ଇନ୍ଦୋରର ସୈଫି ମସଜିଦରେ ମୋଦି : ପ୍ରଧାନମନ୍ତ୍ରୀଙ୍କ ସମ୍ବୋଧନ, କହିଲେ ଭାରତର ଶକ୍ତିକୁ ପରିଚିତି କରାଇଛନ୍ତି ବୋହରା ସଂପ୍ରଦାୟ
କନକ ବ୍ୟୁରୋ : ମସଜିଦରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ମଧ୍ୟପ୍ରଦେଶ ଇନ୍ଦୋରରର ସୈଫି ମସଜିଦରେ ଦାଉଦି ଭୋରା ସମ୍ପ୍ରଦାୟର ୫୩ତମ ଧର୍ମଗୁରୁ ସୟଦନା ମୁଫାଦଲ ସୈଫଉଦ୍ଦିନଙ୍କ ସହ ଏକ ପ୍ରବଚନ କାର୍ଯ୍ୟକ୍ରମରେ ଯୋଗ ଦେଇଛନ୍ତି ମୋଦି । ଏହି ଅବସରରେ ଉପସ୍ଥିତ ଜନସମୁଦାୟକୁ ସମ୍ବୋଧିତ କରି ବୋହରା ସମୁଦାୟକୁ ଭରପୁର ପ୍ରଶଂସା କରିଛନ୍ତି ମୋଦି । ସେ କହିଛନ୍ତି, ଭାରତୀୟ ଶକ୍ତିକୁ ପରିଚିତ କରାଇଛନ୍ତି ବୋହରା ସମୁଦାୟ । ଯାହାର ଦେଶଭକ୍ତି ଶିଖିବାର ଅଛି ସେ ବୋହରା ସମୁଦାୟଙ୍କଠାରୁ ଶିଖିବା ଦରକାର ।
Kanak News is now on WhatsApp
Join and get latest news updates delivered to you via WhatsApp
ଏହାସହ ମୋଦି କହିଛନ୍ତି ବୋହରା ସମାଜ ଶାନ୍ତି ପାଇଁ ଯେଉଁ ଅବଦାନ ଦେଇଛି ତାହା ଆମ ଦେଶ ପାଇଁ ସବୁଠାରୁ ଗୁରୁତ୍ୱପୂର୍ଣ୍ଣ । ମୋଦି କହିଛନ୍ତି, ବୋହରା ସମାଜ ସହ ମୋ ସମ୍ପର୍କ ବହୁତ ପୁରୁଣା । ମୁଁ ଏହି ପରିବାରର ସଦସ୍ୟ । ଜନ୍ମଦିନ ପୂର୍ବରୁ ଏହି ପବିତ୍ର ମଂଚରୁ ମୋତେ ଆଶିର୍ବାଦ ମିଳିଥିବାରୁ ମୁଁ ଭାଗ୍ୟବାନ ମଣୁଛି । ଗୁଜରାଟର ମୁଖ୍ୟମନ୍ତ୍ରୀ ଥିବାବେଳେ ବୋହାରା ସମାଜ ସବୁବେଳେ ମୋ ସହ ଥିଲା ବୋଲି ମୋଦି କହିଛନ୍ତି । ଅନେକ ଥର ଧର୍ମଗରୁଙ୍କୁ ଭେଟିବା ପାଇଁ ମୁଁ ସୁରଟ ଏୟାରପୋର୍ଟ ଯାଇଛି । କାର୍ଯ୍ୟକ୍ରମରେ ମୋଦି କହିଛନ୍ତି ଆଜି ବୋହରା ସମାଜ ପାଇଁ ଅନେକ କାମ କରୁଛି । ମୋଦି କହିଛନ୍ତି ବୋହରା ସମୁଦାୟଙ୍କ ଗହଣକୁ ଆସିବା ତାଙ୍କ ପାଇଁ ପ୍ରେରଣାଦାୟୀ ହୋଇଛି । ଏହା ହେଉଛି କୌଣସି ପ୍ରଧାନମନ୍ତ୍ରୀ ବୋହରା ସମାଜ ପ୍ରବଚନ କାର୍ଯ୍ୟକ୍ରମରେ ଯୋଗ ଦେବା ଇତିହାସରେ ପ୍ରଥମ । ବୋହରା ଧର୍ମଗୁରୁ ମୋଦିଙ୍କୁ ଜନ୍ମଦିନର ଆଗୁଆ ଶୁଭେଛା ଜଣାଇଛନ୍ତି ।