ଆଜିଠୁ ଗୋଟିଏ ଦେଶ ଗୋଟିଏ ରାସନ କାର୍ଡ : ଭୁବନେଶ୍ୱରରେ ଆରମ୍ଭ ହେଲା ପାଇଲଟ୍ ପ୍ରୋଜେକ୍ଟ, ରାଜ୍ୟର ଯେକୌଣସି ସ୍ଥାନରୁ ଉଠାଇ ହେବ ରାସନ
କନକ ବ୍ୟୁରୋ : ଆଜିଠାରୁ ଭୁବନେଶ୍ୱରରେ ଲାଗୁ ହୋଇଛି ୱାନ୍ ନେସନ ୱାନ୍ ରାସନ ବ୍ୟବସ୍ଥା । ଭୁବନେଶ୍ୱର ମହାନଗର ନିଗମରେ ପାଇଲଟ୍ ପ୍ରୋଜେକ୍ଟ ଭାବେ ଏହା ଆଜିଠାରୁ ଆରମ୍ଭ ହୋଇଛି । ଏହି ନିୟମ ଅନୁଯାୟୀ, ଆପଣଙ୍କ ପାଖରେ ଯଦି ରାସନ କାର୍ଡ ଅଛି ତେବେ ଆପଣ ଦେଶର ଯେକୌଣସି ସ୍ଥାନରୁ ରାସନ ଉଠାଇପାରିବେ । ପ୍ରଥମ ପର୍ଯ୍ୟାୟରେ ଆଜିଠାରୁ ଭୁବନେଶ୍ୱରରେ ଏହା ଲାଗୁ ହୋଇଛି । ରାଜ୍ୟର ଯେକୌଣସି ସ୍ଥାନରେ ରାସନ କାର୍ଡ ଥିଲେ ମଧ୍ୟ ଆପଣ ରହୁଥିବା ଅଂଚଳରୁ ରାସନ ଉଠାଇପାରିବେ । ରାସନ କାର୍ଡ ଜରିଆରେ ଚାଉଳ, ଗହମ, କିରୋସିନ୍ ଭଳି ସାମଗ୍ରୀ ଉଠାଇହେବ ।
Kanak News is now on WhatsApp
Join and get latest news updates delivered to you via WhatsApp
ପାଇଲଟ୍ ପ୍ରୋଜେକ୍ଟ ଭାବେ ପ୍ରଥମେ ବିଏମସି ଲାଗୁ କରିବାକୁ ଯାଉଥିବା ରାସନକାର୍ଡ ପୋର୍ଟେବିଲିଟିରେ ରାସନ କାର୍ଡ ସହ ଆଧାର ଲିଙ୍କ ପ୍ରକ୍ରିୟାକୁ ଆଉ ୧୫ ଦିନ ବଢାଇଦେଇଛନ୍ତି ରାଜ୍ୟ ସରକାର । ରାସନ କାର୍ଡ ସହ ଆଧାର ଲିଙ୍କ ନେଇ ଗତକାଲି ଶେଷ ତାରିଖ ଥିଲା । ରାଜ୍ୟରେ ବର୍ତମାନ ସୁଧା ୯୭ ଦଶମିକ ୭ ପ୍ରତିଶତ ପରିବାରର ରାସନ କାର୍ଡ ସହ ଆଧାର ଲିଙ୍କ ହୋଇସାରିଛି । ତେବେ ପ୍ରାୟ ୨ ଲକ୍ଷ ପରିବାର ଏଯାଏଁ ରାସନକାର୍ଡ ସହ ଆଧାର ଲିଙ୍କ କରିନଥିବା ଜଣାପଡିଛି । ୨୦୨୦ ଜୁଲାଇ ମାସରୁ ୱାନ ନେସନ୍ ୱାନ ରାସନକାର୍ଡ ବ୍ୟବସ୍ଥା ସାରା ଦେଶରେ ଲାଗୁ ହେବାକୁ ଯାଉଛି ।
ହିତାଧିକାରୀଙ୍କୁ କ’ଣ ମିଳିବ ସୁବିଧା?
– ଯେକୌଣସି ସହର ବା କଂଟ୍ରୋଲ ଦୋକାନରୁ ମିଳିପାରିବ ରାସନ ସାମଗ୍ରୀ
– ରାସନ ପାଇଁ ଆଉ ନିଜସ୍ୱ ଠିକଣାକୁ ଯିବା ପାଇଁ ପଡ଼ିବ ନାହିଁ
– ରାସନ କାର୍ଡ ଜରିଆରେ ଚାଉଳ, ଗହମ, କିରୋସିନ୍ ଭଳି ସାମଗ୍ରୀ ଉଠାଇହେବ