ସେଲଫି ନେଲା ଜୀବନ : ରାମଦୋଳିରେ ବସି ସେଲଫି ନେଉଥିବା ବେଳେ ଭାରସାମ୍ୟ ହରାଇ ଖସିପଡିଲେ ୨ ଯୁବକ, ଜଣେ ମୃତ ଓ ଜଣେ ଗୁରୁତର
କନକ ବ୍ୟୁରୋ : ସୋନପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଏସ.ରାମପୁରରେ ଚାଲିଥିବା ଧନୁଯାତ୍ରାରେ ଅଘଟଣ । ସେଲଫି ନେବାବେଳେ ରାମଦୋଳିରୁ ପଡି ଜଣକର ମୃତ୍ୟୁ ହୋଇଛି । ଗତକାଲି ଜଗା ବାରିକ ଓ ମାଧ ଛତ୍ରିଆ ରାମଦୋଳିରେ ବସି ସେଲ୍ଫି ନେଉଥିବାବେଳେ ହଠାତ୍ ଭାରସାମ୍ୟ ହରାଇ ତଳେ ପଡିଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଜଗା ବାରିକଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ବୁର୍ଲା ସ୍ଥାନାନ୍ତର କରାଯାଇଥିଲା । ତେବେ ଆଜି ସକାଳେ ଜଗାର ମୃତ୍ୟୁ ହୋଇଛି । ବହୁ ଉଚ୍ଚତାରୁ ଖସିପଡି ଏହି ଯୁବକଙ୍କ ମୃତ୍ୟୁ ହୋଇଛି । ସୋନପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଏସ.ରାମପୁରରେ ଏଭଳି ଏକ ଅଘଟଣ ଘଟିଛି ଜ୍ଝ ମାଧ ଛତ୍ରିଆଙ୍କ ଅବସ୍ଥା ଗୁରୁତର ଥିବା ଜଣାପଡିଛି । ମୃତ ଜଗା ବାରିକଙ୍କ ଘର ରାମପୁର ତେଲିପାଲି ବୋଲି ଜଣାପଡିଛି ।