କନକ ବ୍ୟୁରୋ : ରେଳ ବଜେଟକୁ ନେଇ ପ୍ରତିକ୍ରିୟା ଦେଇଛନ୍ତି ପରିବହନ ମନ୍ତ୍ରୀ ପଦ୍ମନାଭ ବେହେରା । ରେଳ ବଜେଟ ନୈରାଶ୍ୟଜନକ । ରେଳ ବଜେଟରେ ଅନୁଦାନ କମିଛି । ଯେତିକି ମିଳିବା କଥା ସେତିକି ମିଳିନି ବୋଲି ମନ୍ତ୍ରୀ କହିଛନ୍ତି । ପୂର୍ବ ବର୍ଷ ଠାରୁ ଚଳିତ ବର୍ଷର ବଜେଟ କମିଛି । ଆଗାମୀ ଦିନରେ ପ୍ରଧାନମନ୍ତ୍ରୀ ଓ ରେଳମନ୍ତ୍ରୀଙ୍କ ସହ ଏନେଇ ଆଲୋଚନା ହେବ । ବିଜେଟ୍ ସମ୍ମନ୍ଧରେ ପ୍ରଧାନମନ୍ତ୍ରୀଙ୍କ ସହ ମୁଖ୍ୟମନ୍ତ୍ରୀ କଥା ହେବେ ବୋଲି କହିଛନ୍ତି ପଦ୍ମନାଭ ବେହେରା ।
Kanak News is now on WhatsApp
Join and get latest news updates delivered to you via WhatsApp
୨୦୧୯ରେ ସାଧାରଣ ନିର୍ବାଚନ ଥିଲା । ଏଣୁ ସ୍ବାଭାବିକ ଭାବେ କେନ୍ଦ୍ର ସରକାର ରେଳ ଅନୁଦାନ କ୍ଷେତ୍ରରେ ଓଡ଼ିଶା ପ୍ରତି ଟିକିଏ ଉଦାରତା ପ୍ରଦର୍ଶନ କରିଥିଲେ । ୨୦୨୦-୨୧ ଆର୍ଥିକ ବର୍ଷରେ କିନ୍ତୁ ଭିନ୍ନ ଚିତ୍ର ସାମ୍ନାକୁ ଆସିଛି । ୨୦୨୦-୨୧ ଆର୍ଥିକ ବର୍ଷର ରେଳ ବଜେଟରେ ଆବଣ୍ଟିତ ଅର୍ଥ ରାଶି ପାଖାପାଖି ୧୬୨୦ କୋଟି ଟଙ୍କା ହ୍ରାସ ପାଇଛି ।
ଚଳିତ ରେଳ ବଜେଟରେ ଓଡିଶାକୁ ମିଳିଛି ୪ ହଜାର ୩ ଶହ ୭୩ କୋଟି ଟଙ୍କା । ଯାହା ଗତବର୍ଷର ଅନୁଦାନ ତୁଳନାରେ କମ ରହିଛି । ଚଳିତ ବଜେଟରେ ପୂର୍ବତଟ ରେଳପଥ ପାଇଁ ବ୍ୟୟ ବରାଦ ହୋଇଛି ୫ ହଜାର ୮୬୫ କୋଟି ଟଙ୍କା । ଓଡିଶାର ଦୁଇଟି ନୂଆ ରେଳ ଲାଇନକୁ ଅନୁମୋଦନ ମିଳିଛି । ଗୋପାଳପୁର-ସମ୍ବଲପୁର ଭାୟା ଫୁଲବାଣୀର ୨୪୧କିଲୋମିଟର ସହ ନୂଆପଡା- ଗୁଣୁୁପୁର-ଥେରୁବାଲି ରେଳଲାଇନକୁ ବି ଅନୁମୋଦନ ମିଳିଛି ।