କେନ୍ଦ୍ରାପଡାରେ ଦବିଲା ହରିଦାସପୁର-ପାରାଦ୍ୱୀପ ରେଳଲାଇନ ରାସ୍ତା : ମାଟି ଦବିବା ସହ ସୃଷ୍ଟି ହୋଇଛି ବଡ ବଡ ଫାଟ, ଘରର କାନ୍ଥ ଫାଟିବା ଯୋଗୁଁ ଲୋକେ ଆତଙ୍କିତ
କନକ ବ୍ୟୁରୋ : କେନ୍ଦ୍ରାପଡାରେ ଦବିଲା ହରିଦାସପୁର-ପାରାଦ୍ୱୀପ ରେଳଲାଇନ ପାଇଁ ତିଆରି ହେଉଥିବା ରାସ୍ତା । ମାର୍ଶାଘାଇ ଗୋସେଇବନ୍ଧ ଗାଁ ନିକଟରେ ଏପରି କିଛି ଚିତ୍ର ଦେଖିବାକୁ ମିଳିଛି । ମାଟି ଦବିବା ସହ ରାସ୍ତାରେ ଦେଖିବାକୁ ମିଳିଛି ବଡ ବଡ ଫାଟ । କେବଳ ସେତିକି ନୁହଁ ଏହି ରେଳ ରାସ୍ତା ନିକଟରେ ଥିବା ଦୁଇଟି ଘରର କାନ୍ଥ ମଧ୍ୟ ଫାଟି ଯାଇଛି । ଏହାକୁ ନେଇ ଆତଙ୍କରେ ଅଛନ୍ତି ସ୍ଥାନୀୟ ଲୋକେ ।
Kanak News is now on WhatsApp
Join and get latest news updates delivered to you via WhatsApp
ହରିଦାସପୁର-ପାରାଦୀପ ରେଳ ପଥ ପାଇଁ ଏବେ କାମ ଚାଲିଛି । ପ୍ରାରମ୍ଭିକ ପର୍ଯ୍ୟାୟରେ ରାସ୍ତା ଉପରେ ମାଟି କାମ ଚାଲିଛି । ହେଲେ ଏପରି ଭାବରେ ହଠାତ୍ ମାଟି ଦବି ଯିବା କଥା ସାମ୍ନାକୁ ଆସିବା ପରେ ଚାରିଆଡେ ଜୋର ଧରିଲାଣି ଚର୍ଚା । କାମରେ ନିମ୍ନ ମାନ ନା ଆଉ କିଛି କାରଣ ଏହାକୁ ନେଇ ଚର୍ଚା ହେଉଛି ।