ଆନ୍ଧ୍ରପ୍ରଦେଶରେ ଫସି ରହିଛନ୍ତି ଓଡିଆ ଛାତ୍ରଛାତ୍ରୀ : ବିଇଡି ପରୀକ୍ଷା ଦେବାକୁ ଯାଇ ଅଟକି ରହିଛନ୍ତି ୫୦ ଜଣ ପିଲା, ସୋସିଆଲ ମିଡିଆରେ ଭିଡିଓ ପୋଷ୍ଟ କରି ଉଦ୍ଧାର ପାଇଁ ରାଜ୍ୟ ସରକାରଙ୍କୁ ନିବେଦନ
କନକ ବ୍ୟୁରୋ : ଆନ୍ଧ୍ରପ୍ରଦେଶରେ ଫସି ରହିଛନ୍ତି ଓଡିଆ ଛାତ୍ରଛାତ୍ରୀ । ବିଇଡି ପରୀକ୍ଷା ଦେବାକୁ ଯାଇ ବାଲେଶ୍ୱର ଜିଲ୍ଲା ବାଲିଆପାଳ, ସୋର, ଖନ୍ତାପଡା ଓ ସିମୁଳିଆ ଅଂଚଳର ୫୦ ଜଣ ପିଲା ଆନ୍ଧ୍ରପ୍ରଦେଶରେ ଫସି ରହିଛନ୍ତି । ବିଇଡି ପରୀକ୍ଷା ଦେବା ପାଇଁ ଛାତ୍ରଛାତ୍ରୀ ମାର୍ଚ ୧୩ ତାରିଖରେ ଯାଇଥିଲେ । ସେମାନଙ୍କ ପରୀକ୍ଷା ୧୬ ତାରିଖରୁ ଆରମ୍ଭ ହୋଇ ୨୧ ତାରିଖରେ ଶେଷ ହୋଇଛି । ପିଲାମାନେ ୨୨ ତାରିଖରେ ଘରକୁ ଫେରିବା ପାଇଁ ଟ୍ରେନ ଟିକଟ କରିଥିଲେ । ମାତ୍ର ଲକ ଡାଉନ୍ ପାଇଁ ଟ୍ରେନ ବାତିଲ ହେବା ପରେ ୨୩ ତାରିଖରେ ପୁଣି ଟିକଟ କରିଥିଲେ । ତାହା ବି ବାତିଲ ହୋଇ ଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଆଉ ଏବେ ଟ୍ରେନ ଓ ବସ ଚଳାଚଳ ବନ୍ଦ ହୋଇ ଯାଇଥିବାରୁ ସେମାନେ ଘରକୁ ଫେରି ପାରୁନାହାନ୍ତି । ସେପଟେ ପାଖରେ ପିଲାଙ୍କ ପାଖରେ ପଇସା ନଥିବା ବେଳେ ସାଥିରେ ନେଇଥିବା ଖାଦ୍ୟ ସାମଗ୍ରୀ ଶେଷ ହୋଇଯାଇଛି । ଫଳରେ ଦିନକୁ ଦିନ ସମସ୍ୟା ବିଗିଡିବାରେ ଲାଗିଛି । ଏହି ବିଇଡି ଛାତ୍ରଛାତ୍ରୀଙ୍କ ମଧ୍ୟରେ କିଛି ଗର୍ଭବତୀ ମହିଳା ଥିବାରୁ ସେମାନଙ୍କୁ ତୁରନ୍ତ ଉଦ୍ଧାର କରିବା ପାଇଁ ସୋସିଆଲ ମିଡିଆରେ ଭିଡିଓ ପୋଷ୍ଟ କରି ରାଜ୍ୟ ସରକାରଙ୍କୁ ନିବେଦନ କରିଛନ୍ତି ।