ବେଙ୍ଗାଲୁରୁରେ ଓଡ଼ିଆ ଯୁବକଙ୍କୁ ହତ୍ୟା ! ପ୍ରେମିକାକୁ ଦେଖାକରିବାକୁ ଗଲାବେଳେ ଦୁଇଜଣ ବାଇକ ଆରୋହୀ ଛୁରୀ ଭୁଷି ହତ୍ୟା କରିଥିବା ସୂଚନା
କନକ ବ୍ୟୁରୋ : ବେଙ୍ଗାଲୁରୁରେ ଓଡ଼ିଆ ଯୁବକଙ୍କୁ ଛୁରୀ ଭୁଷି ହତ୍ୟା । ଭୁବନେଶ୍ୱରର ୨୮ ବର୍ଷ ବୟସ୍କ ସପ୍ଟଓୟାର ଇଞ୍ଜିନିୟର ପ୍ରଣୟ ମିଶ୍ର ବେଙ୍ଗାଲୁରୁର ଆସେନଚର କମ୍ପାନୀରେ କାମ କରୁଥିଲେ । ଗତାକଲି ତାଙ୍କୁ ଦୁଇଜଣ ବାଇକ ଆରୋହୀ ଦକ୍ଷିଣ ବେଙ୍ଗାଲୁରୁର ଏକ ଚକେଲେଟ୍ କାରଖାନା ନିକଟରେ ଛୁରି ଭୁଷି ହତ୍ୟା କରିଛନ୍ତି । ପ୍ରଣୟ ତାଙ୍କର ପ୍ରେମିକାଙ୍କୁ ଭେଟିବା ପାଇଁ ଗଲାବଳେ ତାଙ୍କୁ ହତ୍ୟା କରାଯାଇଥିବା ସୂଚନା ମିଳିଛି । ଭୁବନେଶ୍ୱରର ପ୍ରଣୟ ବେଙ୍ଗାଲୁରୁରର ତାଭରେକେରରେ ରହୁଥିଲେ । ପୁଲିସ ସୂଚନା ଅନୁସାରେ ପ୍ରଣୟ ଗତ ରବିବାର ରାତିରେ ବନ୍ଧୁ ବଲବୀରଙ୍କ ବେଗୁରସ୍ଥିତ ଘରେ ଏକ ପାର୍ଟିରେ ଯୋଗ ଦେଇଥିଲେ। ତାଙ୍କର ଜଣେ ବନ୍ଧୁ ତାଙ୍କୁ ପ୍ରାୟ ରାତି ୨ଟା ୪୫ ମିନିଟ୍ ସମୟରେ ଘରେ ଛାଡ଼ିଥିଲେ । ଏହା ପରେ ପ୍ରଣୟ ତାଙ୍କ ପ୍ରେମିକାଙ୍କୁ ଫୋନ କରି ଅଳ୍ପ ସମୟ ମଧ୍ୟରେ ସେ ତାଙ୍କୁ ଭେଟିବେ ବୋଲି କହିଥିଲେ ।
Kanak News is now on WhatsApp
Join and get latest news updates delivered to you via WhatsApp
ପ୍ରଣୟ ତା’୩ରେ ତାଙ୍କ ପ୍ରେମିକାଙ୍କୁ ଦେଖା କରିବା ପାଇଁ ହୋଣ୍ଡା ଆକ୍ଟିଭା ଗାଡ଼ି ଧରି ଚକୋଲେଟ୍ ଫ୍ରାକ୍ଟ୍ରି ପାଖରେ ପହଞ୍ଚିଥିଲେ । ଯେଉଁଠାରେ ତାଙ୍କୁ ଦୁଇଜଣ ବାଇକ ଆରୋହୀ ତାଙ୍କ ପେଟ ଓ ବେକରେ ବାରମ୍ବାର ଛୁରୀ ମାରିଥିଲେ । ତେବେ ଦୁର୍ବୃତ୍ତଙ୍କ ଡାରୁ ରକ୍ଷା ପାଇବା ପାଇଁପ୍ରଣବ ଦୌଡ଼ିବା ପାଇଁ ଚେଷ୍ଟା ମଧ୍ୟ କରିଥିଲେ । କିନ୍ତୁ ଦୁର୍ବୃତ୍ତମାନେ ତାଙ୍କୁ ଗୋଡେଇ ଗୋଡେଇ ଛୁରିରେ ଆଘାତ କରିଥିଲେ । ଯେତେବେଳେ ପ୍ରଣୟ ତଳେ ପଡ଼ିଗଲେ ଦୁର୍ବୃତ୍ତମାନେ ମୋଟର ସାଇକେଲ ନେଇ ସେଠାରୁ ପଳାଇ ଯାଇଥିଲେ। ତେବେ ସେହି ସମୟରେ କେତେକ ଲୋକ ପ୍ରଣୟ ତଳେ ପଡ଼ିଥିବା ଦେଖି ତାଙ୍କୁ ସେଣ୍ଟ୍ ଜନ୍ସ ମେଡିକାଲ କଲେଜ୍ ଆଣ୍ଡ୍ ହସ୍ପିଟାଲରେ ଭର୍ତ୍ତି କରିଥିଲେ । ମାତ୍ର ସେତେବେଳକୁ ପ୍ରଣୟଙ୍କ ମୃତ୍ୟୁ ଘଟିସାରିଥିଲା । ତେବେ କୌଣସି ବ୍ୟକଗତ କାରଣରୁ ପ୍ରଣୟଙ୍କୁ ହତ୍ୟା କରାଯାଇଥିବାର ପୁଲିସ ସନ୍ଦେହ କରୁଛି । କାରଣ ଯେହେତୁ ପ୍ରଣୟଙ୍କ ପର୍ସ, ମୋବାଇଲ ଓ ହୋଣ୍ଡା ଆକ୍ଟିଭା ଗାଡ଼ି ସେହିପରି ସେଠାରେ ପଡ଼ିରହିଥିଲା । ତେବେ ହତ୍ୟକାରୀ ବିଷୟରେ ଜାଣିବା ପାଇଁ ସେଠାରେ ଲାଗିଥିବା ସିସିଟିଭି କ୍ୟାମେରା ଫୁଟେଜ ସଂଗ୍ରହ କରିଛି ପୁଲିସ ।
ଟ୍ରାଇଡ଼େଣ୍ଟ ଏକାଡ଼େମୀ ଅଫ ଟେକ୍ନାଲୋଜି, ଭୁବନେଶ୍ୱର କଲେଜରେ କମ୍ପ୍ୟୁଟର ସାଇନ୍ସରେ ବିଟେକ ଶେଷ କରିବା ପରେ ବେଙ୍ଗାଲୁରୁ ଯାଇଥିଲେ ପ୍ରଣୟ । ଏବଂ ସେଠାରେ ଚାକିରୀ କରିଥିଲେ । ବେଙ୍ଗାଲୁରୁରେ ପ୍ରଣୟଙ୍କ ଭଉଣୀ ପ୍ରାଚୀ ମିଶ୍ର ମଧ୍ୟ ରୁହନ୍ତି ଓ ସେ ମଧ୍ୟ ଜଣେ ଇଞ୍ଜିନିୟର । ପ୍ରାଚୀ ବିବାହ କରି ସେଠାରେ ତାଙ୍କ ସ୍ୱାମୀଙ୍କ ସହ ମରାଠାହାଲୀରେ ରୁହନ୍ତି । ପ୍ରାଚୀଙ୍କ ଅଭିଯୋଗକ୍ରମେ ଏକ ମାମଲା ରୁଜୁ କରାଯାଇ ଘଟଣାର ତଦନ୍ତ କରାଯାଉଛି ବୋଲି ପୁଲସ କହିଛି ।
ସେଣ୍ଟ୍ ଜୋନ୍ସ ମେଡ଼ିକାଲ ହସପିଟାଲରେ ଶବ ବ୍ୟବଚ୍ଛେଦ ପରେ ତାଙ୍କ ପରବାର ଲୋକଙ୍କୁ ପ୍ରଣୟଙ୍କ ମୃତ ଶରୀର ହସ୍ତାନ୍ତର କରାଯାଇଛି । ପୋଲିସ ଅନୁସାରେ ପ୍ରଣୟଙ୍କ ପ୍ରେମିକା ମଧ୍ୟ ଭୁବନେଶ୍ୱରର । ସେ କହିଛନ୍ତି ଯେ ଭୁବନେଶ୍ୱରରେ ପ୍ରଣୟଙ୍କୁ ଭଲରେ ଚିହ୍ନି ନ ଥିଲେ । ବେଙ୍ଗାଲୁରୁ ଆସିବା ପରେ ହିଁ ଉଭୟେଙ୍କ ମଧ୍ୟରେ ବନ୍ଧୁତା ସୃ୍ଷ୍ଟି ହୋଇଥିଲା । ତେବେ ପ୍ରଣୟ ରାତି ୩ଟାରେ ତାଙ୍କୁ ଭେଟିବାକୁ ଆସୁଥିବା କଥା ସେ ଅନ୍ୟ କାହାକୁ କହିଛନ୍ତି ନାଁ ନାହିଁ ତାହା ତାଙ୍କୁ ପଚରାଯାଉଛି । ତେବେ ପଚରାଉଚରା ପାଇଁ ତାଙ୍କୁ ଆଉ ଥରେ ଡକାଯିବ ବୋଲି ପୁଲିସ କହିଛି ।