ରାଜଧାନୀରେ ଗଡ଼ିବ ସ୍ମାର୍ଟ ଅଟୋ : ଅନଲାଇ ରେ ବୁକିଂ ହେବାସହ ଚାଳକଙ୍କ ପାଇଁ ପରିଚୟପତ୍ର ଓ ଡ୍ରେସ୍ କୋଡ୍ ବାଧ୍ୟତାମୂଳକ
କନକ ବ୍ୟୁରୋ : ସ୍ମାର୍ଟ ହେବେ ରାଜଧାନୀର ଅଟୋ ଚାଳକ। ସ୍ବତନ୍ତ୍ର ପରିଚୟପତ୍ର ସହ ଡ୍ରେସକୋଡ୍ ବାଧ୍ୟତାମୂଳକ ହେବ। ସବୁ ଅଟୋ ଚାଳକଙ୍କ ପାଇଁ ହେବ ବୀମା । ପ୍ରଥମଥର ପଇଁ ୱେବ୍ସାଇଟ୍ ଓ ଆପ୍ ଜରିଆରେ ବୁକ୍ କରି ହେବ ଅଟୋ । ଏଭଳି ଏକ ସ୍ବତନ୍ତ୍ର ଯୋଜନା ପ୍ରସ୍ତୁତ କରିଛି କମିସନରେଟ୍ ଟ୍ରାଫିକ୍ ପୁଲିସ। ଆସନ୍ତା ୨ ତାରିଖରେ ଏହାର ଶୁଭାରମ୍ଭ ହେବ ବୋଲି ଏକ ବିଶେଷ ସୂତ୍ରରୁ ଜଣାପଡ଼ିଛି । ପ୍ରଥମ ପର୍ଯ୍ୟାୟରେ ଭୁବନେଶ୍ବର ଅଟୋ ଚାଳକମାନଙ୍କୁ ଏହି ଯୋଜନାରେ ସାମିଲ କରାଯିବ । ପରେ ଭୁବନେଶ୍ବରକୁ ଆସୁଥିବା ରାଜ୍ୟର ସମସ୍ତ ଅଟୋ ଚାଳକଙ୍କୁ ଏହି ଯୋଜନାରେ ସାମିଲ କରାଯିବ ବୋଲି ଯୋଜନା ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଏବେ ପୁଣି ଏହି ସ୍ବତନ୍ତ୍ର ଯୋଜନା ହୋଇଛି । ଅଟୋଗୁଡ଼ିକ ପାଇଁ ସ୍ବତନ୍ତ୍ର ଆପ୍ ପ୍ରସ୍ତୁତ ହେବ । ମୋ ବସ୍ ଓ ସାଇକେଲ୍ ଭଳି ଏହି ଅଟୋକୁ ବୁକ୍ କରି ହେବ । ଏଥିପାଇଁ ଅନ୍ଲାଇନ୍ରେ ଅଗ୍ରୀମ ଦେୟ ଦେବାକୁ ପଡ଼ିବ । ଏହି ବ୍ୟବସ୍ଥା ସ୍ବାଗତଯୋଗ୍ୟ ହୋଇଥିଲେ ମଧ୍ୟ କେତେଦୂର କାର୍ଯ୍ୟକ୍ଷମ ହେବ ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।