ପୁରୀରେ ପାକିସ୍ତାନୀ ଶ୍ରଦ୍ଧାଳୁ : ଜଗନ୍ନାଥଙ୍କ ଦର୍ଶନ ପାଇଁ ଅନୁମତି ଦେଇଥିବାରୁ ଧନ୍ୟବାଦ ଜଣାଇଲେ ପର୍ଯ୍ୟଟକ
କନକ ବ୍ୟୁରୋ : ପୁରୀରେ ପାକିସ୍ତାନୀ ଭକ୍ତ । ପାକିସ୍ତାନୀରୁ ୧୨୦ ଶ୍ରଦ୍ଧାଳୁ ପୁରୀ ଆସି ଜଗତର ନାଥ ଜଗନ୍ନାଥଙ୍କୁ ଦର୍ଶନ କରିଛନ୍ତି । କାଳିଆର ଡ଼ୋରି କାହିଁ କେତେ ଦୂରରୁ ସେମାନଙ୍କୁ ଟାଣି ଆଣିଛି । ସମସ୍ତ ଶ୍ରଦ୍ଧାଳୁ ଜଗନ୍ନାଥଙ୍କ ଦର୍ଶନ କରିବା ପରେ ଦେଶବାସୀଙ୍କୁ ଏନେଇ ଧନ୍ୟବାଦ ଜଣାଇଛନ୍ତି । ଦୁଇ ଦେଶ ମଧ୍ୟରେ ସୁସଂପର୍କ ସ୍ଥାପନ ପାଇଁ ସେ ଜଗନ୍ନାଥଙ୍କ ପାଖରେ ପ୍ରାର୍ଥନା କରିଥିବା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପ୍ରତିବର୍ଷ ନୂଆବର୍ଷ ଅବସରରେ ଏହି ପର୍ଯ୍ୟଟକ ମାନେ ଓଡିଶା ଇଣ୍ଟରନ୍ୟାସନାଲ ସେଣ୍ଟର ସହାୟତାରେ ମହାପ୍ରଭୁଙ୍କ ଦର୍ଶନ କରିବାକୁ ଆସିଥାନ୍ତି । ପୁରୀରୁ ଯିବା ପରେ ହରିଦ୍ୱାର, ବୃନ୍ଦାବନ ହୋଇ ସେମାନେ ପାକିସ୍ତାନ ଫେରିଯିବେ ବୋଲି କହିଛନ୍ତି । ପୂର୍ବ ବର୍ଷ ଅପେକ୍ଷା ଚଳିତ ବର୍ଷ ଶ୍ରୀମନ୍ଦିର ବାହାରେ ହୋଇଥିବା ସାଜସଜ୍ଜା ଓ ସୁନ୍ଦର ଆଧ୍ୟାତ୍ମିକ ପରିବେଶ ଦେଖି ସେମାନେ ବେଶ୍ ଖୁସି ଥିବା କହିଛନ୍ତି । ସେହିପରି ନାଗରିକତା ସଂଶୋଧନ ଆଇନ ନେଇ ମଧ୍ୟ ପାକିସ୍ତାନୀ ଶ୍ରଦ୍ଧାଳୁ ପ୍ରତିକ୍ରିୟା ରଖିଛନ୍ତି । କେବଳ ଏତିକି ନୁହେଁ ସିଏଏକୁ ସମସ୍ତେ ମାନିବା ଉଚିତ ବୋଲି ସେ କହିଛନ୍ତି ।