ ରଥଯାତ୍ରା ପାଇଁ ସମଗ୍ର ପୁରୀ ସହର ଏବେଠୁ ପୁଲିସ ବଳୟରେ ରହିଛି । ବରିଷ୍ଠ ପୁଲିସ ଅଧିକାରୀ, ଫୋର୍ସ, ଯବାନ ଏଠାରେ ପହଞ୍ଚି ପ୍ରାକ୍‌ ପ୍ରସ୍ତୁତି (ମକ୍‌ଡ୍ରିଲ୍‌) ଆରମ୍ଭ କରିଛନ୍ତି । ଗତବର୍ଷ ତୁଳନାରେ ଚଳିତ ବର୍ଷ ରଥଯାତ୍ରା ପାଇଁ ଅଧିକ ପୁଲିସ ଫୋର୍ସ ମୁତୟନ କରାଯାଇଛି । ଗତକାଲି ପୁରୀ ପୌର ସଦନ ସଦନ ପରିସରରେ ରଥଯାତ୍ରା ପାଇଁ ନିୟୋଜିତ ପୁଲିସ ଅଧିକାରୀ ଓ କର୍ମଚାରୀଙ୍କୁ ନେଇ ଏକ ସମନ୍ଵୟ ବୈଠକ ଅନୁଷ୍ଠିତ ହୋଇଥିଲା । ପୁଲିସ ମହାନିର୍ଦ୍ଦେଶକ ଡାକ୍ତର ରାଜେନ୍ଦ୍ର ପ୍ରସାଦ ଶର୍ମା ଏଥିରେ ଅଧ୍ୟକ୍ଷତା କରି ଉପସ୍ଥିତ ପୁଲିସ ପଦାଧିକାରୀ ଓ କର୍ମଚାରୀଙ୍କୁ ନିଷ୍ଠାର ସହ ଦାୟିତ୍ୱ ନିର୍ବାହ କରିବାକୁ ପରାମର୍ଶ ଦେଇଥିଲେ । ଶ୍ରୀକ୍ଷେତ୍ରରେ ଲକ୍ଷାଧିକ ଭକ୍ତଙ୍କ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି । ରଥଯାତ୍ରା ଡ୍ୟୁଟି ଭାଗ୍ୟରେ ଥିଲେ ମିଳେ ବୋଲି ଡାକ୍ତର ଶର୍ମା କହିଥିଲେ ।