କନ୍ଧମାଳ ଏସପିଙ୍କ କାର୍ଯ୍ୟାଳୟ ଆଗରେ କରୋନା ଯୋଦ୍ଧାଙ୍କ ଧାରଣା : ଭାଇରସ୍ ମୁକାବିଲା ପାଇଁ ବିଭିନ୍ନ ସ୍ୱାସ୍ଥ୍ୟ କେନ୍ଦ୍ରରେ ନିୟୋଜିତ ହୋଇଥିଲେ ୫୫ ଜଣ ନର୍ସ, ଦୁଇ ମାସର ଦରମା ନଦେଇ ଛଟେଇ କରିଥିବା ଅଭିଯୋଗ
କନକ ବ୍ୟୁରୋ : କରୋନା ମୁକାବିଲା ପାଇଁ ନିଯୁକ୍ତି ଦେଲେ, ୨ ମାସର ଦରମା ନ ଦେଇ ଛଟେଇ କଲେ । ଏହାର ପ୍ରତିବାଦରେ କନ୍ଧମାଳ ଏସପିଙ୍କ କାର୍ଯ୍ୟାଳୟ ଆଗରେ ଧାରଣା ଦେଇଥିଲେ ଛଟେଇ ହୋଇଥିବା ନର୍ସମାନେ । କରୋନା ମୁକାବିଲା ପାଇଁ କନ୍ଧମାଳ ଜିଲ୍ଲା ପ୍ରଶାସନ ୫୫ ଜଣ ନର୍ସଙ୍କୁ ବିଭିନ୍ନ ସ୍ୱାସ୍ଥ୍ୟ କେନ୍ଦ୍ରରେ ନିଯୁକ୍ତି ଦେଇଥିଲେ । କିନ୍ତୁ ୨ମାସ ପରେ ସେମାନଙ୍କୁ ବେତନ ନ ଦେଇ ଛଟେଇ କରି ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହାକୁ ବିରୋଧ କରି ଗୁରୁବାର ଏସପିଙ୍କୁ ସାକ୍ଷାତ କରିବା ପାଇଁ ସକାଳରୁ ସନ୍ଧ୍ୟା ପର୍ଯ୍ୟନ୍ତ କାର୍ଯ୍ୟାଳୟ ଆଗରେ ୫୫ ଜଣ ନର୍ସ ଜଗିରହିଥିଲେ ମଧ୍ୟ ଭେଟି ପାରିନଥିଲେ । ଦୁଇ ଦିନ ପୂର୍ବରୁ ଜିଲ୍ଲାପାଳଙ୍କୁ ଭେଟିବାକୁ ଯାଇଥିଲେ ମଧ୍ୟ ନର୍ସମାନେ ସାକ୍ଷାତ କରିପାରିନଥିଲେ । ତେବେ ସେଠାରେ ଥିବା ଆଇଆଇସି ନର୍ସମାନଙ୍କୁ ଗାଳି ଗୁଲଜ କରି ଜିଲ୍ଲାପାଳ କାର୍ଯ୍ୟାଳୟକୁ ନ ଆସିବା ପାଇଁ ଧମକ ଦେଇଥିବା ଅଭିଯୋଗ ହୋଇଛି ।