କନକ ବ୍ୟୁରୋ : ପାଟଣାଗଡ ପାର୍ସଲ ବୋମା ବିସ୍ଫୋରଣ ଘଟଣାରେ ଗିରଫ ପୁଞ୍ଜିଲାଲଙ୍କୁ ୬ ଦିନିଆ ରିମାଣ୍ଡରେ ନେଇଛି କ୍ରାଇମବ୍ରାଂଚ । ସ୍ୱାସ୍ଥ୍ୟ ପରୀକ୍ଷା ପରେ ଅଧିକ ପଚରାଉଚରା ପାଇଁ ଆଜି କଟକ ଅଣାଯିବ । ଘଟଣାରେ ସ୍ଥାନୀୟ କଲେଜର ଇଂରାଜୀ ଅଧ୍ୟାପକ ପୁଂଜିଲାଲ ମେହେର ହିଁ ଥିଲେ ମୁଖ୍ୟ ଅପରାଧୀ । କ୍ରାଇମବ୍ରାଂଚ ଏହି ସୁଚିନ୍ତିତ ହତ୍ୟା ଘଟଣାର ପର୍ଦ୍ଦାଫାସ କରି କହିଛି, ପୁଂଜିଲାଲ ଏକୁଟିଆ ଏହି ମର୍ଡର ପ୍ଲଟ୍ ତିଆରି କରିଥିଲା । ବୋମା ତିଆରି ଠାରୁ ଆରମ୍ଭ କରି ଏହାକୁ ପରୀକ୍ଷା କରିବା ଓ ଶେଷରେ ଟ୍ରେନ୍ରେ ରାୟପୁର ଯାଇ ସେଠାରୁ କୋରିୟରରେ ପଠାଇଥିଲେ ମୃତ୍ୟୁର ଗିଫ୍ଟ ପ୍ୟାକେଟ୍ । ୟୁ-ଟ୍ୟୁବରୁ ବୋମା ତିଆରିର ଭିଡିଓ ଦେଖି ଆବଶ୍ୟକ ସରଂଜାମ ପ୍ରସ୍ତୁତ କରିଥିଲେ ଏହି ଇଂରାଜୀ ଅଧ୍ୟାପକ । ବର୍ତ୍ତମାନ କଟକ ଆଣି ପୁଞ୍ଜିଲାଲଙ୍କୁ ଅଧିକ ଜେରା କରିବ କ୍ରାଇମବ୍ରାଂଚ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ପାଟଣାଗଡ ପାର୍ସଲ ବୋମା ବିସ୍ଫୋରଣ ଘଟଣାରେ ସ୍ଥାନୀୟ କଲେଜର ଇଂରାଜୀ ଅଧ୍ୟାପକ ପୁଂଜିଲାଲ ମେହେରଙ୍କ ଅପରାଧର ନକ୍ସା ସାମ୍ନାକୁ ଆସିସାରିଛି । ପୋଲିସ ଏହି ସୁଚିନ୍ତିତ ହତ୍ୟା ଘଟଣାର ପର୍ଦ୍ଦାଫାସ କରି କହିଛି, ପୁଂଜିଲାଲ ଏକୁଟିଆ ଏହି ମର୍ଡର ପ୍ଲଟ୍ ତିଆରି କରିଥିଲା । ବୋମା ତିଆରି ଠାରୁ ଆରମ୍ଭ କରି ଏହାକୁ ପରୀକ୍ଷା କରିବା ଓ ଶେଷରେ ଟ୍ରେନରେ ରାୟପୁର ଯାଇ ସେଠାରୁ କୋରିୟରରେ ପଠାଇଥିଲେ ମୃତ୍ୟୁର ଗିଫ୍ଟ ପ୍ୟାକେଟ୍ । ୟୁ-ଟ୍ୟୁବରୁ ବୋମା ତିଆରିର ଭିଡିଓ ଦେଖି ଆବଶ୍ୟକ ସରଂଜାମ ପ୍ରସ୍ତୁତ କରିଥିଲେ ଏହି ଇଂରାଜୀ ଅଧ୍ୟାପକ । କଲେଜ ପିଲାଙ୍କୁ ଜ୍ଞାନ ବାଂଟୁଥିବା ପୁଞ୍ଜିଲାଲ୍ ମେହେର ହିଁ ପାର୍ସଲ ବୋମା ଜରିଆରେ ରଚିଥିଲା ମୃତ୍ୟୁର ଷଡଯନ୍ତ୍ର । ଘରେ ବସି ପ୍ରସ୍ତୁତ କରିଥିଲା ବୋମା । ୟୁଟ୍ୟୁଭରୁ ଭିଡିଓ ଦେଖି ଏକ ବଡ ଧରଣର ଅପରାଧକୁ ଚୂଡାନ୍ତ ରୂପ ଦେଇଥିଲା ।
ବୋମାକୁ ସଫଳତାର ସହ ଫୁଟାଇ ହତ୍ୟା କରିବା ପୂର୍ବରୁ ପୁଞ୍ଜିଲାଲ୍ ମେହେର ଏକାଧିକବାର ପରୀକ୍ଷା କରିଥିଲା । ଆଉ ଯେତେବେଳେ ନିଜର କୁତ୍ସିତ ମିଶନରେ ସଫଳ ହୋଇଯିବ ବୋଲି ବିଶ୍ୱାସ ଆସିଲା, ପ୍ରସ୍ତୁତ ହୋଇଥିଲା ମୃତ୍ୟୁର ଉପହାର । କ୍ରାଇମବ୍ରାଂଚ୍ ହାତରେ ଧରାପଡ଼ିବା ପରେ ସାମ୍ନାକୁ ଆସିଛି ଅପରାଧର ପୁରା ପ୍ଳଟ୍ । ପାର୍ସଲ ଧରି କଂଟାବାଞ୍ଜିରୁ ରାୟପୁର ଅଭିମୁଖେ ବାହାରିଥିଲା ପାର୍ସଲ ବୋମାର ଖଳନାୟକ । ମୁଣ୍ଡରେ ଟୋପି ଏବଂ ବ୍ଲାକ୍ ଜାକେଟ୍ ପିନ୍ଧି ସିସିଟିଭି କ୍ୟାମେରାଠାରୁ ଲୁଚି ଛପି ପହଂଚିଥିଲା ରାୟପୁର । ବଡ କଥା ହେଉଛି-ରାୟପୁର ଯିବା ପାଇଁ ପୁଞ୍ଜିଲାଲ୍ ଟିକେଟ ବି କରିନଥିଲା । ବିନା ଟିକେଟରେ ରାୟପୁର ଯାଇ ପାର୍ସଲ କରିବା ପରେ ବିନା ଟିକେଟରେ ପାଟଣାଗଡ଼ ଫେରିଥିଲା । କାହିଁକି ନା ଟିକେଟ କାଉଁଟରର ସିସିଟିଭିରେ ଚେହେରା ସାମ୍ନାକୁ ଆସିବାର ଥିଲା ବଡ ଭୟ ।