ଆଗୁଆ ନିର୍ବାଚନ ଚାହୁଁଛି ବିଜେଡି : ସାଂସଦ ପିନାକୀ ମିଶ୍ର କହିଲେ, ଯଦି କେନ୍ଦ୍ର ଯୋଜନା କରୁଛି ଓଡିଶାକୁ ସାମିଲ କରୁ
କନକ ବ୍ୟୁରୋ : ବିଜେଡ଼ି ଚାହୁଁଛି ଆଗୁଆ ନିର୍ବାଚନ ହେଉ । ଜାତୀୟ ନିର୍ବାଚନ କମିଶନରଙ୍କୁ ଭେଟି ଦାବି ଜଣାଇଲେ ବିଜେଡ଼ି ପ୍ରତିନିଧ ଦଳ । ଆଗୁଆ ନିର୍ବାଚନ ପାଇଁ ବିଜେଡ଼ି ସମ୍ପୂର୍ଣ୍ଣ ପ୍ରସ୍ତୁତ ବୋଲି ଦଳ ପକ୍ଷରୁ କୁହାଯାଇଛି । ଆଉ ଏହାର ସୂଚନା ଦେଇଛନ୍ତି ବିଜେଡ଼ି ସାଂସଦ ପିନାକୀ ମିଶ୍ର । ଆଚରଣ ବିଧି ଲାଗୁ ଦ୍ୱାରା କାମ ଅଟକିଯାଏ, ଲୋକ କିନ୍ତୁ ଅସୁବିଧା ଭୋଗନ୍ତି । ଏକାଠି ନିର୍ବାଚନ ହେଲେ ଆଚରଣ ବିଧି ଅବଧି ଦୀର୍ଘ ହେବନି । ସାଂସଦ ପିନାକୀ ମିଶ୍ର କହିଛନ୍ତି କେନ୍ଦ୍ର ଲୋକସଭା ଓ କିଛି ରାଜ୍ୟର ବିଧାନସଭା ନିର୍ବାଚନ ଏକାସଙ୍ଗେ କରିବା ପାଇଁ ଯୋଜନା ପ୍ରସ୍ତୁତ କରିଛି । ଆଉ ଏଥିରେ ଓଡ଼ିଶା ସାମିଲ ହେଲେ ଲାଭରେ ରହିବ । କାରଣ ଏପରି ହେବା ଦ୍ୱାରା ରାଜ୍ୟ ସରକାରଙ୍କର ୧୦୦୦ କୋଟି ଟଙ୍କା ଖର୍ଚ୍ଚ ବଂଚିଯିବ ।
Kanak News is now on WhatsApp
Join and get latest news updates delivered to you via WhatsApp
ନିର୍ବାଚନ କମିଶନରଙ୍କୁ ଭେଟିଲା ପରେ ପିନାକୀ ମିଶ୍ର କହିଛନ୍ତି, ବିଜୁ ଜନତା ଦଳ ପାଇଁ ଆଗୁଆ ନିର୍ବାଚନ ରାଜ୍ୟ ପାଇଁ କିଛି ନୂଆ କଥା ନୁହେଁ । ୨୦୦୪ ମସିହାରେ ପୂର୍ବରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଜୁ ଜନତା ଦଳର ଏକ ବର୍ଷର ସରକାର ଭାଙ୍ଗି ଏକସଙ୍ଗେ ନିର୍ବାଚନ କରାଇଥିଲେ । ଏକାସଙ୍ଗ ନିର୍ବାଚନ ହେଲେ ଲୋକମାନଙ୍କ ପାଇଁ ସୁବିଧା ହେବ ବୋଲି ସେ କହିଛନ୍ତି । ସେ କହିଛନ୍ତି ଏକାସଙ୍ଗ ନିର୍ବାଚନ ହେଲେ ରାଜ୍ୟବାସୀ ଲାଭବାନ ହୋଇପାରିବେ । କାରଣ ଏକସଙ୍ଗେ ନିର୍ବାଚନ ହେଲେ କେନ୍ଦ୍ର ହିଁ ଅଧିକରୁ ଅଧିକ ଖର୍ଚ୍ଚ ବହନ କରେ । ଅନ୍ୟପଟେ ଏକସଙ୍ଗେ ନିର୍ବାଚନ ହେଲେ ରାଜ୍ୟ ସରକାର ବହୁତ କମ୍ ଖର୍ଚ୍ଚ କରିବା ପାଇଁ ପଡ଼େ । ତେଣୁ ବର୍ତ୍ତମାନ ସମୟରେ ଯଦି ଏକସଙ୍ଗେ ନିର୍ବାଚନ ହୁଏ ତେବେ ପାଖାପାଖି ୧୦୦୦ କୋଟି ଟଙ୍କା ରାଜ୍ୟର ବିକାଶରେ ଲାଗିପାରିବ । ନିର୍ବାଚନ କମିଶନ ଗୁରୁତ୍ୱର ସହ ଆମ କଥା ନେଇଛନ୍ତି ବୋଲି ମଧ୍ୟ କହିଛନ୍ତି ବିଜେଡି ସାଂସଦ ପିନାକୀ