ଆଜି ବହୁପ୍ରତିକ୍ଷୀତ ଝାରସୁଗୁଡା ବିମାନବନ୍ଦରର ଲୋକାର୍ପଣ କରିବେ ମୋଦି : ପ୍ରଥମ ଦିନରେ ଭୁବନେଶ୍ୱର ଓ ରାୟପୁରକୁ ବିମାନ ସେବା
କନକ ବ୍ୟୁରୋ : ତାଳଚେର ପରେ ପ୍ରଧାନମନ୍ତ୍ରୀ ଝାରସୁଗୁଡ଼ା ଗସ୍ତରେ ଯିବେ । ମୋଦି ସେଠାରେ ଝାରସୁଗୁଡ଼ା ବିମାନବନ୍ଦରକୁ ଦେଶ ଉଦେଶ୍ୟରେ ଉତ୍ସର୍ଗ କରିବେ । ଏହାରାଜ୍ୟର ଦ୍ୱିତୀୟ ବିମାନବନ୍ଦର ହେବ । ସେଠାରୁ ଉଡ଼଼ାଣ ସେବାର ମଧ୍ୟ ଶୁଭାରମ୍ଭ କରିବେ ମୋଦି । ସେଠାରେ ପ୍ରଧାନମନ୍ତ୍ରୀ ମହାନଦୀ କୋଲ୍ଫିଲ୍ଡସ୍ ଲିମିଟେଡ୍ର ଝାରସୁଗୁଡ଼ା-ସେରଡ଼େଗା ୫୩.୧ କିଲୋମିଟର ରେଳ ଲାଇନ୍ ଓ ଗର୍ଜନବାହାଲ୍ କୋଇଲା ଖଣିକୁ ମଧ୍ୟ ଉଦ୍ଘାଟନ କରିବେ। ସେହିପରି ସୁନ୍ଦରଗଡ଼ରେ ଏନ୍ଟିପିସିର ଡୁଲାଙ୍ଗ ଖଣିକୁ ମଧ୍ୟ ଦେଶ ପ୍ରତି ଉତ୍ସର୍ଗ କରିବେ ।
Kanak News is now on WhatsApp
Join and get latest news updates delivered to you via WhatsApp
ତେବେ ବର୍ତ୍ତମାନ ଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଦିନିକିଆ ଓଡ଼ିଶା ଗସ୍ତରେ ଆସି ଭୁବନେଶ୍ୱରଠାରେ ପହଞ୍ଚିବା ପରେ ସେଠାରୁ ବାୟୁସେନାର ସ୍ୱତନ୍ତ୍ର ହେଲିକ୍ୟାପ୍ଟର ଯୋଗେ ତାଳଚେରରେ ପହଞ୍ଚିଛନ୍ତି । ତାଳଚେର ସାରକାରଖାନାର ପୁନରୁଦ୍ଧାର ସହିତ ୧୩ହଜାର କୋଟି ଟଙ୍କା ବ୍ୟୟ ଅଟକଳରେ ପ୍ରାସ୍ତାବିତ ଏହି କାରଖାନାରୁ ବାର୍ଷିକ ୧.୨୭ ମିଲିୟନ ମେଟ୍ରିକ୍ ଟନ୍ ୟୁରିଆ ଉତ୍ପାଦନ, ସହିତ ପ୍ରାୟ ୪ହଜାର ୫ଶହ ଜଣଙ୍କୁ ପ୍ରତ୍ୟେକ୍ଷ ଓ ପରୋକ୍ଷରେ ନିଯୁକ୍ତି ଯୋଗାଇ ଦିଆଯିବାର ପରିକଳ୍ପନା କରାଯାଇଛି ।
ଓଡ଼ିଶାରେ ବିଭିନ୍ନ ପ୍ରକଳ୍ପର ଶିଳାନ୍ୟାସ ଓ ଉଦ୍ଘାଟନ କରିବା ପରେ ପ୍ରଧାନମନ୍ତ୍ରୀ ଛତିଶଗଡ଼ର ଜଞ୍ଜଗିର୍-ଚମ୍ପା ଜିଲ୍ଲାରେ ଆୟୋଜିତ ପାରମ୍ପରିକ ହସ୍ତତନ୍ତ ଓ କୃଷି ପ୍ରଦର୍ଶନୀରେ ଯୋଗଦେବେ । ଏଥିସହିତ ପେଣ୍ଡ୍ରା-ଅନୁପୂରର ତୃତୀୟ ରେଳଲାଇନ ଓ ଜାତୀୟ ରାଜପଥର ଶିଳାନ୍ୟାସ କରିବେ । ସେଠାରେ ସେ ଆୟୋଜିତ ଏକ ସଭାରେ ଜନସାଧାରଣଙ୍କୁ ଉଦ୍ବୋଧନ ଦେବେ ।