ବଜେଟ ପରେ ମହଙ୍ଗା ମାଡ଼ : ରାଜ୍ୟରେ ବଢିଲା ପେଟ୍ରୋଲ ଡିଜେଲ ଦର, ଭୁବେନଶ୍ୱରରେ ପେଟ୍ରୋଲ ୨ ଟଙ୍କା ୪୩ ପଇସା ଓ ଡିଜେଲ ୨ ଟଙ୍କା ୫୫ ପଇସା ବୃଦ୍ଧି
କନକ ବ୍ୟୁରୋ : ବଜେଟ ପରେ ମହଙ୍ଗା ମାଡ଼ । ଅର୍ଥମନ୍ତ୍ରୀ ନିର୍ମଳା ସୀତାରମଣ ଗତକାଲି ଉଭୟ ପ୍ରତ୍ୟକ୍ଷ ଏବଂ ପରୋକ୍ଷ ଟିକସରେ ଅନେକ କିଛି ପରିବର୍ତ୍ତନ ଆଣିଛନ୍ତି । ଫଳରେ ସାଧାରଣ ଲୋକଙ୍କଠାରୁ ଆରମ୍ଭ କରି ଧନୀକ ବର୍ଗର ଲୋକମାନେ ଏହାଦ୍ବାରା ଗଭୀର ଭାବେ ପ୍ରଭାବିତ ହୋଇଛନ୍ତି । ପେଟ୍ରୋଲ ଏବଂ ଡିଜେଲ ଉପରେ ଉତ୍ପାଦନ ଶୁଳ୍କ ଏବଂ ସଡ଼କ ଓ ଭିତ୍ତିଭୂମି ସେସ୍ ବାବଦରେ ଲିଟର ପିଛା ୨ ଟଙ୍କା ଲେଖାଏଁ ବୃଦ୍ଧି କରିଛନ୍ତି । ଯଦ୍ୱାରା ପେଟ୍ରୋଲ ଏବଂ ଡିଜେଲ ଦର ପାଖାପାଖି ଲିଟର ପିଛା ଅଢ଼େଇ ଟଙ୍କା ବୃଦ୍ଧି ଘଟିଛି।
Kanak News is now on WhatsApp
Join and get latest news updates delivered to you via WhatsApp
ବଜେଟ୍ ପରେ ରାଜ୍ୟରେ ମଧ୍ୟ ବଢ଼ିଲା ପେଟ୍ରୋଲ ଓ ଡିଜେଟ୍ ଦର । ଭୁବନେଶ୍ୱରରେ ପେଟ୍ରୋଲ ଦର ୨ ଟଙ୍କା ୪୩ ପଇସା ବଢ଼ିଥିବା ବେଳେ ଡିଜେଲ ଦରରେ ୨ ଟଙ୍କା ୫୫ ପଇସା ବୃଦ୍ଧି ପାଇଛି । ସେହିପରି ବ୍ରହ୍ମପୁରରେ ପେଟ୍ରୋଲ ଲିଟର ପିଛା ୨.୪୨ ଟଙ୍କା ବଢ଼ିଥିବା ବେଳେ ଡିଜେଲ ଦର ୨.୫୪ ଟଙ୍କା ମହଙ୍ଗା ଥିଲା । ଅନ୍ୟପଟେ ସମ୍ବଲପୁର ସହରରେ ପେଟ୍ରୋଲ ଦର ୨.୪୨ ଟଙ୍କା ବଢ଼ିଥିବା ବେଳେ ଡିଜେଲ ଦର ୨.୫୪ ଟଙ୍କା ମହଙ୍ଗା ହୋଇଛି ଡିଜେଲ୍ ।