ଭିଜିଲାନ୍ସ ଜାଲରେ ଧରାପଡ଼ିଥିବା ଆକାଉଣ୍ଟସ୍ ଅଫିସର ନଳିନୀଙ୍କ ମା’ଙ୍କ ମୃତ୍ୟୁ : ଫ୍ଲାଟରୁ ମିଳିଲା ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
କନକ ବ୍ୟୁରୋ : ଗତ ମାସରେ ଭିଜିଲାନ୍ସ ହାତରେ ଧରାପଡ଼ିଥିଲେ କୋଟିପତି ଦମ୍ପତି । ଆୟବର୍ହିଭୂତ ସମ୍ପତି ଠୁଳ ଅଭିଯୋଗରେ ଗିରଫ ହୋଇଥିଲେ ଓପେପା ଆକାଉଣ୍ଟସ୍ ଅଫିସର ନଳିନୀ କୁମାରୀ ପୃଷ୍ଟି ଓ ତାଙ୍କ ସ୍ୱାମୀ । ତେବେ ଆଜି ନଳୀନିଙ୍କ ଫ୍ଲାଟରୁ ଜଣେ ମହିଳାଙ୍କ ମୃତଦେବ ମିଳିଛି । ମୃତ ମହିଳା ଜଣଙ୍କ ନଳୀନିଙ୍କ ମା’ ଦେବକୀ ପୃଷ୍ଟି ବୋଲି ଜଣାପଡ଼ିଛି । ନଳୀନିଙ୍କ ଆପାର୍ଟମେଂଟ ତଳୁ ଦେବକୀଙ୍କ ମୃତଦେବ ଉଦ୍ଧାର କରିଛି ସହିଦ ନଗର ଥାନା ପୋଲିସ୍ । ତେବେ ମୃତ୍ୟୁର କାରଣ ଜଣାପଡ଼ିନାହିଁ । କାରଣ ଅସ୍ପଷ୍ଟ ଥିଲାବେଳେ ପୁଲିସ ତଦନ୍ତ ଜାରି ରଖିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଅଗଷ୍ଟ ୩୦ ତାରିଖରେ ଭିଜିଲାନ୍ସ ଜାଲରେ ଧରାପଡ଼ିଥିଲେ ଓପେପାରେ ଆକାଉଂଟ ଅଫିସର ଭାବେ କାର୍ଯ୍ୟରତ ନଳୀନି କୁମାରୀ ପୃଷ୍ଟି । ମାତ୍ର ୩ ବର୍ଷ ଚାକରି ଓ ମାସିକ ୪୦ ହଜାର ଦରମାରେ ସେ କୋଟିକୋଟି ଟଙ୍କା ରଖିଥିବାରୁ ଧରାପଡ଼ିଥିଲେ । ତେବେ ଭିଜିଲାନ୍ସ ହାତରେ ଧରାପଡ଼ିବା ପରେ ତାଙ୍କ ବିଳାସପୁର୍ଣ୍ଣ ବାସଭବନନୁ ନେଇ ବେଶ୍ ଚର୍ଚ୍ଚା ହୋଇଥିଲା । କୌଣସି ରାଜଉଆସ ଠାରୁ କମ୍ ନଥିିଲା ଦମ୍ପତିଙ୍କ ବାସଭବନ । କେବଳ ଘରର ସାଜସଜ୍ଜା ପାଇଁ ଖର୍ଚ୍ଚ ହୋଇଥିିଲା ୩ କୋଟିରୁ ଅଧିକ ଟଙ୍କା । ସର୍ବଶିକ୍ଷା ଅଭିଯାନକୁ ସର୍ବଗିଳା ଅଭିଯାନରେ ପରିଣତ କରି ଏପରି କରିଥିଲେ ବୋଲି ଅଭିଯୋଗ ହୋଇଥିଲା । ଅନ୍ୟପଟେ ନଳିନୀଙ୍କ ସ୍ୱାମୀଙ୍କୁ ମଧ୍ୟ ଗିରଫ କରିଥିଲା ଭିଜିଲାନ୍ସ । ସ୍ତ୍ରୀଙ୍କ କଳା ଟଙ୍କାକୁ ଧଳା କରି ଫସିଯାଇଥିଲେ ସ୍ୱାମୀ ।