ବାତ୍ୟା ଫୋନିରେ ସହାୟତା ପାଇଁ ମୋଦିଙ୍କୁ ଚିଠି ଲେଖି ଧନ୍ୟବାଦ ଦେଲେ ନବୀନ : ପ୍ରଧାନମନ୍ତ୍ରୀ ଆବାସ ଯୋଜନାରେ ଜୁନ ପହିଲା ପୂର୍ବରୁ ୫ ଲକ୍ଷ ଘର ପାଇଁ ଜଣାଇଲେ ଦାବି
କନକ ବ୍ୟୁରୋ : ବାତ୍ୟା ସହାୟତାରେ କେନ୍ଦ୍ରର ଭୂମିକାକୁ ନେଇ ନରେନ୍ଦ୍ର ମୋଦିଙ୍କୁ ଧନ୍ୟବାଦ ଜଣାଇଛନ୍ତି ମୁଖ୍ୟମନ୍ତ୍ରୀ । ଏହା ସହ ରାଜ୍ୟର ୧୪ଟି ଜିଲ୍ଲାରେ ମୋଟ୍ ୫ ଲକ୍ଷଘର କ୍ଷତିଗ୍ରସ୍ତ ହୋଇଥିବା ନେଇ ପ୍ରଧାନମନ୍ତ୍ରୀଙ୍କୁ ଚିଠି ମାଧ୍ୟମରେ ଅବଗତ କରିଛନ୍ତି । କ୍ଷତିଗସ୍ତ ହୋଇଥିବା ୫ଲକ୍ଷ ଘରର ପୁନଃନିର୍ମାଣ ପାଇଁ କେନ୍ଦ୍ର ସରକାରଙ୍କୁ ଅନୁରୋଧ କରିଛନ୍ତି ନବୀନ । ଏମିତିକି ଗୃହ ନିର୍ମାଣ ନେଇ କେନ୍ଦ୍ରକୁ ଦିଆଯାଇଥିବା ପ୍ରସ୍ତାବ ପାରିତ ହେବ ଆଶାକରି ଜୁନ୍-୧ ତାରିଖରୁ ୱାର୍କ ଅର୍ଡର ଇସ୍ୟୁ କରିବାକୁ ଯାଉଛନ୍ତି ରାଜ୍ୟ ସରକାର । ଆଉ ଏସବୁ ଭିତରେ ରାଜ୍ୟ ବିଜେପି ପ୍ରଶ୍ନ କହିଛି-କୁଆଡେ ଗଲା ବିଜୁ ପକ୍କାଘର?
Kanak News is now on WhatsApp
Join and get latest news updates delivered to you via WhatsApp
ବାତ୍ୟା ମୁକବାଲି ନେଇ ରାଜ୍ୟ ସରକାରଙ୍କୁ ମୋଦିଙ୍କ ପ୍ରଶଂସା ପରେ ବାତ୍ୟା ଭଳି ବିପର୍ଯ୍ୟୟ ସମୟରେ, ସହଯୋଗ ପାଇଁ କେନ୍ଦ୍ର ସରକାରଙ୍କୁ ଧନ୍ୟବାଦ ଜଣାଇଛନ୍ତି ନବୀନ । ଗତ ୬ ତାରିଖ ମୋଦିଙ୍କ ଓଡ଼ିଶା ଗସ୍ତ ଏବଂ ବାତ୍ୟା ସ୍ଥିତିର ଅନୁଧ୍ୟାନ ଘଟଣାକୁ ଉଲ୍ଲେଖ କରି ମୁଖ୍ୟମନ୍ତ୍ରୀ, ପ୍ରଧାନମନ୍ତ୍ରୀଙ୍କୁ ଚିଠିରେ ଲେଖିଛନ୍ତି ।
ସେହିପରି ଆଗକୁ ବର୍ଷା ଋତୁ ଆସୁଥିବାରୁ ଲୋକଙ୍କୁ ଶୀଘ୍ର ପକ୍କାଘର ଯୋଗାଇ ଦେବା ପାଇଁ ଆଗୁଆ ପଦକ୍ଷେପ ନେଉଥିବା କଥା ଏହି ଚିଠିରେ ଲେଖିଛନ୍ତି ମୁଖ୍ୟମନ୍ତ୍ରୀ । ମୁଖ୍ୟମନ୍ତ୍ରୀ ଲେଖିଛନ୍ତିଏପଟେ କିନ୍ତୁ ରାଜ୍ୟ ସରକାରଙ୍କୁ ଘେରିଛି ରାଜ୍ୟ ବିଜେପି । ବିଜେପିର ବରିଷ୍ଠ ନେତା କେ.ଭି ସିଂଦେଓ କହିଛନ୍ତି, ମୁଖ୍ୟମନ୍ତ୍ରୀ ୫ଲକ୍ଷ ଘର ମାଗିଛନ୍ତି, ହେଲେ ଟଙ୍କାର ଉପଯୁକ୍ତ ବିନିଯୋଗ ହେବା ଦରକାର । ସେହିପରି ବିଜୁ ପକ୍କାଘର କୁଆଡେ ଗଲା ବୋଲି ପ୍ରଶ୍ନ କରିଛନ୍ତି । ବିଜେପି ନେତାଙ୍କ ଏହି ବୟାନବାଜୀ ଭିତରେ କିନ୍ତୁ ଦେଖିବାର କଥା ମୁଖ୍ୟମନ୍ତ୍ରୀଙ୍କ ଏହି ଚିଠିର ଜବାବ୍ ପ୍ରଧାନମନ୍ତ୍ରୀ ମୋଦି କେଉଁ ଭଳି ଭାବରେ ଦେଉଛନ୍ତି ।