୮୨ ବର୍ଷର ବିକ୍ରି ରେକର୍ଡ ଭାଙ୍ଗିଲା ପାର୍ଲେ ଜି । ତାଲାବନ୍ଦରେ ଲୋକେ ଖୁବ ଖାଇଲେ ବିସ୍କୁଟ,କମ୍ପାନୀର ବିକ୍ରି ୮ ଦଶନ୍ଧିରୁ ଅଧିକ ସମୟ ମଧ୍ୟରେ ସର୍ବାଧିକ
କନକ ବ୍ୟୁରୋ : ଲକଡାଉନରେ ପାର୍ଲେଜିର ରେକଡସ୍ତରୀୟ ବିକ୍ରି । ୮୨ବର୍ଷର ରେକର୍ଡ ଭାଙ୍ଗିଲା ପାର୍ଲେଜି । ୫ଟଙ୍କାରେ ମିଳୁଥିବା ପାର୍ଲେଜି ବିସ୍କିଟ ପ୍ୟାକେଟ ହଜାର ହଜାର କିଲୋମିଟର ପାଦରେ ଚାଲୁଥିବା ପ୍ରବାସୀ ଶ୍ରମିକ ପାଇଁ ସାହାରା ସାଜିଥିବା ପ୍ରମାଣିତ ହୋଇଛି । ଇକୋନମିକ୍ସ ଟାଇମ୍ସ ରିପୋର୍ଟ ମୁତାବକ ମାର୍ଚ୍ଚ,ଏପ୍ରିଲ, ମେଁରେ ପାର୍ଲେଜିର ଶାନଦାର ବ୍ୟବସାୟ ହୋଇଛି । କେନ୍ଦ୍ର ସରକାର ମାର୍ଚ୍ଚ ୨୩ରେ ସାରା ଦେଶରେ ଲକଡାଉନ ଘୋଷଣା କଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଘୋଷଣା ସହ ଦେଶରେ ଚଳପ୍ରଚଳ ଉପରେ ବ୍ରେକ ଲାଗିଥିଲା ।
Kanak News is now on WhatsApp
Join and get latest news updates delivered to you via WhatsApp
ବସ ,ଟ୍ରେନ ସେବା ବନ୍ଦ ଥିଲା ।ହେଲେ ଲକଡାଉନର କିଛି ଦିନ ପରେ ବାହାର ରାଜ୍ୟରେ ଥିବା ଲୋକ ବିଶେଷ କରି ଶ୍ରମିକ ଶ୍ରେଣୀର ଲୋକ ନିଜ ଘରକୁ ବା ରାଜ୍ୟକୁ ପାଦରେ ଚାଲି ଚାଲି ବାହାରିଲେ । ଏପରିକି ସେମାନେ ଅଖିଆ ଅପିଆ ରହି ହଜାର ହଜାର କିଲୋମିଟର ପାଦରେ ଚାଲି ଚାଲି ଯାଇଥିଲେ । ପରବର୍ତୀ ସମୟରେ ପ୍ରବାସୀ ଶ୍ରମିକଙ୍କ ଏପରି ଅବସ୍ଥା ଓ ଭିଡକୁ ନଜରରେ ରଖି କେନ୍ଦ୍ର ସରକାର ସେମାନଙ୍କ ପାଇଁ ବସ ଓ ଟ୍ରେନର ସୁବିଧା ଯୋଗାଇଦେଲେ ।କିନ୍ତୁ ଏଭଳି ଏକ ଘଡିସନ୍ଧି ମୁହୁର୍ତରେ କିଛି ଲୋକ ସହାୟତାର ହାତ ବଢାଇଥିଲେ । ବିଶେଷ କରି ଶ୍ରମିକଶ୍ରେଣୀର ଲୋକଙ୍କ ପାଇଁ ଖାଦ୍ୟ ପାନୀୟର ବ୍ୟବସ୍ଥା କରିଥିଲେ । ଏହାରି ଭିତରେ ୫ ଟଙ୍କିଆ ପାର୍ଲେଜି ଭୋକିଲା ପାଇଁ ସାହାରା ପାଲଟିଥିଲା । କେହି କେହି ଏହାକୁ ନିଜ ଖର୍ଚ୍ଚରେ କିଣିକି ଖାଇଲେ ଆଉ କେହି ସହାୟତା ଆକାରରେ ଦେଇଥିଲେ ।
ଖାଲି ଏତିକି ନୁହେଁ,ପରିବହନ ବ୍ୟବସ୍ଥା ବନ୍ଦ ରହିଥିବାରୁ କାଳେ ଆଗକୁ ଖାଦ୍ୟ ସଙ୍କଟ ଦେଖାଦେବ ତେଣୁ ପରିସ୍ଥିତିକୁ ନଜରରେ ରଖି ଲୋକେ ବିପୁଳ ପରିମାଣରେ ପାର୍ଲେଜି ବସ୍କୁଟକୁ ଘରେ କିଣି ରଖିଥିଲେ । ବିଶେଷ କରି ମାର୍ଚ୍ଚ,ଏପ୍ରିଲ, ମେଁରେ ପାର୍ଲେଜି ବିସ୍କିଟର ବିକ୍ରି ୮୨ବର୍ଷର ରେକର୍ଡ ଭାଙ୍ଗିଛି । ପାର୍ଲେ କମ୍ପାନୀର ମାର୍କେଟ ସେୟାର ପାଖାପାଖି ୫ପ୍ରତିଶତ ବୃଦ୍ଧି ପାଇଛି । ଆଉ ଏଥଇରୁ ୮୦-୯୦ ପ୍ରତିଶତ ବୃଦ୍ଧି ପାର୍ଲେଜି ବିକ୍ରିରୁ ହୋଇଥିବା କମ୍ପାନୀ ପକ୍ଷରୁ କୁହାଯାଇଛି ।୧୯୩୮ରୁ ପାର୍ଲେଜି ଭାରତୀୟ ମଧ୍ୟରେ ଏକ ଲୋକପ୍ରିୟ ବ୍ରାଣ୍ଡ ହୋଇ ରହିଛି ।