ପ୍ରଧାନମନ୍ତ୍ରୀ ଶ୍ରମଯୋଗୀ ମାନଧନ ଯୋଜନା ଆରମ୍ଭ କଲେ ମୋଦି ! କହିଲେ, ମୁଁ ଦେଶର ଶ୍ରମିକ ନମ୍ବର ୱାନ୍

248

କନକ ବ୍ୟୁରୋ : ପ୍ରଧାନମନ୍ତ୍ରୀ ଏବେ ଗୁଜରାଟ ଗସ୍ତରେ ଅଛନ୍ତି । ସେଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶ୍ରମଯୋଗୀ ମାନଧନ ଯୋଜନାର ଶୁଭାରମ୍ଭ କରି ୧୧,୫୧,୦୦୦ ଲୋକଙ୍କ ପାଖକୁ ୧୩,୫୮,୩୧୯୧୮ ଟଙ୍କା ପେନସନ ଖାତା ଜରିଆରେ ଟ୍ରାନ୍ସଫର କରିଛନ୍ତି । ଅଣସଂଗଠିତ ଶ୍ରମିକ ଯେପରିକି ରିକ୍ସା ଚାଳକ, ଫେରିବାଲା, ଶ୍ରମିକ, ଘରୋଇ ଶ୍ରମିକ, ବର୍ଜି, ପାନବାଲା, ଛୋଟ ଦୋକାନୀ କିମ୍ବା ଅନ୍ୟାନ୍ୟ ଶ୍ରମିକ ଏଥିରେ ଉପକୃତ ହୋଇପାରିବେ । ପେନସନ ପାଇବାର ବୟସ ସୀମା ରହିଛି ୧୮ ରୁ ୪୦ ।

ମାସିକ ଆୟ ୧୫ହଜାର ଟଙ୍କାରୁ କମ ଥିବା ବ୍ୟକ୍ତିଙ୍କୁ ସେମାନଙ୍କୁ ଯୋଗାଇ ଦିଆଯିବ । ତେବେ ଏହି ଯୋଜନାରେ ଯୋଡି ହେବାପାଇଁ ନିକଟରେ ଥିବା କମନ ସର୍ଭିସ ସେଂଟରରେ ଆଧାରକାର୍ଡ ଓ ସଂଚୟ ବା ଜନ-ଧନ ଖାତା ସହିତ ଯିବାକୁୁ ପଡ଼ିବ । ଅଧିକ ଜାଣିବା ପାଇଁ ୱେବସାଇଟ www.labour.gov.inwww.licindia.in ପେଜ୍ ଖୋଲିବାପାଇଁ ପଡ଼ିବ । ଯଦି ନିକଟରେ ଥିବା ସର୍ଭିସ ସେଂଟର ଖୋଜିବା ପାଇଁ ଯାଉଛନ୍ତି, ତେବେ www.locator.csccloud.in ପରିଦର୍ଶନ କରନ୍ତୁ ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି, କିଛି ଦିନ ପୂର୍ବରୁ ଆମ ସରକାର ୧୨ କୋଟି କୃଷକଙ୍କ ପରିବାର ପାଇଁ ଯୋଜନା ଆରମ୍ଭ କରିଥିଲେ । ଆଉ ଆଜି ୪୨ କୋଟି ଶ୍ରମିକଙ୍କ ପାଇଁ ଯୋଜନା ଆରମ୍ଭ ହେଉଛି । ୫୫ବର୍ଷରେ ଯାହା ହୋଇପାରିନଥିଲା, ଆଜି ଜଣେ ଚା’ବାଲାର ପୁଅ ୫୫ ମାସରେ କରିଦେଖାଇଛି । ନିଜକୁ ଦେଶର ଶ୍ରମିକ ନମ୍ବର ୱାନ୍ ବୋଲି କହିଛନ୍ତି ମୋଦି ।